تورطت ( بلشت)

مساكن الله بالخير
اليوم عندي لكن سالفه
البارح سيرت على المصرقعة (جارتي الي تعرفونها) بعد صلاة الأخير (البدو يقولون صلاة العشاء=يسمونها الأخير ):time:

على العموم المصرقعة عزمتنا على دلة قهوة وشاي حطب وقدوع على كيفكن :23:

ولحسن الحظ بيتها مافيه رجاجيل وأستغلت الفرصة ودخلتنا بالخيمة (بيت الشعر) الى بانينه ببيتها (هذه من عوايد أهل حايل )

جلسنا نسولف ونحشحش ونظحك ( الله لا يواثمنا ):01:
شوي ودخلت علينا ذيك العجوز
سلمت علينا وجلست عندي
انا انكتمت من ريحت هالعجوز ( ريحتها تركد الطير من السماء ):11:
سكت وصبرت
وصجتنا بالسواليف
وشوي ودخلت خويتي راعية الغنم قمت وفزيت لها بس مع الأسف كانت توها معشية الغنم وصاك عليها بالشبك
جلست بجنبي وريحها ماشاء الله ( ريحة الكمخة معاها ):11:

صرت الله لا يوريكم بين العجوز وراعية الغنم ( موقف أحسد عليه ):(
شوي وفتحت لنا العجوز موضوع المساحيق التجميلية وتقول يا بناتي احذروا منها تروهن مصنوعة من الصراصير ( صراصيرمطحونه ) ههههههههه
انا قلت بقلبي ( انتي تنظفي اول وبعدين تكلمي ) هيهيهيه
وبعد نقاشات في هذا الموضوع الحاد

فتحت لنا راعية الغنم موضوع آخر لكن أهم
تقول والله يوخياتي مامثل المحلب والعنزروت لو تخلطنه بماء وتنقعنه ليله واليوم الثاني تمشطن به شعوركن تطلع بعدين جنان
قلنا ( انا والمصرقعة ) صدقتي نبي نجربها هههههههههههه( تسكيت بس)
عاد قامت راعية الغنم والعجوز واستأذنن وراحن
وما تصورون فرحتي يوم انقلعن ( مو كره بهن والله ) مشان ريحتهن
وقلت للمصرقعه المرة الجاية انا ابغا افتح موضوع العطور وابغا اشوف وش رايهن
ايدت الفكرة المصرقعه هههههههههههههههه
وراح اوافيكم بعدين بتفاصيل الجلسة الجاية

تمسن على خير