توظفت وابي زوجي يطلقني وانا حامل واحس اني في دوامة الشك

موضوعي من كثر ماهو معقد ماعرف كيف ابدا فيه ماعرف كيف ادخل بالموضوع

انا متزوجه من 3 سنوات والان حامل في الشهر الثاني نفسيتي تعبانة جدا من زوجي حطمني وحطم كل شيء بينا احس من الانهيار افكر انتحر ماصدق ماصدق زوجي الصادق المحترم الامين اللي ماعمري شفته يطالع بنات او يغازل يطلع منه هالشيء ماعرف بديت اشك اني مقصرة بحقه اناظر وجهي اقول انا تغيرت انا اهملت نفسي يمكن زوجي كرهني بهذا السبب انا والله كنت ولا زلت بنت رجال معه دايم زوجي ماعنده فلوس وكان محتاج وعطيته 70 الف ولا خذت لا ورقه ولا شيء عليه بس قلت حرام اذل زوجي واخليه يتسلف من الناس وانا موجوده مايصير ومن هالكلام الغبي اللي فعلا ماحصلته منه غير الخيانة انا حصلت وظيفه لكن بعد العيد ببدا الدوام ****لله وكثر مانا مبسوطه كثر مابكيت وانحرقت كيف اصبر واطلع من البيت خلاص معاد اقدر اناظر وجه زوجي احس فيه لؤم وخبث ونجاسة ماشفتها في احد ، هذا رد الجميل ابوي حتى واهلي ماشرطوا أي شروط بزواجي واحس اللي تستهين بنفسها الرجال يهينها

من 3 شهور حصلت عند زوجي رقم بنت xxxوزوجي يسولف معها وتزاب متى تجين ومتى ترجعين xxوبتعطيني رقمك اذا رحتي xxx انا استغربت سكرت محادثه الوتزاب وخذت الرقم واضفتها عندي وكل يوم تحط صوره جديده يارجولها ياصدرها ياترفع تنورتها بطريقه فظيعه ومحزنه دورت رقمها xxx ماعرفت احصلها ماعرفىهل خذه منها او لا ؟ لانه قفل جواله برقم سري بعد فتره راقبته وخذت الرقم وصرت افتحه ومسح هو المحادثة ومعاد صار فيه اي حوار بينهم نهائي وكل مادخلت اجلس انتظره يطلع يكلمها ولايطلع واضح انها ماتبي تكلمه او انها مستغنيه المهم هدت الامور وفرحت بحملي وانبسطت كثير وتركت مراقبته وقلت الله عوضني يارب وخلاص ليش اتابعه واتعب راسي كيفه الله بيهديه وخصوصا انه يحبني ويموت فيني من كلامه واحيانا احسه يبي يوديني لاهلي ويفتك مني علاقتي معه الجنسيه فاشله انا ماعمري حسيت بنشوه الجماع واحس عنده ضعف او مشكله بس والله عمري ماجرحته ولا عمري نكدت عليه ودايم اقول مبسوطة والله معك ياحبيبي .
الغريب من 3 ايام لقيت بنت تكتب له شفت صورتي وهو يقولها يازينك انا افكرها تعرض ملابس واطلع من الوتزاب وفجاءه لاشعوريا دارت فينا الدنيا وارجع ادخل وارسل المحادثة لايميلي واروح امسحها من ايميله عشان ماتطلع له اني مرسلتها لنفسي واناظر الصور الا بنت بزر عمرها 19 سنه مدري وش اقول ويقولها عندك صور ثانيه طاح الجوال من يدي وبغيت استفرغ وجلست ابكي وابكي وابكي واصيح بصوت عالي لاني مو مصدقه اقول اكيد هذا مو جوال زوجي الحنون المحترم وين اروح الحين الصعوبة كيف اتعايش معه واتكلم واشرب واكل وامزح واضحك واروح معه مستشفى واتابع ولادتي قلبي يدق ويديني ترجف ولابي احط عينه بعيني مادري كيف تمشي الحياه انا ماعرف كيف انفصل عنه ماعرف وفلوسي اللي خذها وش اسوي ماودي اضيق صدر اهلي وخواتي واخواني وش اقولهم بيلوموني اني ساعدته وابوي بيقولي زوجك وانتي ادرى ولو اقولهم بجيكم بيقولون تعالي ودي ادوس عليه زي ماداسني كيف وش اسوي واليوم الكارثه لقيت بنت مرسله له ايميل تطلب منه مساعدة وهو يقولها عطيني رقمك وانا ابشرح لك بتفاصيل احس انه مجنون عنده حب مكالمات البنات بطريقه مو طبيعيه اواجهه كيف وش اقوله انا افتح جوالك والرقم السري عندي !