أهلين بنات ..
فروشة زوجي اشترى 4 بطايق تلفون جديدة وطلعت طيبة نوعاً ما ونشوف النهاية ..

التدفئة أظن لما تخليها على الاوتماتيك على 70 او 68 = 20 مئوي يكون البيت بارد شوية وأحسها اوفر .. زي ماقلت لك البيت هنا مشمس وصغير وأنا اخليها زي كدا وطول النهار ما اسمعها تشتغل لاني افتح كل الستاير وتدخل الشمس تدفي البيت وفي الليل تبدأ تشتغل ..

البيت الكبير مرة يصرف في التدفئة .. في البيت الاول كانت تصرعنا الفواتير والمصيبة مانعرف هي من الدفاية والا الفرن لانه كله كهربا..

أعرف وحدة مستأجرة هاوس زيكم ماتشغل الدفاية المركزية ابداً وتستعمل الدفايات الصغيرة اليي على الكهربا وتجيها الكهربا زينا 300 و350 ومقتنعة بيها مرة تقول بلاش صرفية غاز وفاتورة كاملة زيادة ..

تصدقي هنا مرة صعب تلاقي هاوس .. اعرف وحدة تانية قعدت سنة كاملة تدور هاوس .. كل الموجود للبيع التأجير نادر مرة ..

حمره الورد منوره كالمعتاد ...هل خذتوا سيتي اذا كان جربيوا وخبرينا بالنتايج ...بالنسبه للتدفئه بصرااحه بيتنا باارد موووت ...بس بجرب شهر فبراير اشغل الدفايات الصغيره وبشووف الفرق ..مشكووره ..

الله يسعدك يا فروشة .. انت اليي منورة..

لا ماجبنا سيتي اشتراها قبل لانفتح الموضوع .. اسمها ميدل ايسترن .. تعرفي لما تفتح الخط تقول لنا عندنا 9 ساعات طبعاً ماتعطينا 9 ساعات لكن كلمت ساعتين ماشاء الله ..

بس كم مرة نجيب بطايق وتطلع حلوة تعطي ساعة ونص والا ساعة وبعدين تصير 20 دقيقة والا 40 دقيقة شي يفور الدم ..

الله يعينكم على البرد عندنا درجة الحرارة في الصفر وحوله وهدا الشتا الدنيا دافية توصل 10 ماشاء الله ..

ما اتخيل عندكم الله يكون في عونك .

موضوع حلو كثير


من ناحيتنا الفاتورة تبع الشهر الى راح كانت محترمة جداا

دئما احاول التوفير لما اشغل الفرن احاول تكون جميع الاكلات بلفرن
والكهرباء صراحة مش كثير لانى احب الضوء كثير واحدة خوافة ههههههههه
بنسبة لضغاط ما عمرى فكرت استخدمة بس حبية اعرف ممكن احط فية الفاصوليا
والفول الحبوب لان لما اعملهم ياخذو وقت كثير وايش افضل نوع لانى شكلى راح
اشتريها رغم مخاطرهن .

السلام عليكم

تابعت ردودكم ما شاء الله عندكم افكار حلوه

أنا المهم ما اموت من البرد خصوصاِ انى ما احتمل الجو البارد وطول اليوم التدفئه شغاله
المهم يكون جو البيت ملائم ولابسين لبس عادى خفيف يعنى مو مهم التوفير فى الفاتوره
بس الحمد لله القاز اتجينا الفاتوره معقوله يعنى مو غالى كثير
مره اول ما سكنت ناديت المشرف حق البيت يصلح لى شيئ كان عطلان نزل البيسمنت وشاف الهيتر قام غير فى المفتاح حق التدفئه قالى هكذا اتوفرى اكثر
بشرحلكم
تحت تلاقوا البوكس الكبير اللى لاصق جنب سخانة الميه مكتوب عليه
aquatherm
حتلاقوا هاندل اكبار مكتوب عليهمon ,off
المهم خلوا الهاندل متجه للاسفل الناس حق الهيدرو بيحطوه الاتجاه بالجنب انتوا خلوه للاسفل
المشرف قالى بهالشكل البيت يحتفظ بالحراره وتوفرى فى الفاتوره

والهاتف انا ما عندى جوال ما احتاجه
ولو احتجت لتليفون وانا بالشارع 25 سنت واتصل .
والمكالمات الدوليه هذه الشركه قلتلكم عليها من قبل واسعارها معقوله جداً
اهلى لما كانوا بالسعوديه كانت الدقيقه ب 10 سنت لما اكلمهم

http://www.convergia.ca/ca/
http://www.convergia.ca/ca/

وباقى الفواتير مقدور عليها

بس التوفير عموما بالغربه عندى شبه مستحيل
خصوصا فى ميزانية الاكل وطلبات الاولاد.