تونه وبنت نت,وكل العجازات عن شغل البيت..وممنوع دخول الحريم السنعات..

هلا خوخايه..
ممكن اشارك ببعض النصايح اللي تخلي الشغل بالنسبه لكم زي العطسه..:)
اللحين بيوتكم معفوسه على قولتك وتشيلون هم الترتيب..
نجي للمطبخ..اول ماتخلصون اكل شيلي الصحون ومرريها بالمويه وصفيها بغساله الصحون..
حاولي بالطبخ ماتستعملين 200 ملعقه و500 صحن..
اشياء بسيطه واعداد معقوله.. مسحي كل شئ بوقته علشان يسهل..دولاب, فرن
خلال ثواني تبي تلقين المطبخ يلق..لاتتاخرين باي شئ لانه يبي يضاعف الجهد عليك..مثل الصحون لو تركتيها شوي يبي يصعب تمريرها بالمويه..ويبي يزيد عليك هم..
..
طيب الغرفه..اول ماتصحين وتغسلين وجهك..طيران على السرير رتبيه وشيلي الملابس اللي مرميه وعلقي الاشياء اللي تحتاج..
بلمحه بصر تبي تصير الغرفه فل.
وبشكل عام علشان ماتتعبون اي شئ تستخدمينه رجعيه لمحله بنفس الوقت..رتبيه بنفس الوقت, نظفيه بنفس الوقت
الاشياء اللي لايمكن تستخدمينها ولا بالحلم بس تقولين لا يمكن احتاجها..انصح بالتخلص منها عاجلا غير اجل لانها زياده حوسه
افرزي المجلات والجرايد اللي اكثر شئ يحوس البيت باستمرار ..
الغسيل اول باول غسلي والا يمكن ياصل السقف بعد كم يوم..
استغلي الخزانات بترتيب الاغراض ..لانها تساعد انك تلقين الشئ بسرعه بدون دوخه راس
والله اتذكر يوم انا صغيره رحت لاقارب لي بيتهم صغير مره وهم ماشاء الله كثار..ومع ذلك كل شئ يلمع بسبب انهم اول باول يسوون الشئ..حتى غسيلهم اللي بسله الغسيل كان شبه مسفط..من زياده الترتيب..
وكانوا صغار ..واللحين ماشاء الله كلعم ستات بيوت ولو تدخلين بيتهم باي لحظه تلقينه يلمع من النظافه..

..
والله لقافه دخلت بس قلت خوخايه ولا ارد عليها صعبه..
:17:

هلا خوخايه .. ياحبيلك والله
اه واه من شغل البيت:06:

خلوني اتشكى اول علشان تعرفون ابعاد المشكله وبعدين ندور الحل

انا من النوع الي يتضايق اذا شاف حوسه قدامه .. احس بخنقه قبل لا اعرس انادي الشغاله واطلع انا وامي نشرب موكا كرش ولا موكافرابتشينو .. ارجع الفى عرفتي زي الفل .. واذا غرفت التلفزيون زعقت على اخوان يوخليتهم يضفون حوستهم وحوستي "ديكتوتاريه " ادري علط بس مدري شلون تنكتب

الحين لما صرت بيتي ..
كنت شايله هم المطبخ .. الحين ماعندي مشاكل معاه بعد ماشفت الترتيب والتنظيف حق الغرف ..
وانا اطبخ عندي صحن بلاستك جنبي وكيس صغير .. بقايا التقطيع وقشور الخضار بالكيس .. اي منديل استخدمه برضوا بالكيس فاول ما احلص اشيل الكيس وبالزباله وانتوا بكرامه
واي شيء يبيله غسيل .. لوح التقطيع السكين المشخال على طول بغساله الصحون
واول باول امسح حوالين الفرن اذا انكب شيء
قبل لا الاكل ينحط على طاوله الاكل المطبخ يلمع
يعني زي ماقالت اختي شاكره .. ثواني والمطبخ يلمع

المشكله ويييييييييييييييييين
نزلت السعوديه بعد الكرسمس .. ولما رجعت كان معاي شنطتين وكرتون
وللحين الشنطه بغرفت دراسه زوجي لان بغرفه النوم مافي مكان .. واتضايق وتجيني حتقه اذاشفتهم قدامي

ماعندي مانع اجلس بالمطبخ 4 ساعات اطبخ .. بس ماني قادره اسحب نفسي يوم وادخل اعراضي بالدولاب
زوجي مررررره متضايق من وضع الشناط ..

فيني شوي حماس الحين وانا اتكلم عنهم .. ودي اقوم واسويهم
يارب الحين اقوم واسويهم واجيبلكم البشاره .. ولكم الحلاوه

وفيه بعد مشكبه صغيره ثانيه بغرفتي .. وهي التسريحه فيها شويه حوسه مو مره بس فيها حوسه

والشيء الثالث المضايقني .. الصاله .. فيها اوراق وسيديات مو موجوده بشركه ماكرسوفت نفسها
ياربي بكل مكان فيه سيديات
والاسلاك مغطيه الارض فيه طابعه والكاميرا دايما مشبوكه مع اانا مانصور .. الكيبل واسلاكه والكمبيوترات واسلاكهم
وهذا كووم والفواتير والدعايات كوووووووووم ..

احس فيني نشاط بروح احوس بالشناط قبل لا يروح
والله يجواك خير ويكتبلك الجنه وكل من تعزين دبيتي النشاط فيني

اهه
اهه
اه ه ه ه
اتشوووووووووووووووووووووو
:11:
الحمد لله..

شاكره احنا ما قلنا ممنوع دخول السنعات؟؟
والله انا باكتب الموضوع وانا حاطه يدي على قلبي خايفه اتفشل مع بنات المنتدى..
وياخذوا عني فكره سيئه..وبعدين محد يكلمني ولا يعبرني..
:D
بس والله مشكووووووره يا حبيبة قلبي شاكره على الرد السريع..بصراحه انا بيتي مو معفوس كله..انا عندي غرفتين نوم صغار وحده ننام فيها ووحده اعتبرها زي غرفة ملابس وهذه هيا الغرفه المقلوبه والسبب اني الى الان ما اشتريت الدواليب وحاطه الملابس في الشنط وكل ما ارتبها ترجع تتقربع ثاني..
..
بصراحه انا مشكلتي غسيل الصحون ما عندي غساله صحون.. وانا احب الطبخ -موهبه مكبوته تفجرت بعد الزواج-:19: ولهذا السبب تتراكم عندي قدور كثيره ومطبخي صغير..
..
وعندي الحمام وانتو بكرامه لانه مو زي حمامات السعوديه هنا الحمامات الكرسي لوحده في غرفه والحمام في غرفه ومافيها بلاعه..
وبالتالي غسيل الحمام صعب وممل..
..
وبس هذي مشاكلي في البيت..
اه صحيح نسيت النت اخذ معظم وقتي بس في الفتره الاخيره نظمت دخولي للنت..
ومشكوره ثاني يا شاكره..ولكي مني كل الحب..

يا حليلك يا خوخايه
والله احس وزني زاد وانا هنا من قلة الشغل 000 ما احس في بيوتهم شغل كثير
غسالة الملابس اتوماتيك وغسالة الصحون مع اني ما استخدمتها <<< يعني اني ظفره
بس بقولك على طريقتي ما تخلي الشغل يتراكم

اذا جيت اصلح اي وجبه أغسل المواعين اول بأول واحاول اني ما استخدم مواعين واجد واذا خلاص صلحت الكل وفي الفتره اللي يكون فيها يطبخ أنظف الفرن والدواليب وارتب المطبخ يعني ما يبقى بس الا المواعين اللي بناكل فيها
حتى احيانا اجهز صينية الشاهي قبل ما ناكل

هذا المطبخ 00 دورات المياه الله يكرمكم كلما دخلت مثلا شفت المرايه عليها اثر مويه على طول امسحها
الأفرنجي وانتم بكرامه اول بأول والزين هنا ان عندهم ادوات للنظافه مريحه مره ( وتقدرين ترجعين لمركز الأكتشافات)

غرفة النوم زي ما قالت شاكره ترتبينها اول ما تقومين
وطبعا اخلي ولدي يساعدني خصوصا اذا حاس الدنيا بألعابه << والله ياحظ مرته بتحصل لها واحد ظفر

والكنس مره وحده 00 والله احيانا اكنس 3مرات << ماقلت لك ظفره
بتقولين اجل وش خلاك تدخلين الموضوع << نحب الفزعات

نسينا الملابس زي ما قالت شاكره ما اخليها تتراكم وغسالاتهم تساعد الواحد يعني احط الثياب واروح لشغله ثانيه
لأن انا في بيتي في الرياض غساله عاديه بس يوم شفت غسالتهم حبيت راسها

وسلامتك00 ومن قال سالم

ساندوتش تونه..
وانا كمان احبك في الله..
تصدقي كانك تتكلمي عني انا واخواني شكلك الكبيره صح ؟حتى انا وكنت زيك دكتاتوريه درجه اولى للاسف..
وغير كذا كان عندنا في البيت شغالتين يرتبوا ويسووا كل شئ لانو ما شاء الله بيتنا ما يتقطع منه الضيوف - بيت العيله-وكل ربوع عندنا جمعه الاهل..
:06: (اه وحشوووووووووووني)
تصدقي فكرة الكيس تجنن انا راح اسويها..مره رائعه وتوفر الوقت..
لا تبخلي علينا بالافكار الحلوه اللي زي كدا..
دعواتي لك بالتوفيق في ترتيب الشنطه..
ومشكووره للمرور والرد..:26: