تو صار لي موقف لااا احسد عليه !!!

السلام عليكمً
اهلين بنات كيفكم
بقولكم موقف قبل ساعتين صار معي
لو انتو مثلي وش كنتو بتسوون
خصوصا للي عندنا بس اطفال صغار مايفهمون


-------
زوجي دوامه شفتات واليوم شفته من 10 الليل الى 6 الصبح
طلع زوجي قبل شوي للدوام وعندي طفل عمره سنتين ساكنه انا بشقه بعماره
تكرمون دخلت الحمام وانا بالعاده اخلي المفاتيح برا
عشان اقفل الحمام مايدخله ولدي يلعب فيه
شوي يا بنات الا يقفل علي الباب 😭
تعاااالوو شوفووو حالتي وانا حامل ومثقل


جلست اصاارخ حبيبي افتح الباب مو فاااهم علي
يالله مرت دقايق وربي بغيت انجن
فتحت الشباك حق الحمام تكرمون وجلست انادي
ومامن مجيب واطق الباب بقوه لعل جارتي تسمعني
ومااافيه اجابه من احد
وجوالي وتلفوني برا يالله جالسه افكر بولدي الي بيجلس للصباح
باب المطبخ مفتوح والتايد حوله وجلست افكر بكل شي خطر
يالله وش بززززين !!!!
سبحان الله تذكرت اصحاب الصخره بعدين تفائلت بربي
قلت الوضع ماراح يطول يمكن زوجي ينسى شي ويرجع
لو تصير معجزه وينفتح الباب
تخيلو دقااايق بسس ويفتحه ولدي الباب
لحظتها شعوري ماينوووصف جلست احضنه وابكي
والله مابقى بيني وبين الجنون شعره
يوم طلعت كلمت جارتي قالت ماسمعتك ابببد هذا وحنا مو مشغلين مكيفات
حلي كان حسن ظني بربي
لو وحده فيكم مكاني مع اني ما اتمناه لوحده فيكم
وش بيطلع معك تسوينه ونتي بهالحاله
الحمدلله بس عدت على خير
جلست بعدها نص ساعه كذا مفهيه اتخيل لو انه للحين مقفول علي الباب مصدومه!!
ابي كل وحده تعطيني حلول لو مكاني شبتصلح
كنت اسمع قصص كذا بس ماتوقعت تصير فيني