اووووووووووووعي تغضبي
خدي بالك الغضب دا مرض خطييييييييييير جداااااااااا بس في القلب (حابة انك تبقى مريضة اغضبي)
بصوا يابنات
انا عارفه ان الحياة صعبة والناس بقت اصعب والواحد كل يوم يقابل ناس ما يعلم بيها الا ربنا...انا عارفه
وعارفه انك ام وعندك اولاد بيعملوا حاجات غلط جداااااا بجد تستفزك..انا عارفه
وعارفه كمان ان ليكي صديقه غلطت في حقك ودايقتك اوووووووي ...انا عارفه
وعارفه برده ان اوقات مامتك او باباكي اوووو جوووووووزك او خطيبك بيقولك كلمة كده ولا كده تستفزك وبيزعئلك من غير سبب وبيدايقك اكيد في وقت من الاوقات...برده عارفه
بس ايلي انتي متعرفهوش بقى ايييييييييييييه؟؟؟؟؟
ان الغضب جمرررررة
يعني ايه جمرة يانسمة؟؟
عارفه الفحمة لما بيملاها الناااااااار وتمسك فيها هي دي الجمرة واكتر من كده كمان
وايلي متعرفهوش برده ان الجمرة دي الشيطان هو ايلي بيعملها مخصوص عشانك!!!
مش عشانك انتي طبعا تحديدا بس بيعملها عشان يرميها في قلبك وفمك لما تيجي تتنرفزي او تشوفي حاجه غلط
بصي الغضب بيعمل ايه
لما تشوفي حاجه تنرفزك اووووووووي فانتي طبعا يعيني مبتسكتيش وتقعدي تصرخي ووشك بيحمر وصوتك بيروح وضغطك يعلى
ولو عندك اطفاااااااااال بتكرهيهم فيكي على فكرة
ليه توصلي لمرحله ان ابنك ولا جوزك ولا صحبتك ولا اختك ولا الناس كلها ميبقوش طايقينك ؟؟ وبيبعدوا عنك بسبب انك عنيفه؟؟ بيقولوا عليكي لالا ابعدي عنها دي عصبية ومجنونة ومش ناقصينها !!!!
انتي نفسك لما بتتعاملي مع حد عصبي بتحبي تتعاملي معاه تاني؟؟
ولا بتحاولي تتجنبيه على اد ما تقدري
ليه تحطي نفسك في الموقف دا استفدتي ايه غير كراااااااااااهية من اقرب الناس ليكي انتي مش حاسة بيها بس هما مضطرين يخبوها عليكي وبيتعاملوا معاكي وامرهم لله ...ايوة انتي فاكرة ايه يعنى
لما صحبتك تعصبك ولا جوزك ولا خطيبك
وقت غضبك وانفعالك هتقولي كلام خارج عن شعورك
الكلام دا بيجرح اوووووووووووووووووووووووووووووووووووووووووووووي
ليه تتسببي في جرحهم؟؟
حتى لو رجعتي تعتذري بعدها بيفضل كلامك وعنفك سايب علامة في قلبهم مش بتتنسي بسهوله دا ان اتنست اصلا
وانتي نفسك بتستغربي نفسك بعدها بتقولي ايه دا انا ازاي قولت الكلام دا مش عارفه
طبعاااااااااا صدقتيني لما بقولك ان الشيطان هو ايلي بيسيطر عليكي وقتها وبيولعها حريقة اكتر ويفرح اوي كده ويسيبك ويمشي بقى وانتي مولعاها
لما تغضبي وتتعصبي كل شويا ممكن لا اكييييييييد في ناس حواليكي بتفسر دا انها عجرفه فارغه
يعني تلاقي ايلي يتكلم عنك ويقول دي طالعه فيها معرفش على ايه كل شويا تتعصب وتعلى صوتها مش فاهمين شايفه نفسها ليه دي روحها ف مناخيرها ديما ياعم ابعد عن الشر وغنيله!!!
ليه ترضي حد يقول عنك الكلام دا؟؟؟؟؟
ولما بتتعصبي هتاخدي قرارك غلط وهتندمي عليه
طيب يانسمة اعمل ايه انا عصبية دا طبعي معتقدش انه هيتغير ابدااااا
لالالالالالا
لو اننننننتتتتتتييييييي عيزاه يتغير هيتغير
وطول منتى بتقولى انه مش هيتغير يبقى مش هيتغير
معروف فى علم النفس ان اي خلق او عادة كان بيمارسها الانسان من الطفوله ممكن تتغير وفي خلال 21 يوم كمان!!!!!
يعني تقدري تحولي نفسك من واحده عصبية مرووشه لواحده رزينه عاقله بتتصرف صح بالمنطق
انتي عارفه واحنا اطفال كنا بنقول حكمة كده كنت بحبها اوووووي: (بيقولك صوتك العالي دلييييل على ضعف موقفك)
افرضي ابنك عارف الحكمة دي واخد بيها وحطها ف دماغه وشافك ليل نهار زعيق في البيت ماهو هيقول لنفسه ايه ..هيستصغرك اووووووي
ليه كده؟
بصي الرسول عليه الصلاة والسلام بيقولك ايه: (إنما العلم بالتعلم وإنما الحلم بالتحلم وإنما الصبر بالتصبر)
يعني ايه يانسمة
يعني لو عايزة تتعلمي حاجه ...قولي لنفسك ولو بالكدب انك تعرفي تتعلميها
والحلم دا عكس الغضب على فكرة
يعني لو عايزة تتخلصي من غضبك وتبقى انسانه حلييييييييييييمة قولي لنفسك انك حليمة اقنعيها بكده لحد ما هتبقي حليمه فعلا صدقيني دا كلام حبيبك الرسول وسبحان الله جه علم النفس اكتشفه
لانك اساسا بتغلطي برده واحياناهتلاقي نفسك بتغلطى نفس الغلطات ايلي اتعصبتى فيها على غيرك لما غلطها!!! كما تدين تدان وهيتعصبوا عليكوا هما كمان
وخدي باللللللللللللللللك ان رسولنا الكريم نهىىىىىىىىىى عن الغضب(عن أبى هريرة رضى الله عنه أن رجلا قال للنبى ( صلى الله عليه وآله وسلم ) أوصنى قال : لا تغضب فردد مراراً قال لا تغضب .
رواه البخارى
وجاء رجلإ الى النبى ( صلى الله عليه وسلم ) فقال : يارسول الله : علمنى علماً يقربنى من الجنة ويبعدنى عن النار قال : لا تغضب ولك الجنة
ياااااااااه تخيلي اد ايه الغضب دا حاجه بشعه نهى عنها الرسول لدرجه انه بيقولك ان غضبك دا ممكن يمنعك من الجنه...تخيلي
يابنات انا مش فاهمه احنا عايشين ليه
عايشين علشان ناكل ونشرب ونلبس ونتفسح ونتجوز ونخلف ونجيب فلوس
ولا عايشين اصلا علشان نعبد ربنا ونسمع كلام الرسول عليه الصلاة والسلام
جاوبوني
ليه كده ليه بندايق ونتعصب ونجرح في بعض على حاجات تافهه
الدنيا كلها تافهه متستاهلش دمعه ولا نكد ولا انك تتعصبي عشانها
ايلي يستاهل بجد لما تلاقي نفسك مش قادرة تنفذي كلام ربنا ورسوله دا يستاهل بدل الدموع دم
بالله عليكي فكري بعقلك ولو دقيقه وشوفي نفسك عايشة ليه
احنا ممكن نموت في لحظه ياترا حاجه مستاهله انك تبكي عليها ولا ترفعي ضغطك كل شويا عشانها ...اعذروني اني بقول كده بس دي حقيقة انتي مش عايزة تشوفيها
بصي بصي تعالي اقولك ان الحلم والرفق من احب الاخلاق الى الله
يعني ايه
الحلم زي ما قولت عكس الغضب يعني لما تيجي تتعصبي تمسكي نفسسسسسسسسسسسك
والرفق يعني متبقيش عنيييييفة في قرارك
لازم تدربي نفسك على كده
بصي السيدة عائشة كانت عندها جارية فعملت حاجه غلط واتخانقت معاها ولما الرسول سمعها راح قال للسيدة عائشة (ارفقي) فقالتله انا بأدبها بس
قالها ادبي وارفقي
مش احنا اول لما ابنك يعمل حاجه غلط تمسكيها وتزعئيله او تضربيه
ولا لما صحبتك او اختك تعمل حاجه غلط يلهوي على الحريقة ايلي بتقوم
طيب دلوقتي يانسمة كفاية رغي عالفاضي وقوليلي اعمل ايه في المواقف دي:
*ابني عمل حاجه غلط ميتسكتش عليها
*جوزي قالي كلمة مستفزة بجد تعصب البارد
*شوفت او سمعت حاجه غلط
ايه بقى عيزاني اسكت ولا ايه حضرتك ياست نسمة مانا كده هبقى سلبية مش بيقولوا الساكت عن الحق شيطان اخرس ولا عيزاني اشوف ابني غلط ومأدبوش واربيه عشان يعرف الصح من الغلط..شوفتي بقى يانسة انك غلطانه وبتقولي كلام وخلاص
ايه ايه ايه استني شويا عليا ياجميل اديني فرصة اتكلم وادافع عن نفسي
انا مقولتش انك تسكتي بالعكس اوعيييي تسكتي
*نسمة انتي هتجنيني ؟
بصي ياستي في فرق بين الحلم والسلبية
ابنك عمل مصيبة جوزك قالك حاجه تستفزك صحبتك غلطت فيكي الخ
اسكتي وبعدين متسكتيش
*نسمة احنا مش ناقصين ألغاز متعصبيناش
لالا احنا قولنا ايه مفيش عصبية امسكي نفسك واصبري عليا
اه اسكتي ومتسكتيش خلي دا شعارك
يعني اييييييييييييييييييييه؟
يعني مثلا ابنك عمل مصيبة اهو وانتي من جواكي بتغلي جواكي نار هاين عليكي تموتيه مش كده
لأ
سيبيه وامشي من قدامه بسرعه
حتى لو جوزك اخوكي صحبتك اختك خطيبك ايييييييي حد عصبك اوووووووي وجواكي نااااااااار امشي بسرعه من قدامه بسرررررررعه ولو بتكلميه على التليفون قوليله اقفل دلوقتي شويا وهكلمك واقفلي علطووووووووول
خدي مساحة تفكير عشان تعرفي تفكري صح بعيد عن الشيطان ولما تفكري صح هتاخدي قرار صح وارجعيله تاني كلميه بس المرادي والله هتكلميه بهدوووووووووووء لانك خلاص فكرتي واعصابك هديت
تعالي اتعلمي صح بقى ومن الرسول عليه الصلاة والسلام بنفسه :
هقولك القصة الصغنونه وهخليكي لوحدك تعرفي ازاي تتصرفي مع ايلي بيغلط
شاب صغير ((((كدددددددب )))))
كدب على مييييييييييييين
كدب على الرسول عليه الصلاة والسلام بذات بنفسه مش على مخلوق عادي مثلا
المهم ان الشاب دا كان طالع مع الرسول في رحلة كده ومعاهم ستات
فالشاب شاف بنتين كده قاعدين سوا بيهزروا عادي فراح قعد معاهم وسطيهم
الرسول عليه الصلاة والسلام دخل لقاه قاعد مع البنات فقاله انت بتعمل ايه هنا؟
فالشاب طبعا اتكسف اوي من نفسه وكدب وقال اصل الجمل بتاعي تاه مني فانا كنت بسال البنات لو بيبيعوا حاجه لجملي (طبعا كلام غير مقنع وغير منطقي يعني منين الجمل تاه منه ومنين بيسال عن حاجه عشانه!!!)
المهم طبعا الحوار دا مدخلش على النبي صلى الله عليه وسلم فعمل ايه بقىىىى؟
استني انتي لو مكانه هتعملي ايه لو ابنك او اختك او صحبتك او خطيبك او جوزك كدب عليكي كده وانتي متاكده انه كداب هتعملي ايه؟؟؟
اقولك انا هتعملي ايه...هتقوليله في وشه انت كداب وهتسالي البنات مثلا هو فعلا كان عايز يشتري منكم حاجه ؟هيقولولك لأ هتقوليله في وشه شوفت انك كداب وغشاش ومعندكش دم ووووو ومش هتسكتي ومرة على مرة هتضطريه يقولك طب اه بقى انا كداب ارتاحي بقى واسكتي وملكيش دعوة بيا(هيقولك كده) او لو مقالش كده هيسكت ويتكسف ويدااااااايق ويشيل منك وهيفضل شايلهالك طول عمره مش هينسهالك
انما شوفي بقى رسولك حبيبك صلى الله عليه وسلم عمل ايه واتعلمي
بص للشاب وسكت ومشي
(على فكرة اوقات كتيييييييييييير السكوت بيبقى اهم واقوى من الكلام ودي طريقة عقاب ناجحه جدااااااااااا وجربيها لو مش مصدقاني)
بعد ساعه الرسول شاف الشاب صدفه عادي فساله ها لقيت الجمل بتاعك؟؟
ومستناش منه الرد ومشي برده وسابه!!!
انما احنا بقى بنضغط جااااااااامد على الواحد لحد ما يتخنق في ايدك
انما الرسول بيعمل كده عشان يعالجه
المهم قعد اسبوع كل ما الرسول يشوفه في اي وقت واي مكان يساله ها لقيت جملك؟/لقيت الجمل؟/لقيت الجمل؟/...
لحد ما الشاب زهأ
وحس بضميره بيوجعه اوووووووووي وقرر انه يروح للرسول يصارحه ويقوله الحقيقه
راحله المسجد لقاه بيصلي
راح صلى هو كمان ركعتين لحد ما الرسول يخلص
وهو بيصلي قال لنفسه لالا بلاش افضح نفسي واقوله (شوفتي بدأ ازاي يحس بغلطته لوحده وسماها فضيحه)
اعد يطول في الصلاة على ما الرسول يخلص ويمشي عشان ميكلموش
طبعا رسولنا الكريم عليه افضل الصلاة والسلام لاحظ دا
فقال بصوت عالي انا قاعد هنا مستنيك لحد ما تخلص صلاة براحتك
الشاب اتكسف اكتر ولما خلص صلاة راح يقوله: يارسول الله انا الجمل بتاعي متاهش مني من ساعه ما دخلت الاسلام اصلا!!!
راح الرسول ابتسم وقاله ربنا يهديك ويرضى عنك
ياااااااااااااااااااه شايفين يابنات
لازم نتعلم انا مش بحكي حكاية قبل النوم
انا بحكيها عشان تتعلمي من رسولك عليه الصلاة والسلام لازم تاخديه قدوة ليكي بجد مش مجرد كلام
ليه معندناش صبر على ايلي قدامنا مع ان ايلي بيغلط فيكي دا ويعصبك حد قريب اووووي منك ممكن ابنك جوزك خطيبك ولو حتى باباكي ومامتك اختكواخوكى..تفتكروا الناس دي مش من حقها عليكي انك تصبري شويا ومتجرحيهوش بكلمة في ساعه شيطان زي ما بيقولوا
خليكي صبوووووورة طولي بالك شويا متقفيش على الوحدة كده مانتي مش ملاك برده سامحي عشان الناس تسامحك
عاملي الناس براحه وبلاش عنف قبل ما تطلبي منهم يعاملوكي بحنان بصي لنفسك الاول
*طيب يانسمة فهمت قصدك بس دلوقتي لو سمحتي بقى قوليلي اعالج نفسي ازاي من الغضب/لما اتعصب اعمل ايه عشان اهدى واسكت؟؟
بسيطه
1/تخيلي الشيطان قدامك ماسكك لبسك وبيرمي جواكي قطعه نار وبيقولك يلا ولعي ولعي اكتر وواقف يضحك عليكي وشمتان فيكي وبيطلعلك لسانه وبيقولك هييييييييييه قدرت عليكي لانك ضعيفه
2/اول ماحاجة تنرفزك قولي علطووووووووول اعوذ بالله من الشيطان الرجيم هتلاقي الشيطان بعد عنك فورااااااااااااااااااااااااااااااااا
3/غيري مكانك يعني لو انتي قاعده اقفي اتمشي اقفي في الشباك روحي كلمي صحبتك في التليفون المهم انك تغيري وضعك وبس وطبعا لازم تختفي من قصاد ايلي معصبك
وقال أبو ذر الغفارى : قال لنا رسول الله ( صلى الله عليه وسلم ) " إذا غضب أحدكم وهو قائم فليجلس ، فإن ذهب عنه الغضب وإلا فليضطجع"
4/اتوضي
قال ( صلى الله عليه وسلم ) : " إن الغضب من الشيطان وإن الشيطان خلق من النار وإنما يطفئ النار الماء فإذا غضب أحدكم فليتوضأ"
5/دوري على طريقة تحلي بيها المشكله بس تكوني هادية وصدقيني السكوووووووت طريقة فظييييييييييييعه جبااااااااارة تحسس ايلي قدامك بغلطه وتخليه ييجي يقولك عاقبيني كمان بس متكستيش
6/النية
يعني احتسبي صبرك دا عند ربنا خديها بنية انك عايزة متبقيش عصبية وتبقى حليمة لان الحلم احب الاخلاق لربنا وقال صلي الله عليه وسلم "ما جرعة أحب إلي الله من جرعة غيظ يكظمها عبد ما كظمها عبد إلا ملأ الله جوفه إيمانا" "ابن أبي الدنيا".
متخيله يحبها الله
منفسكيش ربنا يحبك ؟ والله العظيم نفسى يا نسمه
خلاص اكظمى غيظك
الواجب تمسكي ورقة وقلم وشوفي كام حد جرحتيه في حياتك واتعصبتي عليه وقولتيله كلام يجرح يدايق ملوش لزمه؟ممكن يكونوا كتير بس حاولي تفتكري عشان تشوفي العصبية بتعمل ايه وعشان تحكمي على نفسك عصبية درجة اولى ولا نص نص
واحب افكركم بجدول تنظيم الوقت
والخطه الاسبوعيه
المحاضرة الجاية:التوكل على الله
سبحانك اللهم وبحمدك اشهد ان لا اله الا انت استغفرك واتوب اليك
في حفظ الله وبركاته وامانه
بنات انا عملتلكم 3 جداول هنمشي كللللللللللللنا عليها انا عايزه راحتكم
كل ايلي عليكي لو عندك برينتر اطبعيه وريحي نفسك
ولو مش عندك خلاص عندك حلين
الاول انك تفتحيه عن طريق برنامج الرسام وتسجلي فيه درجاتك زي مانتي عايزة وايلي مش عارفة تكتبي ازاي عن طريق برنامج الرسام هتلاقي في الرموز بتاعته حرف A دوسي عليه واختاري مربع من ايلي هيطلعلك وارسمي المربع في خانة الجدول ايلي عيزاها وبعدها اكتبي عادي بالكيبورد
التاني انك تعملي زيه بالضبط بورقة وقلم عادي وتخليهم قدامك ليل نهار
وطبعا كل يوم هتشوفى جبتى كام ولما تلاقى درجت قلت هتلاقى نفسك بتظبتيها وعايزه تخليها اعلى باذن الله وده هيشجعك اوى باذن الله بس جربى انتى بس
اولا جدول الصلاة
ودا جدول بقى جديد عشان لو كنتي اجازة من الصلاة ولا حاجه
تمام كددددددددددددددددددددددددددددده
كل يوم اكتبلى درجتك سواء في الجدول الاول او التاني
محدش يقول انا في اجازة
هو معنى انك في اجازة يبقى تبعدي عن ربنا؟؟
معقوله الكلام دا
دا بقى جدول مهم جداااااااااااااااااااااااااااااااااااااااااا
عايزة تنااااااااافس
الجدول دا انا كلمتكم عنه في محاضرة الوقت اول محاضرة ومحدش اهتم بيه
فقولت اعمله على شكل جدول بالدرجات عشان تتشجعوا اكتر اصل الدرجات بتشجع على فكرة
بصو كده اخر اليوم هيبقى 50 درجه
ولو اخر الاسبوع هيبقى 350
ارجوكم بقى التزموا وبالذات باخر جدول لان اغلبكم كسل عنه بالله عليكم
سبحانك اللهم وبحمدك اشهد ان لا اله الا انت استغفرك واتوب اليك
في حفظ الله
كل ايلي عليكي لو عندك برينتر اطبعيه وريحي نفسك
ولو مش عندك خلاص عندك حلين
الاول انك تفتحيه عن طريق برنامج الرسام وتسجلي فيه درجاتك زي مانتي عايزة وايلي مش عارفة تكتبي ازاي عن طريق برنامج الرسام هتلاقي في الرموز بتاعته حرف A دوسي عليه واختاري مربع من ايلي هيطلعلك وارسمي المربع في خانة الجدول ايلي عيزاها وبعدها اكتبي عادي بالكيبورد
التاني انك تعملي زيه بالضبط بورقة وقلم عادي وتخليهم قدامك ليل نهار
وطبعا كل يوم هتشوفى جبتى كام ولما تلاقى درجت قلت هتلاقى نفسك بتظبتيها وعايزه تخليها اعلى باذن الله وده هيشجعك اوى باذن الله بس جربى انتى بس
اولا جدول الصلاة
ودا جدول بقى جديد عشان لو كنتي اجازة من الصلاة ولا حاجه
تمام كددددددددددددددددددددددددددددده
كل يوم اكتبلى درجتك سواء في الجدول الاول او التاني
محدش يقول انا في اجازة
هو معنى انك في اجازة يبقى تبعدي عن ربنا؟؟
معقوله الكلام دا
دا بقى جدول مهم جداااااااااااااااااااااااااااااااااااااااااا
عايزة تنااااااااافس
الجدول دا انا كلمتكم عنه في محاضرة الوقت اول محاضرة ومحدش اهتم بيه
فقولت اعمله على شكل جدول بالدرجات عشان تتشجعوا اكتر اصل الدرجات بتشجع على فكرة
بصو كده اخر اليوم هيبقى 50 درجه
ولو اخر الاسبوع هيبقى 350
ارجوكم بقى التزموا وبالذات باخر جدول لان اغلبكم كسل عنه بالله عليكم
سبحانك اللهم وبحمدك اشهد ان لا اله الا انت استغفرك واتوب اليك
في حفظ الله
الصفحة الأخيرة
يارب تكونى قريتى المحاضرات الى فاتتك متهيالى دول الى فاتوكى
المحاضره بعنوان ((تعالى نظمى وقتك صح وحسى بقيمته وامشى على الخطه السهله دى ))
التانيه بعنوان((جدول كامل شامل لحياتك اليوميه هيريحك جدا لسه مستنيه ايه ادخلى ))
التالته اول محاضره عن القران يلا ادخلى عشان عندك امتحان يوم الاتنين باذن الله