انا معك اختي
كلامك درر واسلوبك يدخل القلب
بصراحه انا اكثر شي احس براحه فيه هو صلاه الليل والدعاء
بس مؤخرا صرت ما الذذ فيها واصلي وانا بالي مشغول بامور الدنيا
ونفسي ارجع زي قبل

جزاك الله الجنه

السلام عليكم ورحمه الله وبركاته
بجد يا بنات انا اسفه جدا على التاخير والله غصب عنى انا جيت ارد عليكم لقيت رساله بتقولى ان بعد 6 مشاركات مينفعش اضيف حاجه غير بعد 24 ساعه والله هو ده الى اخرنى عليكم بجد اسفه
بس بجد بجد مبسوطه اوى اوى اوى من مشاركتكم معايا وتشجيعكم ليه واتمنى المزيد ان شاء الله
معلش يا بنات انا لسه جديده فى المنتدى فتقريبا معرفش حد فى المنتدى لكن ***** الله نتعرف ونبقى اصحاب كلنا عشان كده بطلب من كل واحده انها تدعو اى حد تعرفه عشان تبقى معانا فى الجروب والثواب يعم
***** المولى هستناكم بعد صلاه العشاء عشان هنزل اول محاضره ***** الله وهى عن التوبه وطبعا اى واحده عندها اى مشاركه او معلومه تضيفها عشان كلنا نستفيد باذن الله
معلش يا بنات طولت عليكم استودعكم الله الذى لا تضيع ودائعه
فى امان الله

جـــــــزاك الله كل خيييير

استغفر الله وأتوب إليه ,,,,,سبحان الله وبحمده سبحان الله العظيم

بسم الله الرحمن الرحيم

كفايه ذنوب

لوجه الله بننصحكم كفايه ذنوب كفايه ذنوب وقبل العمر ميعدى تعالوا نتوب تعالوا نتوب
تعالوا نتوب ونتعاهدعلى الطاعه وكفايه غفله والم اقتربت الساعه نرجع فى لحظه ندم لله بقناعه يمكن بحب النبى نتهنى بشفاعه
هنبدأ ب التوبــــــــــــــــــــــــة

بصو يا بنات هنتعود مع بعض اني هوجه كلامي في كل مرة
للي حاسه او شايفه انها الحمد لله الى حد ما متقربه من ربنا بس عايزة تزود وتثبت
وللي عايزه تقرب بس مش عارفه كل ما تقرب تبعد وهكذا(ودا الاغلب)

اولا بالنسبة لكل بنوته نفسها تبقى قريبه من ربنا بقى وتثبت مش كل ما تقرب تبعد تاني
لا
يلا نقول انا عايزة اتقرب من ربنا واموت على الطاعه الحلوة دي

الاسلام يابنات عموما والتدين خاصه عامل زي السلم
علشان نوصل لاخر درجه من السلم فوووووق خاااالص لازم نطلع سلمه سلمه
صح ولا غلط؟

واول درجه للسلم دا هي التوبة

الكلام متوجه لكل الناس
لازم نتوب لازم تتوبي
انتي عارفه اكيد ان ترك الصلاة كبيرة من الكبائر مثلا يعني وانتي مبتصليش او بتأخري الصلاة او تجمعيها بدون عذر او شويا تصلي وشويا لا انتي عارفه ان ربنا هيغفرلك ف لحظه كل دا لو توبتي
{‏ وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ‏ *

ومش بس كده دا ربنا كمان وعدك ان ذنوبك هتتقلب حسنات لما تتوبي
إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما( 70 ) )الفرقان

بنوته تانيه تقولي اتوب من ايه هو انا عملت ايه دانا بصلي الحمد لله وبصوم في رمضان ومش بعمل حاجه وحشه ف حد ولا حاجه حرام
تعالي هاتي ودنك هقولك حاجه
تعالي اقولك الذنوب الصغيرة والكبيرة ايلي انتي بتعمليها كللللل يوم ومش واخدة بالك منها:
1/عقوق الوالدين(لو بنظرة مش ولا بد كده /ممكن تكوني مع صحبتك وبتتكلمي عن مامتك تقومي قايله دي دقة قديمه/كلمة اووووف ايلي بتطلع مننا غصب عننا/عدم سماع كلامهم ولو في حاجه تافهه في نظرك /او سمعان الكلام في غير رضا...كل دا اسمه عقوق ويعتبر كبيرة من الكبائر والله العظيم)
2/الغيبة والنميمه ودي موجودة في كل بنات مصر تقريبا
3/ممكن واحدة تكون محجبة وكل حاجه تمام بس تلاقي كام شعرة كده طالعين من الحجاب !!! او لابسه لبس يشف ويصف جسمها
4/عدم غض النظر
5/عدم ذذكر الله
6/عدم شكر الله على نعمته(تخيلو دي كمان محتاجين نتوب منها)

عارفين هقولكم حاجه هتستغربوها اووووي
عارفين احنا محتاجين نتوب من ايه كمان
نتوب من اننا مش بنتوب...فاهمين
تخيلوا اهمية التوبة في حياتنا اد ايه

اصل انتي مش ملاك...انتي كده كده هتعصي وهتغلطي كتييييييير بس الفرق بقى انك هتوبي
هتخسري حاجه لما تقولي دلوقتي بصدق نية(استغفـــــر الله العظيم..يارب توبت اليك)بالله عليكى بصدق نيه

يقول المصطفى الحبيب صلى الله عليه وسلم
" كل ابن آدم خطاء وخير الخطائين التوابون " رواه الترمذي


يعني يابنات الطبيعي اننا نغلط ونعصي بس مش طبيعي ابدا اننا منتوبش
انتي ممكن تكوني عملتي ذنب قديم وانتي صغيرة مثلا مكنتيش بتسمعي كلام اهلك مثلا وانتي دلوقتي مبتعمليش كده وبقيتي كويسه ووووو
بس هل توبتي من ذنبك القديم دا؟؟
لا
يبقى ذنبك متغفرش وربنا هيسالك عنه يوم القيامه

بصوا الحديث الروووووووعة دا والى تعيطى وانتى بتسمعيه
روى أحمد ومسلم وغيرهما من حديث أبي موسى{ إن الله تعالى يبسط يده بالليل ليتوب مسيء النهار . ويبسط يده بالنهار ليتوب مسيء الليل حتى تطلع الشمس من مغربها} .
يااااااااااااه
تخيلوا ربنا (وهو الغني)يمدلك ايده كل نهار وكل ليل يندهلك علشان تستغفريه وانتي ولا هنا ولا هنا!!!
وبعدين هو مين ايلي محتاج لمين؟؟
والله احنا ايلي محتاجين لربنا واحنا ايلي لازم والمفروض نمد ايدينا نطلب منه وندعيه ونعيط
تخيلو رحمة ربنا عامله ازززززااااااااي
العظيم الى قال عن نفسه انه بيحب العفو متخيله يعنى ايه بيحبه يعنى بيحب انه يغفرلك ويعفو عن اخطائك الى ملهاش حدود

شروط التوبة بقى: حاجات بسيطه جدا تقدري تعمليها حالا وانت قاعدة وارجوكي متقوليش هبقى اعملها(اكثر اهل النار من المسوفين)يعنى الى بيقولوا هبقى اعمل
- 1الإخلاص في التوبة (يعني تكون من قلبك بجد من جواكي عايزة تتوبي بقى من كتر ما تعبتي من اي حاجه غلط بتعمليها)

‌2- الإقلاع عن الذنب(يعني شوفي ذنبك ايه وقرري مع نفسك وربنا شاهد اهو عليكي انك مش هتعمليه تاني وهتجاهدي نفسك)

‌3- الندم على الذنب

‌4- العزم على عدم الرجوع إلى الذنب .


يلا بقى هتقولي(اللهم انت ربي لا اله انت..خلقتني وانا امتك..وانا على عهدك ووعدك ما استطعت..اعوذ بك من شر ما صنعت..ابوء لك بنعمتك على وابوء بذنبي..فاغفر لي فانه لا يغفر الذنوب الا انت..استغفر الله العظيم الذي لا اله الا هو الحي القيوم واتوب اليه من كل ذنب اعلمه ولا اعلمه)

ولو بنوته عايزة تقوم تصلي ركعتين توبة يااااريت

قال رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ: " مَا مِنْ عَبْدٍ يُذْنِبُ ذَنْبًا ثُمَّ يَتَوَضَّأُ وَيُصَلِّي رَكْعَتَيْنِ ثُمَّ يَسْتَغْفِرُ اللَّهَ إِلا غَفَرَ لَهُ "
يلا يابنوته كده صفحتك عند ربنا بقت بيضاااااااااااااااااااااااء باذن الله
تخيلي بياضها وشوفي هتحسي بايه من جواكي
احنا كده واحدة واحدة بنوصل لحب الله(ان الله يحب التوابين ويحب المتطهرين)
اي استسفسار انا في الخدمة
الواجب: مطلوب من كل عضوة بقى انها بس تتوب من كل حاجه في حياتها علشان نبدا الصفحه الجديدة
سواء بصيغة التوبة ايلي قولتها او بركعتين التوبة زي ما تحب
لا تقل من اين ابدا طاعه الله بدايه
لا تقل غدا سابدا ربما تاتى النهايه
لا تقل ماذا ساجنى جنه الله كفايه
اقسم بالله العظيم حب الله كفايه واكبر كفايه
الموضوع القادم باذن الله عن اهمية الصلاة
استودعكم الله الذى لا تضيع ودائعه
فى امان الله وحفظه