كوبونات الراقية تسجيل الدخول

واقعية جدا
واقعية جدا •
الله يتوب علينا

استغر الله العضيم واتوب اليه
استغر الله العضيم واتوب اليه
استغر الله العضيم واتوب اليه
استغر الله العضيم واتوب اليه
نسمه الكون
نسمه الكون •
بسم الله والصلاه والسلام على رسول اله محمد ابن عبد الله صلى الله عليه وسلم * صلوا عليه*
سلام الله عليكم اخواتى فى الله بجد والله العظيم فرحتى كبيره جدا بوجودكم معايا وتشجيعكم ليه والله العظيم فرحانه اوى بيكم وربنا يارب يجعلوا فى ميزان حسناتنا جميعا يارب
انا حبه انى اشكر كل عضوه جميله معانا وشكر خاص للعضوه (* همسه الغلا * اعز الناس امى * بياض الثلج 90 * رائده 2010 * زمان ولراح * OM WED* ملامح الطفوله * علبه فازلين * نور كوكب * ياقوته خضراء * وواقعيه جدا) بجد بشكركم اوى واتمنى اتنور بوجودكم معانا دايما ولو سمحتم اعرف قريتوا محاضره التوبه ولا لا ويارب يحققلكم كل الى بتتمنوه يارب
وعايزه اقول للاخت واقعيه جدا ربنا يخليلك اطفالك ويعينك يارب على تربيتهم تربيه اسلاميه صحيحه على كتاب الله وسنه رسوله وربنا يجازيكى خير يارب عنهم
معلش يابنات بجمع الكلام كله فى مشاركه واحده عشان المحاضرات باذن الله معلش استحملونى

بصو يابنات
عندي ملاحظات هاااااااااامه جدااااااااااااااااااااااااا1

/انا مش شيخه ومش بفتي ولا بدعي الحكمة
لأ
انا مجرد بنت عادية جدااااااااااااا بس مريت بحاجات كتيييييييييييير وعملت ذنوب لحد ما وصلت لطريق ربنا الصح الى بيه اعيش حياه سعيده برضا ربنا وكمان تبقى اخرتى سعيده باذن الله وحبيت احطكم على اول الطريق دا علشان تنطلقوا وحبيت انقلكم تجربتى عشان تحسوا اجمل احساس حسيته بحياتى وهو احساسى ان ربنا بيحبنى وواقف حنبى لانى بحبكم فى الله واتمنى انكم تحبونى وربنا يجمعنا بالحب ده والصحبه والاخوه الطاهره دى تحت ظل عرشه يوم لا ظل الا ظله قولوا امين
يعني مجرد نقل لتجربتي لحد ما عرفت ازاي اوصل لربنا وطريقه الصح 0

/بالنسبة للواجب
ده وسيله للتشجيع والمنافسه وعشان يعنى تحسى بالمسئوليه وده هيبقى فى البدايه بس لحد مربنا يكرمك وتثبتى على طاعه ربنا وميبقاش في اى حاجه تقدر تهزك وتبقى زى حبيبنا عمر بن الخطاب الى كان لما يشوفه الشيطان يجرى ويخاف من كتر ايمانه وثباته ربنا يكرمنا جميعا ونكون زيه يارب
وده هحدده في نهاية كل محاضرة ...وهنزل جدول كمان ابتداء من المحاضرة الجاية فيه درجات
كل ما عليكي غير انك تعملي كوبي للجدول وتدي لنفسك الدرجه ايلي انتي شايفه نفسك تستحقيها
وتعمليه بيست هنا في الموضوع (اااو) تعملي بيه موضوع جديد مع نفسك وتكتبي عنوانه واجب محاضرة رقم كذا لحمله تيجي نبدأ صفحه جديدة مع ربنا
علشان اولا الكل يستفاد ونتشجع ونتنافس
ثانيا علشان قبل ما هنزل المحاضرة الجديدة هنجمع الدرجات ونشوف مين الاولى دى برده فكره تانيه للتشجيع ولو مش عجبتكم واى واحده عندها اى راى انا مستيه اسمعه بالله عليكم
متنسوش ربنا رقيب علينا يعنى هتبقى النيه فى الاول والاخر الوصول لرضا ربنا وحبه مش المسابقه

/عايزة بنوته كده او اتنين يكونوا الى حد ما بيدخلوا كتير او فاضيين يساعدوني اننا نبعت رسايل خاصة للمشتركات معانا بعد كل محاضرة جديدة علشان نشجعهم يدخلوا
طبعا وهيبقى ليهم ثواب عظييييييييييييييم باذن الله
بالله عليكم معلش اصلى حاولت اعمل كده منفعش لانى لسه عضوه جديده ولازم اكمل 50 مشاركه وربنا يقويني
ايلي شايفه نفسها تقدر بالله عليكم تبعتلي ع الخاص
او تقولى
5/عايزة بنوته كده خبيره في الفوتوشوب
تراسلني ع الخاص عشان نفسى نعمل شعار للحمله يبقى موجود فى توقيعنا ويبقى من غير منحس بنكسب ثواب كبير على كل عضوه ممكن تشوفه وتشترك معانا

6/اخر ملاحظه بقى معلش
نفسى احط المواضيع الجديدة ديما في التوقيع بتاعي عشان تبقى المحاضرات ورا بعضها ومتهش فى الصفحات وكمان عشان لو مشتركه جديده فى الحمله تلاقى المحاضرات بسهوله متنسوش بالله عليكم مستنيه ردكم عليا
معلش يابنات اسفه اتكلمت كتير استحملونى بقى
لو بنوته عندها اي استفسار عن اى حاجه انا تحت امرها

هذا وبالله التوفيـــــــــــق
استودعكم الله فى امان الله
نسمه الكون
نسمه الكون •
ايه يا بنات انتوا فين ليه محدش بيدخل نفسى اعرف قريتوا المحاضره ولا لا
باذن الله المحاضره الثانيه هتكون عن الصلاه هستناكم بعد صلاه العشاء باذن الله
فى امان الله
نسمه الكون
نسمه الكون •
بسم الله الرحمن الرحيم

كفايه ذنوب

لوجه الله بننصحكم كفايه ذنوب كفايه ذنوب وقبل العمر ميعدى تعالوا نتوب تعالوا نتوب
تعالوا نتوب ونتعاهدعلى الطاعه وكفايه غفله والم اقتربت الساعه نرجع فى لحظه ندم لله بقناعه يمكن بحب النبى نتهنى بشفاعه
المحاضرة رقم 2(اهميــــــــــة الصــــــــلاة)
ولانها محاضرة طويله فهنقسمها على 3 محاضرات
1/المحافظة على الصلاة + عقوبة تارك الصلاة+جدول للصلاة
2/صلاة الفجر وازاي تصحيلها
3/الخشوع في الصلاة
4/النوافل بما فيها(صلاة قيام الليل والضحى)

ارجوكم طولوا بالكم معايا ساعدوا نفسكم هما 10 دقايق اقروا ايلي هقوله وخلاص


نبدا على بركة الله ..متنسوش انتو دلوقتي واقفين على اول درجه من درجات السلم ايلي هي التوبة ها هتنزلي تاني ولا هتطلع درجه درجه لحد ما تنولي رضا الله ومحبته وتحققي كل امنياتك لاخرتك ودنيتك؟؟ يلا نساعد بعض ونطلع الدرجه التانيه وهي اهم واساس كل شئ

مفتاح الجنه(الصـــــــــــــــــــلاة)
مش هقول كلام نحوي في ان الصلاة هي الصلة بين العبد وربه مع انها صح طبعا
ومش هقول ان اخر وصية وصانا بيها الرسول عليه افضل الصلاة والسلام هي الصلاة الصلاة
ومش هقول ان اخر ابتسامه ابتسمها الرسول في حياته كانت للمصلين

بس انا هسألك سؤال:حد ضربك على ايدك علشان تبقي مسلمة؟؟؟
جاوبيني بالله عليكي
ولما هو لأ...فازاااااااااااااي تبقى مسلمة ومش بتصلي؟؟؟!!!!! ازااااااي والله العظيم مينفعش
بنوته هتقول:
انا الحمد لله انسانه كويسه اوي وقلبي ابيض والله وبعمل خير كتير وعمري ما اذيت حد وكل الناس بتحبني وبحب ربنا ورسوله اووووووووي بس مش بصلي او مش عارفه التزم في الصلاة
دانا كمان حجيت وعملت عمرة كذا مرة

هقولك للاسف انتي ضيعتي كل صفاتك واعمالك الحلوة دي علشان_ اسمحيلي اقولك وربنا يغفرلي بقى_ علشان عبادة بسيطه وسهله مش هتاخد منك 5 دقايق وجربي تحسبيها لو خدت اكتر من كده ليكي الكلام


البنات ايلي بتقول : انا نفسي اصلي والله بس مش عارفه انا ليه كده؟؟
وايلي بتقول:نفسي اواظب على الصلاة علطول ومأخرهاش بس غصب عني مش عارفه مالي؟
هقولك:قبل ما تسألي نفسك وتقولي مش عارفه ليه مش بصلي
اسالي نفسك: انا عايشة ليه؟؟
عمر حد سأل نفسه السؤال دا يابنات؟؟؟ جاوبي بصدق بجد
عايشة ليه؟ ايه هدفك في حياتك؟ سعيدة ولا مش سعيدة؟ عايزة تنجحي؟ عايزة تتجوزي؟ عايزة ربنا يرزقك اطفالظ عايزة ربنا يحمي اطفالك وتربيهم كويس؟
ها حد عايز حاجه تاني؟؟؟ فكرواااااا
ها قولتي ايلي نفسك فيه؟ طب تعالي انا اقولك بالعقل كده هو مين الوحييييييييييد ايلي يقدر يحققلك امنياتك دي؟؟
دا ربنا في لحظه قادر يقولها كن فتكون
طب حد ظلمك؟ حد جرحك؟ حد اهانك؟
مين قادر يردلك حقك في لحظه؟؟ مين قادر يسخر لك كل من على الارض لخدمتك وراحتك؟
طب بالعقل برده معلش
انتي ازاي ليكي عين تطلبي من ربنا وازاي مستنيه من ربنا يحقق ايلي انتي عيزاه
وانتي حتى مش قادرة او مش هاين عليكي او مكسله تديله ابسط حق من حقوقه!!!!
مش معقول يابنات تستكتروا على ربنا انكم تسمعوا كلامه في عبادة سهله وبسيطه

اقسم بالله عبادة سهله جداااااااااااااااااااااااااا
مش عارفه ليه تقيله علينا؟
اد كده الشيطان مكتفنا !!!
لا ما احنا اتفقنا بقى خلاص على التوبة وصفحتك ماشاء الله بقت بيضاء ناصعه يلا بقى نوريها بالصلاة
طب بلاش كل دا
بصي كده حواليكي..بصي للسماء..ازاي ربنا رفعها من غير عمود سبحان الله..بصي للارض..للشمس للقمر للنجوم للجبال شوفي عظمة ربنا في الكون
وشوفي عظمة ربنا فيكي انتي الحمد لله انعم عليكي بنعمة البصر والسمع والقلب والمشاعر والعقل وميزك عن الحيوان ليييييه
علشان بيكرمك ..امر الشيطان والملائكه يسجدولك..تخيلي انك افضل من الملائكه!!!
بعد كل دا تفتكري ربنا حبيبك ميستحقش انك تديله من وقتك 5 دقايق في كل صلاة
يعني لو حسبناها 5 دقائق في خمس صلوات = 25 دقيقه على مدار اليوم متفرقه يعني
ايه يعني يابنات؟؟؟؟؟
خلاص يعني مشغولين للدرجاتي ..مانتي بتلاقي وقت للخروج ووقت للمذاكرة ووقت للتليفون ووقت للانترنت ووقت للتيفي وخلافه هتيجي عند اساس دنيتك واخرتك... عند السبب ايلي هيسعدك دنيا واخرة..هتيجي عليه وتقفي؟؟؟؟
خدي بالك ان محافظتك على صلاتك على اوقاتها هتمحي ذنوبك كل يوم وليله من تلقاء نفسها

وعلشان تعرفي تصلي في وقتها لازم اول ما تسمعي الاذان سيبي كل ايلي في ايدك مهما كان مش اهم من ربنا
الله اكبــــــــــــــــــــــر من كل حاجه واي حد خلي دا مبدئك
وخدي بالك(لا يبارك الله في عمل يلهي عن الصلاة) حتى لو عمل خير كمان



لما تسمعي الاذان وحسيتي انك مكسله تقومي...هتعملي ايييييييه؟؟؟
1/تخيلي ان الشيطان ماسكك ومكتفك وبيطلعلك لسانه وبيقولك اتحداكي لو قومتي وريني شطارتك(صدقيني الاحساس دا مستفز وهتقومي)
2/ لو مثلا ايلي معطلك حاجه مهمه زي المذاكرة او اي حاجه مهمه يعني...تأكدي ان ربنا غضبان عليكي لو مقومتيش ومش هيباركلك فيها مهما كانت كويسه ومهمه
3/لما تحسي ان الشيطان بيلعب في دماغك وبيقولك لسه هتقومي تتوضي وتصلي اووووف دا الجو برد مثلا او انتي تعبانه خليكي مرتاحه وربنا غفور رحيم!!!

لا اووووووووعي تستسلمي ابوس ايدك قولي لنفسك كده قولي لو استسلمت لتعبي وكسلي هتعب اكتر بعد كده
وربنا لما يزعل مني مش هيخليني سعيدة ولا بالي مرتاح
حطي قصاد عينك هدفك وتخيلي انك لو قومتي تصلي ربنا هيديهولك
ولو مقومتيش مش هتوصليله ولازم تعرفى قال عمر بن الخطاب رضى الله عنه *لا حظ فى الاسلام لمن ترك الصلاه*
الطرق دي مفيييييييييييييييييدة جداااااااااااااااا وهتجيب معاكم باذن الله

انا كلامي دا بخص بيه ايلي مش بتصلي اصلا او ايلي بتصلي بس بتأخر الصلاة وتجمعها بدون عذر او ايلي بتصلي بس مش ملتزمه علطول

طبعا انتو مش محتاجين تعرفوا ان اكتر حاجه ربنا بيحبها الصلاة في اوقاتها ولو ربنا حبك يابختك

ومش محتاجين تعرفوا عقوبة تارك الصلاة بس هقولها احتياطي




عقوبة تارك الصلاة
ارجوووووووووكي

اقسم بالله العظيم يابنات خايفه عليكم وعلى نفسي من عذاب ربنا اول حاجه هنتحاسب عليها هي الصلاة يعني لو كنتي بتصلي خلاص نجيتي باذن الله ولو لأ لاقدر الله من غير مناقشه على جهنم ومش اي جهنم لا دي سقر
قال تعالي
مَا سَلَكَكُمْ فِي سَقَرَ قَالُوا لَمْ نَكُ مِنَ الْمُصَلِّينَ وَلَمْ نَكُ نُطْعِمُ الْمِسْكِينَ وَكُنَّا نَخُوضُ مَعَ الْخَائِضِينَ وَكُنَّا نُكَذِّبُ بِيَوْمِ الدِّينِ
وقال تعالي : ]

هذا الوادي بمجرد دخول تارك الصلاه فيه تذوب عظامه من شده الحراره

وتارك الصلاه يحشر مع فرعون وهامان

ويمنع من الشرب من حوض الرسول عليه افضل الصلاة والسلام


متسيبيش الصلاة ابوس ايدك
ذنوبك ربنا هيمحيها ف لحظه بكلمة استغفر الله
انما ترك الصلاة ...ربنا مش هيسيبك اقسم بالله هتتعذبي دنيا واخرة ومش اي عذااااااااب
من ترك الصلاه فقد كفر *قد كفر* انتى متخيله بالله عليكى الجمله دى لوحدها مش كفايه وتخليكى تقومى حالا وتقولى تبت يارب وتصلى بقى

قومي قولي يارب سامحيني خلاااااااااااص انا مش هعمل عمل من اعمال الكفار لانك اكيد عارفه ان الصلاه هى الفرق بينك وبين الكافر انا هصلي حرمت يارب ارجوك متعذبنيش ...الشيطان كان غلبني بس خلاص فوئت من هنا ورايح مش هفوت فرض بأذنك...يلا قولي مستنية ايييييييه افرضي ربنا كاتب انك هتموتي كمان خمس دقايق...هتموتي كده؟؟؟؟ هتقوليله اييييييييييييه؟؟ ليه بتعملي في نفسك كده حرام عليكي...
قومي صلي وادعي ربنا وعيطي اطلبي منه يسامحك ويقويكي ويثبتك
هو قريب منك اقربلك من نفسك
هيسمعلك بس انتي ابدئي

قبل ما اختم كلامي
هعرض عليكم جدول الصلاة...بالجدول دا هيخليكم تتشجعوا مع نفسكم وكل ما تتخيلوا شكل الدرجه وهي صفــــر
هتقومي تصلي
معلش لازم نبقى كده في البدايه لحد ما نثبت ونتعود وايمانا يقوي باذن الله
 صلاة الفجر عليها 10 درجات ولو صليتيها متأخر عن وقتها 5 درجات
صلاة الظهر عليها 10 درجات ولو صليتيها متأخر عن وقتها 5 درجات
صلاة العصرعليها 10 درجات ولو صليتيها متأخر عن وقتها 5 درجات
صلاة المغرب عليها 10 درجات ولو صليتيها متأخر عن وقتها 5 درجات
صلاة العشاء عليها 10 درجات ولو صليتيها متأخر عن وقتها 5 درجات

كدة مجموعك اخر اليوم 50 درجة بالتمام والكمال
اضبطي نفسك كده هاتي ورقة وقلم ولا حاجه او اعملي جدول على الوورد بالشكل ايلي يريحك وخليه قصاد عينك طول الوقت
كل ما تصلي صلاة اكتبي درجتك قدامها..الطريقه دي ناجحه جدااااااااااا للحفاظ على الصلاة صدقووووووووني




الواجـــــــــــــب
من دلوقتي لحد ما اخلص محاضرات الصلاة خااااااااااااالص
عايزة من كل عضوة تقرير يومي او كل يومين زي ماتحب ووقتها يسمح
هتدخلي تكتبي انهارده يوم الاحد درجاتي مثلا 40/50
يوم الاثنين درجاتي 50/50 وهكذا
بالله عليكم يابنات حاولو تغلبو نفسكم وشيطانكم وصلوا وصلو في وقتها علطول
المستوى الرفيع هينزل المشاركه الجاية

المحاضرة القادمةباذن الله عن صلاة الفجر وازاي تصحي تصليهاهذا وبالله التوفيق
سبحانك اللهم وبحمدك اشهد ان لا اله





الا انت استغفرك واتوب اليك



فى امان الله
+2
نسمه الكون
نسمه الكون •
محاضرة صوتية رائعة جداً بعنوان (لماذا لاتصلي؟) للشيخ محمد حسين يعقوب:

http://ar.islamway.com/lesson/719

الشيخ محمد حسان(تارك الصلاة)


فيديو يجعل من لا يصلي يصلي
http://www.youtube.com/watch?v=lug6y...eature=related

مصطفي حسني


فيديو يوضح الصلاة الصحيحه بطريقه سهله جداااااااااااااااااااااااااااااا
http://www.youtube.com
/watch?v=I1mFMSgEuEQ