روعه
راحتى بصلاه الليل والاستغفار والصلاة ع المصطفى محمد عليه الصلاة والسلام
والقران اكيد الله يهدينا لطاعته ويثبتنا
روعه راحتى بصلاه الليل والاستغفار والصلاة ع المصطفى محمد عليه الصلاة والسلام والقران اكيد الله يهدينا لطاعته ويثبتناروعه راحتى بصلاه الليل والاستغفار والصلاة ع المصطفى محمد عليه الصلاة والسلام والقران اكيد الله...
ربنا يجازيكى كل خير ياقمر يارب ربنا يثبتك على طاعته يارب ويرزقك الفردوس الاعلى بلا حساب ولا سابقه عذاب يارب
اتمنى تشرفينا دايما بوجودك
اتمنى تشرفينا دايما بوجودك
ازيكم يابنات
كلامنا انهارده عن حاجه مهمه اوووووي وبتقابل كل بنوته مننا لااااااااااازم كل بنوته تعاني من المشكله دي مهما كان قوة ايمانها
وهي
الفتــــور في العباده
بنوته منكم هتقول ايه الكلام المجعلص دا ويعني ايه فتور اصلا
فتور يعني كسل
يعني مرض بيدخل قلبك بالتدريج وانتي عارفه انه بيدخل ومش مهتمه وللاسف المرض دا لو اتمكن منك خلاص ملوش علاج اوي الا بمعجزة بقى علشان كده يلا نلحقه ف اوله
مش فاهمه حاجه يانسمه
بصي ياستي
كام بنوته مننا اوقات تحس بكسل عن الصلاة
يعني تبقى عايزة تصلي بس مكسله او حاسه وانتي بتصلي انها جبل على قلبك بتقولي امتى وقت الصلاة يعدي بقى وبتقاومي او تستسلمي ....
الكسل دا هيقعد يحاربك ويدخل قلبك لحد ما توصلي انك تسيبي الصلاة!!!!!!!!!!!!!!!!
(ألا إن في الجسد مضغة إذا صلحت صلح لها سائر الجسد ، وإذا فسدت فسد لها سائر الجسد الا وهي القلب)
قلبك
ليه ربنا سماه قلب؟
لانه متقلب بيقلب يعني كل شويا بحال ومش راسي على حاجه يعني اوقات تحسي انك عايزة تصلي وتقري قرءان وتعملي كل العبادات واوقات تحسي بكسل فظيع لدرجه انك متعمليش اي حاجه
ازاااي اعرف ان عندي المرض دا يعني اعراضه ايه؟
1/ قلبك قاسي؟؟ يعني مش عارفه تعيطي وانتي بتدعي او عشان خايفه من ربنا؟..قلبك مش قادر يحس بربنا؟..يبقى المرض بدأ يدخل جامد
بصي ربنا بيقولك ايه:
فويل للقاسية قلوبهم من ذكر الله اولئك في ضلال مبين
2/ مش مهتمه بالطاعات
يعني خلاص مبقتيش زي الاول بتهتمي بالصلاة والخشوع والقرءان ووو وحاسه ايمانك بيضعف
3/ مش حابه مجالس العلم
يعني زي الحمله بتاعتنا كده يوم ماتحسي انك مكسله تدخلي او بتتهربي منها يبقى خدي بالك المرض بدأ يدخل جواكي
4/ مش بتصبري لو حاجه مديقاكي ومش بتشكري ربنا لو حاجه مفرحاكي
دي كانت شويا من اعراض الفتور
طيب يلا بقى سوا نشوف ايه اسباب الكسل ايلي بيدخل فجاه دا علينا ونشوف علاجه
هقول سبب سبب وورا كل سبب علاجه باذن الله
1/ انك مش بتجددي ايمانك كل فترة
فاكرة ياستي اول مرة خااالص تدخلي الحمله معانا كنتي حاسه بايه وانتي بتفتحي صفحه مع ربنا جديده وقريتي محاضرة التوبة؟
مش كنتي حاسه بقوة وتفاؤل وكان هاين عليكي تعملي كل العبادات ف لحظة واحده
دا ليه؟؟
علشان وقتها كانت نيتك الصفحه الجدديه ايلي تبدئي بيها من الاول همتك وايمانك وقربك من ربنا
طب هو انتي فاكرة ان الصفحه دي بتتفتح مرة واحده ف حياتك ولا حاجه؟؟
لا طبعا
العلاج:
انك كل ما تحسي بكسل توقفي كل حياتك وعبادتك وكل حاجه وتقومي تاخدي شاور متين كده وقولي هصلي ركعتين توبه من الاول وافتح الصفحه تاني وتالت وعاشر اوعي تحسي بملل
2/الانشغال بالدنيا وبلاويها والاستهااانه بعذاب الاخرة
للاسف احنا كل شويا نتلهي بالدنيا يعني مذاكرة امتحانات وفسح وخروج ودموع ومصيبة تلهينا عن ربنا حاجات كتيييير بتشغلك
في ناس شغل البيت بيشغلها والطبيخ بيشغلها والافلام والمسلسلات والنت بيشغلها عن طاعه ربنا
وكل شويا تنسي برده جزااااءوكل شويا ننسى عذاب الاخرة طاعتك عند ربنا عامل ازاي
حبك للدنيا ولاولادك ولجوزك ولشغلك نسوكي ربنا..ليه كده؟؟
بالله عليكي جاوبيني انتي شايفه الحاجات دي مهمه...اوكي مهمه مش هقول حاجه..بس انهي اهم
انتي واخده بالك انتي عملتي ايه؟
اضطرتيني اعمل مقارنه بين الدنيا وحبك لجوزك واولادك وشغلك وبين الاخرة بما فيها جنه او نار اعوذ بالله وحبك لربنا!!!
والمشكله الاكبر ان كتيييييييير للاسف اختاروا الدنيا وسابوا نفسهم ليها ونسيوا ربنا وبيكسلوا يسمعوا كلامه
العلاج:
انك ديما تفتكري انك لما تصلي وتطيعي ربنا هيجازيكي الجنه ( اعددت لعبادي الصالحين ما لا عين رأت ولا اذن سمعت ولا خطر على قلب بشر) ازاي معندكيش فضول تعرفي ايه ايلي ربنا حضرهولك في الجنه؟؟ ازاي مش قادرة تصبري لحد ما تشوفي ..ازاي مش متخيله نفسك يوم القيامه وهو ربنا بيقولك انا جهزتلك حاجه مستحيل تخطر ببالك لانك اطعتيني
ماهو دا الصبر على الطاعات ايلي اتكلمنا فيه
ودا اقوى انواع الصبر عند ربنا يعني جزائك فوق حدود الخيال
وبرده لما تحسي بكسل لازم تفتكري انك بدئتي صفحه جديده مع ربنا وكده هيزعل منك
3/ طول الامل
انا سامعه بنوته بتقول: حاضر حاضر ان شاء الله من بكرا هبدا الصفحه الجديده وهرجع لربنا ومش هحس بكسل
وانتي تعرفي منين انك مش هتموتي دلوقتي؟
بلاش تشاؤم يانسمة
دا مش تشاؤم دا واااااقع حقيقه ربنا قالها
ولا انتي بقى عارفه معاد موتك؟؟ دي حاجه تانيه بقى
بصي ياقمر
اكثر اهل النار من المسوفين...دا حديث على فكرة
يعني ايلي بيقولوا هبقى اعمل واعمل ومبيعملش
مين قالك يانسمه كل واحد ادرى بنيته بس انا ناويه من بكرا ابدأ بقى
طيب خلاص بس خدي بالك انك بكرا هتقولي بعده
وبعده هتقولي بعده وهكذا لان كل دا الشيطان مسيطر عليكي وانتى مش واخده بالك اصلا
العلاج:
انك لو بتعاني من المرض دا او حاسه انه بادئ يدخلك
قولي اعوذ بالله من الشيطان الرجيم وقومي حاااااااالا سيبي الكمبيوتر وصلي ركعتين توبه
يلا مستنياكي
4كثره العبادات
وده سبب مهم جدا على فكره
يعنى انك تقولى هعمل كل حاجه
وتقومى مره واحده وتكلفى نفسك فوق طاقتها وتبقى كويسه اوى فى البدايه وبعد كده تحسى بفتور وملل للاسف
العلاج:
انتى تمشى تاتا تاتا لحد متحسى انك اتمكنتى من كل حاجه بتعمليها وتحسيها صح ومتقدريش تستغنى عنها
زى الجدول الى قولنا هنمش عليه اسبوع على سبيل التجربه انا محبتش انى اقولك على عبادات كتيره يعنى يا دوب قلنا لو صفحه قران ورقعتين قيام ليل والدعاء والاستغفار ولو 10 دقايق وقولنا اسبوع واحد على سبيل التجربه عشان تشوفى هتحسى بايه ولو حستيهم بجد هتلاقى نفسك عايزه تداومى عليهم علطول وواحده واحده بتزودى منغير متحسى فى الصلا وفى القران لما تحسى جمال حياتك والتغيير فيها والاهم انك تحسى ان ربنا شايفك ومبسوط منك وفرحان انك عايزه تقربى منه
عشان ربنا ميحاسبنيش عليكم ايلي شايفه نفسها قوية وقادره تكمل فيه تكمل
وبصي الرسول حبيبك بيقول ايه:(هلك المتنطعون) قالها 3 مرات يعني ايه متنطعون.... يعني متشددين في الدين والعباده وخدي بالك قليل متصل افضل من كثير متقطع
5/الصحبة السيئه
(ولا تطع من اغفلنا قلبه عن ذكرنا واتبع هواه وكان امره فرطا)
يعني لو قاعده مع صديقه او اصدقاء مش بيصلوا اصلا مثلا او ايمانهم ضعيف هتلاقي كل كلامهم ف هيافات بصراحه وضحك وهزار او هتلاقيهم مخنوقين ومتشائمين وهتتعدي منهم خدي بالك
العلاج:
فاحسنلك متقعديش معاهم وحاولي ميأثروش عليكي او خليكي ايجابيه وأثري انتي عليهم بايمانك
6/استحقار ذنوبك الصغيرة
يعني اكيييييييد كللللللللللللللللللنا بلا استثناء كل يوم نعمل ذنوب مش بنحس بيها زي الغيبة والنميمه او غض النظر او بصة مش ولا بد لبابا او صوت عالي لماما وكلمة اوف او تأخير فرض من الفروض او.. او ...
المشكله مش ف الذنوب على اد ماهي في انك شيفاها صغيرة
وكونك شيفاها صغيرة فدا هيخليكي مرة على مرة خلاص بتموتي قلبك اعوذ بالله
العلاج:
انك تفهمي ان ذنوبك الصغيرة ايلي بتقولي عليها مش مهم عامله زي الحصى الصغنون والحصى دا ممكن ف يوم من الايام خصوصا يوم القيامه يبنى جبل ذنوب..تخيلي؟؟
وانك متيأسيش وتقولي خلاص انا بعمل ذنوب مفيش فايده فيا ابدا اكيد ربنا زهأ مني خلاص
(ان الله لا يمل حتى تملوا)...يعني ربنا مستحيل يمل منك لما كل شويا تغلطي وتستغفري وتقولي معلش يارب مش هعمل كده تاني ..بالعكس دا بيفرح بيكي
لانها حاجه طبيعيه بتجري في دمك وربنا خلقها فيكي انك تغلطي بس انتي لازم تتوبي ولو كل يوم حتى متزهئيش عادي (كل ابن ادم خطاء وخير الخطائين التوابون)
سابع واخر سبب للكسل في العباده
الوحده
( قال الرسول عليه الصلاة والسلام: عليكم بالجماعه واياكم والفرقه فان الشيطان مع الواحد وهو من الاثنين ابعد . من اراد بحبوحه الجنه فليلزم الجماعه)
يعني على اد ما تقدري متقعديش لوحدك عشان الشيطان هيقعد معاكي ويحاول يسيطر عليكي
قبل ما اختم بقى
هقولك نصايح مختصرة تبعدي بيها عن الكسل باذن الله:
1/ التوبة وحطي الحديث دا قصادك: (والذي نفسي بيده لو لم تذنبوا فتستغفروا لذهب الله بكم وجاء بقوم يخطئون فيستغفرون فيغفر لهم)
يااااااااا سبحااااااااااان الله
يعني ربنا ورسولك بيقولولك بيفهموكي انك لازم تغلطي ولازم تكسلي ولازم تعملي ذنوب دي حاجه مفروغ منها مفيش حد كامل حتى الشيوخ المتدينين جداااااااا
انما العيب بقى علينا لو نسينا نستغفر او كسلنا او قولنا لا ربنا مش هيقبل مننا ...انتي مالك هو ربنا كان قالك لا مش هغفرلك؟؟ اذا كان هو وعدك بالمغفرة مهما عملتي ..يبقى ازاي انتي تقولي لا انا حاسه ان ربنا مش هيغفرلي!!!!
2/مجاهدة النفس ودي اتكلمنا عنها محاضرة كامله
بس لازم تعرفي ان ثوابها اقوى واشد من جهاد اعداء الدين!!!
3/الصبرررررررر على الطاعات واحتساب الصبر دا عند ربنا
4/ديما تخيلي العبادة زي السلم كل ما هتعملي حاجه هتطلعي خطوة لحد ما توصلي للقمة باذن الله ..ليه لا؟
6/ خدي بالك لحسن الشيطان يزرع جواكي اليأس ...اوووووووعي تسمحيله بكده وربنا ربك ورب كل الكون موجود معاكي ووعدك هيغفرلك بس انتي اطلبيها منه ومش هيتأخر عليكي ...لو مش مصدقاني جربي
7/ التزمي بجدول الصلاة حطيه قدامك طول الوقت واكتبى درجتك عند كل صلاه وخليه فى مكان انتى بتدخليه كل شويه
متقوليش ان دى حاجه ملهاش لازمه
يعني اكيد انتو حاسين لما بتشوفوا درجتكم كل يوم بتحسوا انكم عايزين تزودوها..صح؟ فده هيخليكى تنتظمى باذن الله
خليكم ماشيين عليه وخليه ديما قدام عينك
8/ ديما تقولي الدعاء دا: اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال.
واهم حاجه انك كل ما تحسي بكسل او انك هتسيبي الصلاة بعد الشر عليكي افتكري حلم حياتك وانه مستحييييييييييييييييل يتحقق الا لما تتقربي من ربنا او افتكري ولادك انك عيزاهم ديما بخير او افتكري دراستك انك عايزة تنجحي فيها او افتكري جوزك انك عايزة ربنا يهديه علطول وقولي لنفسك لالا انا هتحدي نفسي والشيطان وهبعد الكسل عني واقوم اصلي عشان اوصل لربنا ويحققلي احلامي
ربنا يهدينا واياكم
الواجب :
كل بنوته تقول حست بفتور قبل كده ولالا وعملت ايه عشان تتغلب عليه؟؟
بالله عليكم ادعوا لاهل سوريا ان ربنا يفرج كربهم وينتقم من الطاغيه بشار
والحمد لله دلوقتى بقى فيه طريق بينا وبينهم و***** الله كلنا لازم نتبرعلهم عشان يروحلهم الاكل والشرب والعلاج باذن الله
وده رقم حساب للى يقدر يتبرع لهم ومتقوليش انى انا مقدرش اتبرع صدقينى لو 5 جنيه او حتى جنيه واحد ربنا هيقبله منك باذن الله
ويمكن يكون احسن من الى اتبرع اكتر من كده
لان فيه مره واحد ايام حبيبنا صلى الله عليه وسلم كان معاه درهمين ويمتلكش غيرهم اتبرع بواحد منهم
الرسول صلى الله عليه وسلم قال ان الدرهم ده افضل عند الله من واحد معاه مليون واتبرع بالف منهم
لان الى اتبرع بالدرهم الواحد ده اتبرع بنصف ثروته
اما التانى الى اتبرع بالف ميمثلوش حاجه فى ثروته الى هى المليون
ده رقم الحساب (18810 ) نقابه الاطباء بنك مصر
معلش لو طولت عليكم
المحاضرة الجايه باذن الله : قوة الاراده
فى امان الله
في حفظ الله
الصفحة الأخيرة
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَات”