نسمه الكون
•
استغفر الله العظيم الذى لا اله الا هو الحى القيوم واتوب اليه
ادخلي برجلك اليمين كده وسمي الله عنوان الموضوع ممكن يكون ممل بالنسبالك او ملوش لزمه تقريه كويس بس اقسملك انا كنت فاكرة زيك ولقيت مصاااااايب اعوذ بالله منها لو محدش مهتم بالموضوع دا فارجووووووووكي اسمعيني كويس وعلى فكرة الكلام مش للبنات بس يعني بحكم انهم لسه عايشين في بيت اهلهم
لا الكلام برده للامامير ايلي اتجوزوا او اتجوزوا وسافروا وسايبين اهلهم
يعني ايه عقوق والدين؟
كلمة عق اصلا يعني تمزييييييييق
يعني من الاخر كده ايلي مش بيطيع باباه ومامته فكده مزق علاقته مع ربنا
الكلمه صعبة جداااااااااا خدي بالك انتي ممكن تكوني من غير ما تقصدي مزقتي علاقتك دي مهما كنتي بتصلي وتصومي وولو حتى حجيتي ..علاقتك ممزقه مع ربنا لحد ما مامتك وباباكي يرضوا عنك!!!!
قال رسول الله صلى الله عليه وسلم
الا ادلكم على أكبر الكبائر قال ( الشرك بالله وعقوق الوالدين وشهاده الزور )
صدق رسول الله صلى الله عليه وسلم
ركزي كويس وشوفي عقوق الوالدين رقم كااااااااام في الكبائر؟؟؟
رقم 2
يعني بعد الشرك بالله ايلي هو قمة الكفر
يعني عقوق الوالدين قبل ترك الصلاه!!!!!! وقبل قتل النفس!!!!!!!!
انتى متخيله ولا لا
*******************
استني بس يانسمة انتي بتكلمينا احنا ليه ..احنا زي الفل وبنسمع كلام ماما وبابا والحياه تمام
طيب تمام خلاص ياستي انا مش بقولك انتي انا بقول للبنات دي ويارب متكونيش منهم:
*اوقات تبقى قاعده كده مع باباكي وتلاقيه بينصحك بحاجه مثلا تقومي غامزة لاختك مثلا برده وتقوليلها استلقي وعدك اهي الاسطوانه هتشتغل!!!
*اوقات تكوني مع صحبتك برا البيت ومامتك عماله ترنلك ع الموبايل وانتي مش عايزة تردي وتقولي اصل انا لو رديت هتقعد تخنقني وتقولي اتاخرتي ليه ومعرفش ايه وانا مش صغيره يعن على الكلام ده !!!!
*اوقات لما ترجعي من البيت تكوني مبسوطه عادي وكل حاجه واول ما تشوفي اهلك تضربي البوز اياه وتدخلي تقفلي على نفسك اودتك بالساعات بتتكلمي بقى ف الفون او قاعده تعملي شات مع صحابك او على حواء!!!! وسايبة اهلك مش عايزة تقعدي معاهم انا كيفي كده!!!
*بتفضلي صحبتك على مامتك!!
* ياسلام كده لو مامتك ولا باباكي طلبوا منك حاجه مش على مزاجك يلهوي ع البصه ايلي بتبصيهالهم!!!
قال رسول الله عليه الصلاة والسلام( من حد النظر لابيه وامه فأنا برئ منه يوم القيامه)... يا الله
*ولا الصوت العالي ايلي بيطلع اد كده يلم الناس عليكي
*ولا رزع الباب من كتر مانتي مدايقه منهم بتعملي تصرفات تبين انك مش طيقاهم!!
*الكلمه ايلي على لسانك علطول:اصل بابا وماما دقة قديمه
*اوووووووووووووف/يوووووووووه
*ممكن تقعدي بالاسبوع واكتر متشوفيش مامتك ولا تزوريها لو انتي متزوجه
*لو مامتك قالتلك مثلا متلبسيش اللبس دا وحش عليكي مش بتسمعي كلامها انما لو صحبتك قالتلك بتسمعيلها!!!
تفتكري كللللللل التصرفات دي واكتر كمان مش بتجرحهم؟؟؟
ها متاكده برده انك مش بتعملي عقوق لباباكي ومامتك؟؟
**********************
طيب تحبي تعرفي بقى هيحصلك ايه لو عملتي حاجه واحده من الحاجات ايلي قولتها دي؟؟
اقسم بالله مصاااااااااايب انا لما عرفتها واتاكدت منها جالي ذهوووول
10 عقوبات (7 في الدنيا و 3 في الاخرة)
عقوبات الدنيا:
1/الذل والاهانه ..
عن النبي صلى الله عليه وسلم قال:" رغم أنفه ، ثم رغم أنفه ، ثم رغم أنفه " قيل :من ؟ يا رسول الله!!
قال : من أدرك أبويه عند الكبر، أحدهما أو كليهما فلم يدخل الجنة "
صحيح مسلم
رغم انف يعني وشك يتملي تراب
2/يطفئ الله نورك..يعني حياتك نكد ووشك مظلم..اعوذ بالله
قَالَ النَّبِيُّ صَلَّى اللَّهُ عَلَيْهِ وَسَلَّمَ : احْفَظْ وُدَّ أَبِيكَ ، لا تَقْطَعْهُ فَيُطْفِئُ اللَّهُ نُورَكَ " .حديث ضعيف
3/تعجيل العقوبة في الدنيا
عن رسول الله صلى الله عليه وآله وسلم قال: "ثلاث من الذنوب تعجّل عقوبتها ولا تؤخّر إلى الآخرة: عقوق الوالدين، والبغي على الناس، وكفر الإحسان
4/رد الدعااااااااء...ربنا مش هيسمع اي دعاء ليكي ..اعوذ بالله
قال رسول الله: "الذنوب التي تُغيّر النعم (البغي)،والذنوب التي تورث الندم (القتل)، والتي تُنزل النقم (الظلم)، والتي تهتك الستور(شرب الخمر)، والتي تحبس الرزق( الزنا)، والتي تعجّل الفناء (قطيعة الرحم)،والتي ترد الدعاء وتظلم الهواء (عقوق الوالدين")
5/لا تدخل القدس فاتحا عندما يدخلها المسلمون
القدس يابنات مسيرنا كلنا ندخلها ان شاء الله كده كده
بس لو اهلك مش راضيين عنك هتتحرمي منها وتخيلي بقى وقتها منظرك هيبقى عامل ازاي
قال رسول الله ( صلى الله عليه وسلم )( لا يدخل حائط القدس قاطع رحم وعاق لوالديه حين تفتح )
6/نزول المصايب
تلاقي مصايب نازلة من غير مناسبة على دماغك
سمعتي عن قصة جرير العابد؟؟؟
لا يانسمة مسمعتش
طب تعالي اسمعي وقولي رايك
جرير دا راجل تقي جداااا وبيعبد ربنا حق عبادته عشان كده سموه العابد
ف مرة جرير كان بيبدا في الصلاة راحت مامته ندهتله: يا جريييييير
جرير طبعا محتار يبدا الصلاة ولا يرد على مامته (انتي لو مكانه هتعملي ايه)
هو عمل زيك برضه كمل صلاته
جه مرة تانيه الموقف اتكرر وبرده جرير اختار صلاته
المره التالته برده اختار صلاته بس المرادي مامته اتنرفزت منه ودعت عليه وقالت: يارب متخليهوش يموت الا لما تسلط عليه الزانيات!!!)
ربنا استجابلها
طلعلته واحده من اياهم واتهمته انه زنى بيها والاشاعه دي انتشرت ف البلد وهو مظلووووووووم
لحد ما ف مرة بقى بعد ايييييييه مامته مش واخده بالها ان ايلي بيحصل لابنها دا بسبب دعوة منها ف وقت غضب وراحت رضيت عنه وسبحان الله اول ما الام رضيت ربنا زاح عنه الظلم دا!!
7/اصعب حاجه بقى بجد في نظري.. لسانك مينطقش الشهادة..ياساااااااتر
يعني مهما كنتي بتصلي وانسانه بجد بيرفكت وقريبة من ربنا وكل حاجه تمام بس مامتك مش راضيه عنك او جوا قلبها حاجه مديقاها منك وانتي ممكن تكوني مش عارفه على فكرة .خدى بالك.
هتيجي لحظة الموت مش هتعرفي تنطقي الشهاده
وخدي بالك برده لسانك وقت الموت مش ملكك دا ملك ربنا
يعني بيتهيألك انك هتقدري تنطقي بالشهاده وقتها
دي كانت عقوبات الدنيا
عقوبة الاخرة:
3 حاجات اصعب من بعض
1/لا ينظر الله اليكي يوم القيامه...في مصيبة اكبر من كدة بالله عليكي؟؟!!
قال رسول الله عليه افضل الصلاة والسلام: ) ثلاثة لا ينظر الله اليهم يوم القيامة ولا يزكيهم ولهم عذاب أليم - العاق لوالديه والمرأة المسترجلة والديوث )
بالمناسبة الديوث يعني ايلي بيشوف اهله ف حاجه غلط وحرام وبيسكت
2/ربنا مش هيتقبل عملك..اعوذ بالله
(جاء رجل للنبي صلى الله عليه وسلم وقال أرأيت ان صليت وصمت وتصدقت وحججت وسائر العبادات أأدخل الجنة قال نعم أنت ان فعلت هذا كنت مع النبيين والصديقين والشهداء والصالحين الا أن تكون عاقاً لوالديك أو قاطع رحم (
يعني بمعنى اصح لو حافظتي على اركان الاسلام من غير ما تغضبي باباكي او مامتك هتكوني جاااااارة الرسول في الجنه يااااااااااااااااااه يارب اوعدنا جميعا يارب
قولو امين
3/يؤخر دخولك الجنه
يعني هتكوني اخر واحده تدخلي الجنه
قال رسول الله صلى الله عليه وسلم ) لا يدخل الجنة عاق حتى يقضى بين البشر (
****************
طيب كلنا حافظين اشهر ايه في القرءان عن الوالدين في سورة الاسراء
وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيراً (24
يعني واضح ان في الايه دي ربنا بيأمرك بحاجتين اولهم انك متعبديش غير ربنا ثانيهم انك تحسني لباباكي ومامتك تعامليهم بالحسنى
وبيقولك معقوله ترميهم لما يكبرو؟؟؟ وهما ايلي استحملوكي وانتي نونه صغنونه
وربنا بيقولك اووعي تقولي اوف..لا وايه بقى اوف دي اصلا مش كلمة يعني ومع ذلك ربنا حرمها عليكي انك تنطقيها مابالك بقى لما تقولي يوووه بقى مدايقنيش /حرام عليكو بقى ارحموني /اسكتي بقى!!!
اخفض لهما جناح الذل...بصي بقى الايه دي عظيمة جداااااااا جداااااااااا
لان ربنا اساسا امرك اوعي تزلي نفسك لاي مخلوق ..القرءان كلللللللللله مفيهوش امر ليكي انك تذلي نفسك قدام اي حد مهما كان الا ربنا وباباكي ومامتك!!!
يارب تكونى متخيله
*********************
(وعلى فكرة بالمناسبة حتى لو هما مش متدينين او قاسيين اوووووووي او بيعذبوكي وبيعملوا فيكي البدع لازم تطيعيهم ووالله دا مش كلامي دا كلام ربنا)
اذا كاااااااااااان ربنا قالك انهم حتى لو قالولك اشركي بالله اعوذ بالله متسمعيش كلامهم بس برده تتوددي اليهم وتعامليهم بالمعروف...تخيلي حتى في حاله الكفر
يعني من الاخر ربنا مسمحلكيش بأي طريقة انك تعصيهم او تغضبيهم او تزعليهم منك او تعلي صوتك عليهم او تقاطعيهم مهما كاااااااااااانوا
طيب ياترا ايه جزاااائك لو باباكي ومامتك راضيين عنك؟؟
عكس كل ايلي قولناه فوق من عقوبات الدنيا والاخرة
+ نيل أجر المجاهد في سبيل الله تعالى / جاء أحدهم الى النبي صلى الله عليه وسلم يستأذنه للجهاد وهو وحيد ليس له أخوة فسأله النبي صلى الله عليه وسلم ألك أب أو أم قال نعم قال اذهب ففيهما فجاهد
يعني طيعي مامتك وباباكي ومتزعلهمش هتلاقي ربنا استجاب لدعاء بقالك سنين بتدعيه
وهتلاقي وشك اتملى نور بدل مانتي بتدورى على مسكات
وهتلاقي رزقك زااااد وهتحسي بسعاده ف كل وقت لان ربنا هيكون راضي عنك (ماهو رضا الرب من رضا الوالدين)
وحاجات كتيييييييييييييييير
طب اعمل ايه يانسمة انا حاسه انهم زعلانين مني ف حاجات بس مش متأكده
هقولك 7 خطوات لو عملتيهم فان شاء الله هتضمني رضاهم علطووووووووووول ورضا ربنا طبعا ورضا نفسك
1/خدي رايهم ف كل حاجه تخصك
متقوليش انا مش محتاجه رايهم ف حاجه حتى لو مش محتاجه مفيهاش حاجه يعني لما تروح كده لبابا تقوليليه عايزة اخد رايك ف كذا كذا (ولو حتى حاجه تافهه) و(حتى لو انتي كنتي مقررة خلاص وعارفه هتعملي ايه برده خدي رايهم عادي)
لازم تقعدي مع مامتك تحكيلها اسرارك دوري على طريقة للتفاهم بينك وبينها اسمعي كلام رسولك حبيبك صلى الله عليه وسلم بيقولك
رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم من ؟ ، قال : أمك ، قال ثم من ؟ ، قال : أمك ، قال : ثم من ؟ ، قال : أبوك . ))
2/ لو في تصرفات مش بتعجبك منهم اصبري عليها ..مفيش قدامك حل تاني ولا تحبي تغيري باباكي وماماتك بام واب تانيين!! اصبري ومتدايقيش واحتسبي صبرك عند ربنا انك بتطيعيهم وليكى الاجر
3/ اسأليهم عن اخبارهم
يعني ف ساعه صفا كده روحي لماما اساليها عامله ايه ياماما ف شغلك /مع صحابك/مع الجيران؟
او لو انتي متجوزه اتصلي بيها ديما اسالي عنها
4/ساعديهم ولو من الوقت للوقت
يعني مثلا شغل البيت عقدتك انتي ممكن تاخدي عليه حسنات كتير اووووووي لما تحتسبي نيتك مساعده مامتك وطاعه ليها
5/اسألي عن قرايبهم
يعني ارفعي سماعه التليفون اتصلي بخالك عمك بنت عمتك ....
لانك لما تتصلي منك هتبقى صلة رحم ومنك هتحببي الناس فيكي ومنك مامتك او باباكي هيفرحوا لما تحسي انك فخورة باهلهم
6/ضحكيهم ولو مرة ف اليوم ه
بلاش النكد بتاعك دا
يعني فيها ايه لما تشوفيلك كلمه حلوة كده تقوليها لماما او بابا او هدية مثلا ولو وردة اي حاجه مش لازم تستنى يوم 21 مارس والمشاعر تتحرك عندك
واهو قرب اهو بس بلاش نقول انه عيد لان مفيش غير عيدين لينا بس كمسلمين فبلاش عشان متدخليش فى البدع انتى المفروض مشاعرك تتحرك على طول
7/اخر حاجه ادعيلهم ربنا يغفر لهم ويرحمهم
انا كده خلصت بفضل الله
ارجوووووووووكي اوعي تكسري قلب بابا لما بيحس انك مش مهتمه بكلامه او انك مش وخداه قدوة ليكي ياااااااه على كسرة قلبه وقتها
واوعي تخلي ماما تعيط بسببك دا عقابك وقتها كبيييييييير اوووووووي عند ربنا لان دموعها دي بتنزل في كفة سيئاتك كأنك بتعصي ربنا سنه كامله
يارب سلم سلم
وفى النهاية
لازم كل بنوته تعرف ان ايلي بتعمله ف اهله هيطلع عليها لما تكون ام ان شاء الله(كما تدين تدان)
ولازم كل ام تمسك لسانها ومتدعيش على اولادها لان ربنا بيستجيب دعوة الام علطول سواء خير او شر
*********************
الوااااااااااجب
اوعديني واوعدي نفسك واوعدي قبل كل دا ربنا انك هتبدئي صفحه جديده مع باباكي ومامتك وهتمسكي نفسك وهتبطلي تبصيلهم بصه وحشه او تتكلمي من وراهم وتتريئي او تبرطمي في الرايحه والجايه
انا قولتلك العقوبة بتاعتك لو عملتي كده وانتي حرة..اللهم بلغت اللهم فاشهد
ولو مامتك او باباكي توفوا
ادعيلهم بالرحمة وطلعي صدقة ليهم وطول مانتي قاعده استغفريلهم وخصصي جزء ف يومك لكده ولو تقدري تطلعي عمرة ليهم اطلعي اوعي تبخلي عليهم حتى لو ف نظرك مينفعوش اب او ام
ده رقم الحساب للتبرع لاهل سوريا عشان الى مشفهوش 18810 نقابه الاطباء بنك مصر
وربنا يارب يتقبل منا ومنكم صالح الاعمال
طلعى الصدقه وانوى نيه مثلا ان ربنا يشفيكى (( داوا مرضاكم بالصدقه ))
ومتقوليش انا مينفعش انى اتصدق والله العظيم لو جنيه واحد يمكن يكون عند ربنا احسن من الف
بالله عليكم لا تنسونى من صالح دعواتكم
دعوه المسلم لاخيه المسلم بظهر الغيب مستجابه باذن الله
فى امان الله يا قمرات
سبحانك اللهم وبحمدك اشهد ان لا اله الا انت استغفرك واتوب اليك
الله يجزاك الف خير والله يجعلنا من البارينالله يجزاك الف خير والله يجعلنا من البارين
اللهم امين يا قمرايه يارب ربنا يبارك فيكى ويباركلك يارب
ممكن معلش يا قمر بلاش تقولى الف خير لان انتى كده بتحددى عدد الخير الى انتى بتتمنيه للى بتدعيله والخير الى عند ربنا لا يعد ولا يحصى فانتى يا قمرايه تقولى الله يجزيكى الخير يبقى محدتيش عدد معين فربنا يارب يجازيكى من خيره الذى لا يعد ولا يحصى
يارب لو تتقبلى منى يعلم الله انى احبك فى الله وربنا يارب يجمعنا بهذا الحب تحت ظل عرشه يوم لا ظل الا ظله
فى امان الله يا قمر
ومستنيساكى
ممكن معلش يا قمر بلاش تقولى الف خير لان انتى كده بتحددى عدد الخير الى انتى بتتمنيه للى بتدعيله والخير الى عند ربنا لا يعد ولا يحصى فانتى يا قمرايه تقولى الله يجزيكى الخير يبقى محدتيش عدد معين فربنا يارب يجازيكى من خيره الذى لا يعد ولا يحصى
يارب لو تتقبلى منى يعلم الله انى احبك فى الله وربنا يارب يجمعنا بهذا الحب تحت ظل عرشه يوم لا ظل الا ظله
فى امان الله يا قمر
ومستنيساكى
الصفحة الأخيرة