*
*
*
*
*
*
*
*
*WIDTH=400 HEIGHT=350
السلام عليكم ورحمة الله وبركااااته .
حبيباتي الصداقة شي عظيم بزمن قل فيه الاوفياء ,
طبعا يمكن قريتوا موضوعي حق الانشودة والقصة .
القصة من ( تأليفي ) :44:
--------------------------------------------------
اتمنى تستمتعوا فيها ولاحد يجي يتفلسف كيفي عندي موهبة وانميها :icon28:
------------------------------------------------
حبايبي منتدى دكتورنا الغالي .
وفقكم الله لما يحب ويرضاه احبابي اتيت بينكم برغبة من دكتوري العزيز وامل يحدوا مقلتي
اخواني نصحني الدكتور ان اتواجد بينكم مجهول الاسم والهوية وان افضفض عما يجول بفؤادي لعلي ارتاح فمااااضيا الى الان ينزف والتعب اضناني ركبت مع الركب والركب ساروا وها انا اقف على اطلال ذكراااهم استميحكم عذرا قد تطول قصتي او تقصر لكن ارجوا ان تتحملوني :
بدأت قصتي :
وحرر في تاريخ 14-5-1432هـ
---------
سلمان : هلابه هلا وغلا
فهد :هلا بك عااش من شافك .
سلمان : عاش مغليييك . ابو فهيييد اعرفك هذا خويي ثامر جارنا وخوي دشره خخخ
فهد:هههه هلابك
ثامر : ارحبوااااااا
اليوم8-8-1419هـ
اول يوم لي باول ثانوي
اول مرة روح الثانوي ياهو جو مخييييف وش ذا العرابجة وش ذا المهبل ..
بالفصل دخل الاستاذ المصري :
السلام عليكم
الطلاب-وعليكم السلام
الاستاذ-عاوز اعرفكوا بنفسي معاكوا الاستاز :احمد احمد مصطفى .
نط سلمان ياهو مجنووون هالولد اللقافه هوايته :
هع هع هع احمد احمد وانا يااستاذ سلمان بالفتح واسم ابوي سلمان بالضم هع هع
الاستاذ –ايه يلا بتهزر بئلك ايه دنا لحمي مر والهزار مابيمشيش معايا .
ههههههه يووووه تصدقووون اول مرة اشوف انسان ينجلد بأول يوم دراسي
طبعا رتبا الاستاذ ومكان كل طالب بالفصل 3-3
ثبر بجنبي المجنوون سلمان وبالوسط حط بيننا فهدوانا عالطرف وقدامنا عمر يووه نسيت اقولكم نظرة عن شخصية كل واحد فينا :
محدثكم ثامر: قوووي وعصبي وعنيييد
سلمان : مجنوووون وابو واخو وعم المقاااالب ماخذ الدنيا ضحك وتنكيت
فهوود :اتعب وانا اقول هادي=اول ماتعرفت عليه والا تالي صار مرجووج خخخ شغلته بالفصل نسوي المصايب ونحطها براسه هههههه يااااه انه اكل مقالب لليل طبعا اددددب واحد فينا على قولة عمر
عمر :دافور الشله ومممممخنا ومدبر المصايب كلها .
طبعا كنا طالعين من المتوسط وشايفييين نفسنا وكلن فرحان ان الشنب خط ههههه
الحين مر على الدراسة شهرين وخذينا على بعض واااجد من مواقفنا :
اتذكر مرة جانا الاخ سلمان طبعا كنا بالصيف وابو الشباب متلطم كأنه بالشتاء :
سلمان: سلاموا عليهم .
عمر : نعن ابو خير ابليسك وراااك لافن الشماغ .
سلمان : لا ابد ابد ماكلي برررد مو هين .
فهد :اجل رح اجلس بجنب ثامر لا تسرب
سلمان : هههههههههع كش عليك ياكورة تنكت صاير
فهد: هههههه اعجبك ياجرجير .
عمر : خخخخ حلووة جرجير بس مخطوبة لاتعيدها , اقول سليم لا تكون قاشطن شنبك .
سلمان : اوخص وشدراك الا تهبى اقولك داخلني برد .
عمر : برد والشعر اللي مالي الثوب وشهو؟
سلمان : على تراااب ونزل الشماغ يووووه انا متنا ضحك ابو الشباب يبي يتفلح ويسرح ال3شعرات اللي بشنبه راح مسح امهم .جلس شهر لحد الاختبارات وهو يدهنهم بزيت زيتون ومانبتوا هههههه
طبعا غير المسابقة على الاماكن غير الواجبات اللي نسخة من دفتر عمر ,
اتذكر كان عندنا اختبار الكيمياء كان زواج بنت خالة فهد يوم احد ههههههه والاثنين الاختبار تخيلوا الاحد يعني ضاق ايام الاسبوع الا الاحد المهم ماافي وقت يذاكر فجاااانا الاثنين وهو ذابحه النعس يركض بالساحة :
شباب تكفووون ولا قلت تكفى خلي خلق الله عشاني ههه
عمر : يااااااااجنط حفظت معروضك لو انك طرار ماسويت كيذا .
سلمان : هههههههه حتى انت داقن عليك بيجر لا وشحده وتتصل انت بعد
نطيت انا : يلا يلا انت وايااااه كلن ياكل تراب ملي فمه ويسكت .
فهد : اوما عاد وشفيك ياسيد كبريت ترفق بنا .
سلمان : يانار شبي من ضلوع حطبكي , وقاااام فهد يرقص بدون شعوووور ههههههههههههههههه تخيلوا المنظر مسوي حاله منخرش من الاختبار ومهتم وهو مع جنبهااااااااااااااااااا وجو العرس امس مأثر عليه.
المهم دخلنا الاختبار اننا بنفزع لبعض الله يغفر لنا هبالنا وبالفصل انا والشباب محاوطين عمر طبعا فهيد يمين عمر على اساس انه بيغش وسلمان اعتمد على فهد يغششه وكلهم مساااطيلللل ههههههههههه
تعرفون وش نتيجة هالغش ؟؟؟؟
ثاني يوم الصبح انجلدنا قدام الطوابير ..
تابعوني ...
ام محمد-تبوك @am_mhmd_tbok
محررة برونزية
هذا الموضوع مغلق.
*أم جوري العسل*
•
ننتظر التكمله
الصفحة الأخيرة