الله يشفيه ويعافيه
والله ماعندي خلفية
بس أعرف وحده تعالجت منه وعمرها كبير شوي يمكن 17
خلال 3 شهووور يعني ان شاء الله انو سهل واي دكتور بيقدر يعالجك

وعليكم السلام ورحمة الله وبركاته

اختي وحببيتي الغاليه انتي بحاجه الى التعاون مع اخصائي تخاطب لعلاج الصعوبه في النطق اذا لم يكن طفلك يعاني من عيوب خلقية في الفم او اللسان

وحياك الله

وعليكم السلام
أناولدى عمره 10سنوات نفس حالة ابنك كان صغيروتعبان عنده حساسية بالصدر اخذته ورحت للدكتور اسماعيل رسلان بالرياض ماادرى هوموجود الى الان اولا
الزبده
كشف على ابنى وقالى ولدك مايتكلم قلت صغير قال ماهوصغير له اكثرمن سنه حاول معه يتكلم ابد بعدين رفع لسانه لقاه منخاط مع تحت واللسان عريض ورخو شوى سويناعمليتين قص الجزءاللى تحت اللسان والى الان لسانه ثقيل يتأتأ عرضته على عيادات التخاطب والكلام قالواعادى مع كثرة المخالطة يتعود عرضته على عياد ةخاصة بالرياض كانت طبيبة بس والله انى ناسية(يمكن (الوشم أوالشعلان)بالرياض

والله انه ياعمرى حساس بزيادة واخوانه وزملاءه يزهقون منه اذابد يتكلم يقولون له اسرع بالكلام وعلاوه على ذلك عنده شحنات برأسه والدكتور قايل قولوا للمدرسين يوسعون الصدرعليه لأنه اقل من غيره
تخيلى بعدشرحنا الوضع للمدرسين واحد من المعلمين قايل له انت متخلف ومعاق انت مسكين قسم بالله قطع قلبى يوم سألنى عن معناه قال ان المدرس يقولها لى

يقولى اذابدأت الدراسة مانيب رايح قولى للمعلمين ان (..........) مات قلت ليش قال علشان يشفقون على

بصراحةهم حطموه والله انى الان ابعالجه عندطبيب نفسى

فأنت اهتمى بأبنك لايصيرمثل ابنى واكشفواعلى لسانه والله يرفع عنه وعن ابنى

أسأل الله الحي القيوم ان يشفي ابنك مما به من عله ..
عاجلا غير آجل ..

وديه لدكتور أعصاب بالاول علشان تتأكدين ان المشكلة مو عضوية

واذا طلع سليم تكون السالفة بسيطة.. وديه لأي مركز يعالج النطق

انا اعرف مكان هنا بالشرقية.. لو اعرف بالرياض كان ساعدتك

ان شاء الله باقي الاخوات يكون عندهم خلفية

الله يشفيه ويطمنك عليه