جارتي تبي الحل مع زوجها أو تنفصل عنه

بنا ت جارتي طلبت اخذ رايكم بمشكلتها زوجها له سنتين متغير الرجل مررررررررررررررره مثلا روحات جيات لازم يسو يها سالفه يعني قليل روحاتهم مره يعني تمشي أو أسواق يعني كانت تروح على كيفه للسوق والحين مرتين بالشهر او مره تمشي نادر والمصروف مافيه غير 300 ريال لها هي وولدها والجوال مايدفع لها فواتير غير 100 ريال والسنه هذي بالهواش والطقاق راحت يومين للطايف يومين بس لا وكل شوي يذكرها انه مسافر بها وهن يومين ولا تدري وش عنده باالبنك او ماعنده وكل شي مايقولها وتدري باالصدفه من مرت أخو زوجها زي أنهم يبون يشترون شي لأهله ويتدافعون هو واخوانه زي يوم العيد متدافعين عشان يسوون العيد هو واخوانه ماقال لها وعرفت من سلفتها باالصدفه هي تقول أبي أحس أني زوجته ليش زوجت اخوه يقولها زوجها وانا لا وهي تقول قلت له مره ترا ماني مانعتك تعطي اهلك هذا حق بس لاتقصر على عيالك وهو يقول انتي اكله شاربه مو ناقصك شي وهو مقصر علينا وكل عيد كنت اروح للمشغل عشان عيدهم كبير وله عيد ين يقول ماله داعي انسي وهو راتبه 7000 وعليه قسط 1500 وايجار شهري 800وقسط ثاني 800 وتقول لي تصدقين كل الناس يطلعون وانا ماغير جالسه لحالي هو يطلع ويغير جو مره هنا ومره هناك وانا اخر أهتماماته والحين خلاص مليت وأبي أترك البيت وخلي بخله ينفعه المشكله بعد كم يوم بيروح لبلد ثانيه بحكم عمله وتبي تروح لاهلها ماهي رايحه معاه تقول عشان يعرف قيمتي وحتى لو ماحس ماهي فارقه معاها لأنها تقول مليت بخله مليت عدم المبالات بي مليت اكون صفر على الشمال عادي صار الطلاق هو الحل اهلي اولا بي واحسن لي منه هو وهاالعيشه والتنكيد دايمن مع انها تقول زمان يوم كان راتبه قليل كانو اهلي يعطوني أحيانن 4000 او 5000او 7000 واساعده حتى لو مثلا السياره خربانه اعطيه يصلحها بس الحين ولا ريال اعطيه واهلي موزي اول يعطونني واكيد يبون يقولون عندها رجل لمتى نعطيها وقبل سنه كان يكلم بنات وواجهته لأنه شافت عنده مسجات من وحده طبعن هوكان ناسي الجوال بدون مايقفله وواجهته وقال خلاص وعد ما اكلم بس الحين دايمن جواله له قفل ولا زم يكون بجنبه وهو نايم وبعد ودها تحمل ولا هو مهتم لحملها بنات وش السوات