اخواتي بنات مصر والدول العربية الشقيقة .....
خلونا نتعرف على عاداتكم في رمضان ؟
اتكلم عن بيت اهلي ....
اول ما يأذن المغرب , ناكل التمرة والشوربة وسمبوسة .......
نصلي المغرب ....
وبعدها ,,,, نشاهد التلفزيون ومن بعدها , نذهب للتراويح .....
بعد التراويح ,,,
العشاء ,,,
اهم الاطباق الرمضانية لدينا
الهريس ( حب قمح يطبخ مع اللحم او الدجاج ساعات و من ثم يضرب بالمضراب ( ملعقة كبيرة من الخشب ) حتى يصبح مزيج متماسك , و يوضع في صحون عميقة نوعا ما ( صحون الكورن فليكس ) ويوضع القليل من السمن , أو الزبدة فوقه .
اللقيمات ( أعتقد تعرف لديكم بلقمة القاضي )
الثريد ( خبز رقاق يابس مشرب بالمرق المحتوي على الخضروات واللحم او الدجاج )
و طبعا الاكلات الاخرى على حسب مزاج اهل البيت .... من سلطة , سمبوسة , معجنات .
الحلو
مهلبية الارز .
السحور
حاجة خفيفة
زبادي
سلطة
أي شئ .
هذا نظام بيت اهلي ...
في ناس كثير كل شئ بعد الاذان , و السحور خفيف / ناس الفطور خفيف والسحور ثقيل .
الاخوات ايش نظامكم , حتى اللي من الخليج ...
أيضا
ايش عندكم نصايح مجربينها في رمضان مثلا انا
اكل حبة بندول قبل الأمساك لاني أصاب بالصداع اول الأيام .... والحمدلله أرتاح عليها .
أكل موزة للسحور مفيدة و ثقيلة .
أسمع ناس يقولون ان شرب الشاي قبل الامساك يجعلهم لا يعطشون .
اللهم أعنا في رمضان على الصيام و القيام و صلة الارحام , امين .

السلام عليكم و رحمه الله و بركاته
أنا حاسه انى عامله زى زوار آخر الليل لأنى داخله فى وقت مافيش فيه حد و زمان الناس نايمه بس أنا قلت أسلم برضه و الصبح ان شاء الله ابقى أرغى معاكم عن المواضيع المكتوبه

يا صباح الخير على احلى لوبى عربى ...ازيكم جميعا معلش واحدة واحدة بس على ما نحفظ اللآسامى .و ياترى محدش نازل يرمضن فى مصر ؟؟؟؟ده رمضان فى مصر بيبقى جميل جدا جدا وخصوصا بليل فى الحسين والفيشاوى بتبقى سهراته جميلة من بعد التراويح لحد الفجر .

السلام عليكم و رحمة الله و بركاته

يا صباح الفل و يا صباح روايح رمضان، كل سنة و انتم كلكم طيبين يا بنات



ام حصة فكرتك روعة و كان نفسي فعلا اننا نتعرف على بعض اكتر عن طريق تعريف بعض بعادات بلادنا. انا قريت النظام عندكم و حاقولك النظام عندنا في البيت

اول ما يأذن المغرب , ناخد الخشاف و احيانا نشرب عرقسوس او تمر هندي او كركاديه و بعدين نصلي المغرب ....
وبعدها ,,,, نقعد نفطر و احنا الفطار عندنا بيبقى تقيل و كل يوم لحوم او طيور او اسماك باصنافها المختلفة الى جانب الارز او المكرونة او الرقاق مع الشوربات و السلطات. بس طبعا لازم نفتتح الوجبة بالشوربة يليها الطبق الرئيسي و السلطات

بعد الافطار بادخل المطبخ اشطب المواعين و فرصة اني احاول اتحرك عشان الهضم يبقى ايسر من القعدة. و اجهز حاجات السحور اللي ممكن تتوضب في الوقت ده و ابقى ساعة السحور على رص المائدة و بس. و انا طالعة من المطبخ باخد معايا الحلو (جلاش بالمسرات، بقلاوة، كنافة، بلح الشام، قطايف، زلابية، الخ) بس انا مش باكل حلو بعد الفطار لكن باطلعه لاهلي بره و اللي عاوز ياكل، اما انا باطلع و في ايدي مج نسكافيه باللبن و كوب من العرقسوس، لان على الوقت ده بيكون العشاء على اذان
ادخل اصلي العشا و اشرب النسكافيه و ابدأ التراويح و بين كل ركعتين ارتاح شوية و اخد شوية عرقسوس (حلو اوي مقاوم للعطش و مرطب و انا باجبه لكن يقال ان اللي عنده ضغط عالي ممنوع منه)

بعد التراويح باحب اقرا شوية في كتب دينية زي التفسير مثلا او اكمل قراءة في المصحف او قصص الانبياء، المهم لا يخرج عن القراءات و الاطلاع الديني، و غالبا مش باشوف تلفزيون خالص غير و انا باتحرك من حجرتي للمطبخ و العكس، لاني غالبا باعتكف رمضان في حجرتي و اخصص الوقت للعبادة و بانام تقريبا على الساعة 10 او حسب الظروف قبلها بشوية او بعدها بشوية
انا زيك يا ام حصة بيجيلي صداع اول الايام بسبب النسكافيه لاني مدمنة عليه بس باحلها بأني بعد السحور باشرب نسكافيه تاني، و بكده نسبة الكافيين تفضل ثابتة عندي، هو اسلوب غلط بس للاسف انا ادمنته فعلا و حاجرب اول يوم بعد السحور فعلا اخد حاجة للصداع لاني باتعب بس ان شاء الله ربنا يقدرنا من غير تعب. انصحك بشرب العرقسوس بعد السحور و تناول الزبادي لان الحاجات دي لا تسبب عطش في اليوم التالي
احنا بقى في بيتنا بنصحى للسحور قبل الفجر بساعة و نصف، نعد المائدة اللي عليها الطبق الاساسي فول باي طريقة من الطرق (الفول هضمه بطئ فبيبقى في المعدة فترة اطول و يقلل من الشعور بالجوع) و ممكن بقى بيض مقلي او اومليت و انواع الجبن المختلفة الى جانب خضروات مثل الخس و الخيار و الطماطم بالاضافة الى المخللات الثابتة على السفرة الرمضانية. و نختم بكوب زبادي
و بعدين نقعد نقرا قرآن لحد اذان الفجر و لما يأذن نصلي، اهلي بيدخلوا يناموا بعدها اما انا فابفضل صاحية اكمل قراءة الى الساعة الخامسة و ربع تقريبا اجهز نفسي لاني باسافر و انزل اروح شغلي.
بس يا ستي هي دي القصة، و غالبا في بيتنا تناول الفاكهة في رمضان نادر لان التركيز على الحلويات و المشروبات الرمضانية

بالنسبة لايام عدم الصلاة بقى، لا اضيعها امام التلفزيون، و انما اكمل بنهم شديد القراءة في الكتب الدينية و خصوصا تفسير القرآن

ياللا فين الباقي؟؟

انا كمان جيت
موضوع حلو اوي يا هبه ما شاء الله عليكي
دا اول رمضان ليا بره اللمه بتاعه مصر
يارب