جانا رسالة من الإسكان // قديم

صباح الخير
بنات حنا مقدمين على الاسكان من خمس سنين وكل يوم نسوي تحديث ومتابعة
وامس جاء رسالة لزوجي تم قبول طلبكم في السكن بادر بالحجز في بوابة الشرق
المهم في الأمر ىأني مصدومة مرررة وأرتفع ضغطي البارح ودخلت المستشفى
تخيلو يابنات راح زوجي للمشروع واكتشفنا الحقيقة المرة المرة
1- كل الي انكتب في موقعهم لم نجده في ارض الواقع أين المصداقية
2- أرض فضاء لايوجد فلل وإنما يوقع الزوج على عقد ويدفع قيمة التوقيع 16 الف
3- وبعدها يقسط 170 الف على مدار 4 سنوات ثم يستلم وحدته السكنية وفي الموقع يقسط 150 الف ليش الكذ ؟؟؟
4- وبعدها يقسط 500 الف بدون فوائد بعد مايسكن
5- الفلل صغيرة جدا كلها 250 متر وفي الموقع كاتبين يوجد فلل مساحة 350 متر .
6- يابنات المشروع خارج الرياض يبعد عنه 47 كيلو خلف حي النظيم وراء كبري خريص بين طريق الدمام وطريق خريص ؟؟؟
7- المشروع لامدارس ولا جامعات ولا مساجد ولا مستشفيات
8- خايفة تكون خدعة وننتظر عشر سنين ثم يجحدونا او يبطل المشروع مثل سالفة الدريبي يوم اخذ الاسهم في مشروع ونكب المواطينين .
9- بنات وش الحل ؟؟؟
صمنا وافطرنا على بصل كيف نقدم اعتراض على الموقع وكيف نطالب بوحدة سكنية جاهزة ( نبي سلم واستلم الحياة مالها آمان )
ومن واقع التجربة من الي طلع لهم رسايل كذا وراجعت هي وزوجها او حجزت تكفون انا شايله هم لانه بيت العمر .