كيف الغالين على قلبي ان شاء الله بخير
اليوم جايبه لكم حشوة تورتيلا انما ايه رررروعه
ولذذذيذه والتجربه خير برهان
نبدا بسم الله
دجاج بدون عظم يقطع شرايح طوليه ورفيعه
بعدين نجهز التتبيله بالخلاط ونخلطها زين
وهي عباره عن (نص علبة زبادي،،1م مايونيز،،1م
خردل،،ربع ك بصله مفرومه ،،ثوم مهروس،،ربع ك
عصير ليمون،،2م ك خل،،م ص بشر ليمون،،
1م ك كزبره مفرومه،،1م ك بهارات مشكله،،
ملح،،،م ص كركم ويمكن الاستغناء عنه،،
1م ص فلفل اسود اذا تبغينه لاذع بالحراره واذا لا
قللي كمية الفلفل ،،1م ص كمون،،1م ص كزبره
ناشفه مطحونه)
بعدها نخلط الجميع ونضعه على الدجاج وننقعه ليله
كامله او اقل شي من 2 الى 3 ساعات اقل شي
وكل ما طول بالتتبيله كان طعمه ألذذذذذ
وبعدين نجيب مقلاة ونحط فيه الدجاج ونحط عليه
ربع ك زيت ومقدار بياله من التتبيله ويحرك بين فتره
واخرى حتى ينضج وتتحمر قليلا واعذروني هذي
الخطوه نسيت اصورها لكم ثم بعد كذا نجهز
(ربع ك بصل شرايح،،،نص ك فلفل احمر حار
على حسب الرغبه،،،ربع ك بقدونس مفروم ،،)
وبعد ماينضج الدجاج نحط عليه البصل الشرايح
ونحركه على السريع وبعده نحط البقدونس ونحركه
السريع بعد ما نبغاهم يذبلون نبغاهم يحتفظون
بشكلهم مثل هالصوره
وبعدها نطفي عن النار ونحشي خبز التورتيلا
وطبعا لك الحريه بنوعية الصوص اللي تحطينه معه
انا هنا نزولا لرغبة اللي عندي دهنته بالجبن
وحشيته بحشوة الدجاج ومعه بطاطس مقلي
ولفيته وحطيته بالجهاز اللي يسخن فيه
الصامولي ولفيته بورق الشاورما وقصيته
بالنص وقدمته مع بطاطس مقلي
وهذي الصوره عن قرب
وهذا الصحن لكل وحده تشرف او ترد على موضوعي
وبعد ماتتعشون وتشربون الشاي وتعينون من الله
خير روحي الله لايهينك شوفي وش ينتظرك
بالمطبخ:angry:
واخير خلصت :icon28:اتمنى ان موضوعي نال على
اعجابكم فلا تنسوني من دعواتكم للي بتوقيعي
لكم ودي واحترامي ومحبتي:26:
محبتكم في الله