هذي صورته يا أم عزيزان.. بس الصورة هذي للجباتي اللي سوته شغالة بيت الوالد.. أنا سويته أرق من هالشكل..



انتي شرايج؟؟ تسوينه جذيه والا أرق؟؟ هو طبعا بالحالتين أممممممممممممم.. وشو تقدمين وياه؟؟

والله يعطيج العافية





بانتظار رأيج يارقيقة!!

تسلم الايادي يالمسافره

بس حتى هذا شكله لذيذ اللي بالصوره

وانا اسويه ارق

وعيالي يحبونه مع جبن القلاص

او يضعون عليه السكر ويلفونها وياكلونها :17:

وبالعافيه عزيزتي

أم عزيزان والمسافرة يبت لكم رايي مع الصورة .. بصراحة لذيذ حيل وكليته خالي من لذاذته ولو إني زدت الدهن شوي ... بس عجبني حيل بصراحة .. وخذيته في يمعة الأهل والكل عجبه وخذوا الطريقة مني .. بس عندي ملاحظة للي يبون يسوونه كثروا الطحين وايد لأنه يلصق حيل والملاحظة الثانية حاول تكثرون الحشوة كثر ماتقدرون لأنها تعطي طعم رائع للجباتي .. آنا سويت الحشوة كور كبيرة وحطيته بالنص علشان مايوصل الاطراف حسب ماقالت أم عزيزان ... وتراني ماإستخدمت الثوم العادي حطيت بداله بودة أسهل لي ..

تسلمين ياأم عزيزان وأتركم مع الصورة

بالعافية عليج يارقيقة.. حتى أنا الوالدة والوالد عيبهم وايد وحتى قالت بتسويه لصديقاتها ههههههههههههه

أنا سويت مثلج قمت أكله بروحة بس شربت شوربة بعده.. من كثر ماشدني الصراحة.. خليت الشوربة عقب..

مشكورة مرة ثانية أم عزيزان.. وكثريلنا من هالأشياء الغاوية.. بسويلج بحث وبشوف أطباقج.. وبخبرج اذا سويت منهم شي..

مشكورة ام عزيزان على جابتى البطاط وتسلم ايدج بس ياريت تقولين لى كمية الماي للعجنية اشكثر

ياريت اذا تقدرين تحطين صورة علشان انشوف السمك بالضبط لأن الصورتين لى حطوهم الخوات
مختلفتين تماما اى وحدة فيهم الاضبط .