جبتلكم بشارة وعليكم الحلاوة " بخصوص اللي يعاني من الغدة "

السلام عليكم ورحمة الله وبركاته
كيفكم بنات
ما أطول عليكم بدخل في الموضوع
كنت أتمنى أبشركم بحملي لكن الحمد لله على كل حال
طبعا أبشركم بحمل أختي مو أول واحد هي عندها اثنين ما شاء الله
عارفة بتقولوا ليش هالكلام :angry2:
قصتها بعد ما ولدت بالثاني جالها نشاط بالغدة ونزل وزنها حيييييل ودايم تشتكي من تعب وخمول والم في قلبها وتتعب من اقل حركة وعملولها تخطيط قلب ومدري اش شكله ودارت ولفت الين راحت عند دكتور عرف حالتها على طول وقال عندها الغدة وقرر لها انها تنشال وخيرها بين انها تعمل عملية تشيلها او يعملها اشعة نووية أو ذرية نسيت اسمها الموهم حول القنابل ههههه
وظيفة هذي الأشعة نفس وظيفة العملية يعني تكون كأنها شالت الغدة بالضبط وطبعا لأنها خوافة أختارت انها تعمل الأشعة لأنها ما تحب العمليات وعملت الاشعة وطبعا لازم تعتزل بغرفة لوحدها لمدة شهر منشان الاشعاعات ما تنتقل للي حولها وعدت الفترة على خير وبعدها دخلت في جرعات الدوا اللي معرف اسمه :22: هو حبوب بيضا ومن ورا الشريط لونه اخضر أكيد مرضى الغدة يعرفونة وصارت كل شهرين تروح تعمل أشعة ويغيرلها الجرعات لأنه يقول كأنك ما تأخذي دوا واسمرت معاها الأعراض اللي كانت تجيها قبل تعمل الأشعة كنا نقولها مافي فايدة من هذي الأشعة عملتيها عالفاضي يعني ما في تحسن لها سنتين وهي تاخد العلاج وكنت أقول في نفسي خلاص معاد بتحمل لأن اللي عندهم الغدة يتاخرون بالحمل زي ما كنت أشوف بالمنتدى
وباصدفة من يومين بس عرفت انها حااامل وبالشهر الخامس كمان صحيح انها جاتني غصة كيف ما تقولي انها حامل وأعرف من مين ؟ من زوجي .. جاتني حالة بكى كيف زوجي يعرف باختي وانا كنت معاها يوميا نروح ونجي وكل يوم نتقابل كنت الاحظ انه بطنها تكبر بس ماتوقعته حمل لأنها كانت تتخن فما يبين عليها وزجي درى من زوجها كانت سيارته خربانة وطلب منه سيارته منشان يوديها المستشفى :(
بنات أدري طولت عليكم بالحكي وكلامي مو مرتب بس جيت ارفع معنوياتكم واللي عندها غدة ما تيأس من الحمل وربنا كريم
بنات أدعولي عسى منكم مجاب الدعوة انه ربي يرزقني الذرية الصالحة فأنا على مشارف السنة الثامنة ياارب ياكريم