جبتي العيد وانتي بزر؟؟ تعالي اسدحي موقفك هنا خلينا نعيد معك

السلام عليكم يا اغلى حوائيات..

خلونا نضحك ونفرفش بعيدا عن مشاكل هالقسم..

اليوم موضوعي يتكلم عن مواقفكم وشيطنتكم ايام الطفوله..

وتخيلاتكم الواسعه ..المضحكه والمبكيه في نفس الوقت ..
انا ابي ابدأ اول وحده ..

اذكر يوم كنت صغيره سألت اختي اللي اكبر مني بشوي..

ليش اشوف كوابيس وانا أسمي برحمان الرحيم عند النوم ؟!

ردت علي بكل براءه..

يمكن لان ابليس ما سمعك يوم تسمين

انا هنا دقت في قلبي كلمتها وصدقتها..


يوم امسى الليل وجت حزت النوم ...


وكانت أمي تنام عندنا بنفس الغرفه مو زي أمهات اليوم لازقه في الرجال لزق وخانقته مايعرف يتحرك ويشم هواء>>لازم نحش مانخلي يالحريم طبعنا:hahaha:


الموهم يوم طفت اللمبات وجيت أنام ..


قلت بسم الله الرحمن الرحيم بصوت خافت كالعاده ..

بعدين تذكرت كلام اختي ورفعت الصوت شوي

ثم قلت لا أكيد ما سمع !!

وبدا موال التسميه ومازال يرتفع بشكل تصاعدي

الى أن قامت الوالده وقالت بصوت يخوف ومنرفز

اهجدي لا اهجدك

وهجدت وقتها الى يومنا هذا..

وابليس الملعون ما سمع التسميه لاني شفت كابوس في نفس الليله..




الموقف الثاني

يوم كنت ادرس بأولى ابتدائي ..

كان في احد السقوف يتدلى سلك كهربائي لونه احمر..

وكان حديث المدرسه ذلك اليوم ..


وكانت اشاعه قويه تسري وقتها بين الطالبات الصغنونات ..

ان هذا السلك هو اصبع الجني !!

شوفوا الرعب !!

حنا ناقصين خوف من المدرسه :06:

بعدين اللي اعرفه ان الجني يطلع من تحت الارض مو من فوقها !!


وليش ابو الشباب ناسي اصبعه فوق ما اخذه معه !!

طبعا استمرت هالمهزله والرعب لين وحده من المدرسات اكتشفتنا ووبختنا ونبهتنا الى طبيعة ونوعيه الاصبع المزعوم!!







والموقف الثالث


مره معزومين على عرس برى ديرتنا ..



وكان عمري وقتها 8سنين ...



وجهزنا الشنطه لسفر وحطيت في جيب ملابسي روج لونه احمر فاقع!! >>ملطوش من الوالده


وكان الوقت يوم السفر حر فظيع..

اتوقع كانت الدرجه 80 مئويه !!

يوم وصلنا لمحل الحفله..

طلعت الروج الفاقع يقال ابكشخ >>مدري وش بقيت للعروسه!!

لقيته ذايب ومايع من شدة الحر ورميته..


هذا من رحمة ربي هههههههههه

ولا طلعت الهوايل في القوايل !!





الموقف الاخير...


كنت متعوده بعد المدرسه اروح للبقاله واشتري حلاو

ثم ارجع للبيت..

ذاك اليوم كانت معي صديقتي وكانت ملكعه..


قالت يام عروووب فيه حلاوه حلوه جديده وش رايك نشتريها؟؟

قلت لها حرام خلصت فلوسي المره الجايه نشتريها ..

قالت لا ماعليك نبي اليوم ناخذها وناكلها

الموهم راحت وغافلت العمال وسرقت الحلاوه وجابتها لي :S_45:

وانحشنا برى المحل علشان ناكلها على رواق


الموهم اكلناها وقمنا نلظفها ونصيح من شين طعمها ووووع

اثرنا كنا ناكل مكعبات الدجاج ماجي !!

نحسبها حلاوه توها نازله جديده في الاسواق !!

واللحين اذا مريت من عند الماجي في السوبر ماركت اسرعت بالعربيه..


لان شوفته صارت تحوم كبدي >>هههههه


هذرت عليكم كثير ..

اللحين جاء دوركم يابنات ..


ابي مواقفكم انتم أيام طفولتكم وشيطنتكم..

لاتقولون كنت بريئه ومن هالكلام المايع لان مافي طفل برئ ابد >>> ههههههه



واللي ماتشارك ترى ابي اعتبر بينها وبين


طفولتها دهور وقرون :28:>>علشان كذا ماتذكرها :icon31:

هههههههههههههههههههههههه


في انتظار مشاركاتكن يا بعد حيي:biggthump