جتكم قهوة مرة بعد م

سلام عليكم ورحمة الله وبركاته
كيفكم ياعالم حواء ؟
فتحت هذا الموضوع أبي أستشيركم واشوف هل أنا غلطانه بحق زوجي أولا .؟!!
بداية بتكلم عن شخصية زوجي حتى تكون الصورة واضحة .
رجال له منصبه ضابط برتبه ممتازة كثير السفر ومايسافر الا مع زوجاته . كريم .حنون .طيب .خلوق .هادي بقدر أنسابه .أب ناجح .بيتوتي .يحب الوناسه وطلعات معاي او مع عائلته .خدوم .حافظ أجزاء من القران .
طبعا في بداية حياتي معه طلب مني طلب أني ما أطري له طليقي ولا أجيب سيرته .وبدون لابقول لي من زين هاالسيره وبعدين مر ع طلاقي سنين وبين هلي ما نطريه .
في المقابل أنا طلبت مايجيب سيرة زوجته لا بخير ولا بشر
أقلهامافيه بحياتي غيره بس هو لا عنده غيري فاالاجدر أنه يوعدني مايتكلمه عنها قدامي ولا يجيب سيرتي لها فوافق .
الى هنا حنا حلوين وحياتنا حلوه يوم عندها وفترة من اليوم يجيني ثم يرجع لها وانا كذلك يومي فتره يروح لها ثم يرجع لي .وبحكم اني اغلب وقتي عند هلي في الوقت اللي موعندي وبفتره اللي يجيني فيها ياخذني لمطعم از كفي او مول وبعدين يرجعني لبيتي ويروح لها .هذا غير اني اسمح له انه مايجني بهذي الفتره من يومها لاني مع جماعتي مناسبات وسهرات في الاستراحة ...الخ او اطلع مع خواتي
عكس يومه اكون محشوره في البيت عنده لانه بيتوتي .
الى هنا الوضع بنسبه لي ممتاز وهو مرتاح عليه .
للامانه لايجبب زوجته لا بشينه ولا زينه الاشي عفوي ك اتصال او موعد لها . والمخلوقه بعيده عني ولا شفت منها شي ولا اعرفها ولا شي عياله يجبهم لي بين فتره وفتره يسلمون علي .
اكيد بتقولون وين المشكلة ياقهوة !
أقولكم في عدله !!!
ايه عدله لاتستغربون .فيه أشياء بنظره انو عدل لكن بنسبه لي بضايقني ويزعلني وبهذا استشيركم ؟! هو مايشوفه خطا ويقول أنه من باب العدل وكذا .بس أنا يستفزني ومااحب هذي الطريقة .
اللي هو .
الهدايا ..يعني لو جاب اي هدية يجب لها نفسها بتمام يعني مااقدر البسها لانها عندها أبي اتميز اختلف عنها هي ماادري عنها وعن رأيها لاننا مانعرف بعض ولا نتقابل .
يعني مره جاب اي خاتم ألماس طرت فيه وفرحت وكان ناعم وجميل قام دخل دورت المياة وشلت الاكياس وحصلت في الكيس علبه فتحتها لقيتها نفس خاتمي بضبط
قلت هذا لمين قال لام فلان قلت بس مثل خاتمي مايفرق قال ايه هذا من العدل .عصبت وزعلت قلت افرق بينا مايصير نفس الشي .وبعدين ليش جايبه لبيتي وليش ادري انك جايب لها .قال عادي وان الطقم اللي جابه لي في صباحية عرسي جاب نفسه لزوجته بغيت انفجر ليش تقول لي وليش نفسه بضبط بزران طقم لنا !!!!
زعلت منه ورميت خاتمه وطقمه في دلاب فاضي .
وزعلت قلت عني ماابي منك هدايا ولا يخصني بزوجتك تهديها اهدها لكن مو لازم اعرف ومو ضروري دخل هديتها بيتي ومو معقول كل شي تجيبه لي نفسه عندها فرق بشكل
كرهت هدايه .
مره جاء اخذني من بيت هلي بغتره اللي من يومها ورحنا مول نتعشى وشفت شنطه في المحل وقلت مرره تجنن قال ندخل نشوفها وشتراها لي وانا افرفر بلمحل لين جينا عند المحاسب وحصلته مشتري 2 طالعت فيه قال لام فلان قلت المحل مليان شنط ليش مثلي أف منك مايصير كذا وخليت الرجال يرجع شنطتي وهي الله يهنيها فيها وطلعت من المحل وقلت ع بيت ماأبي عشاك .
وقبلها كانت عنده سفره قصيرة وجاب لي بلوزة حلوة ع مقاسي وسالني عنها قلت له هذا مقاسي بضبط اذا تشتري لي قال ام فلان ماجت مقاسها قلت يعني نفسها عندها قال ايوه وأخذتها ورميتها بسلت الملابس الوسخة .
طفشت انا موضد يشتري لها لا كيفه معها مالي دخل فيهم ولا ابي اعرف ولا ابي اشوف هديتها عندي .
بس ضد طريقته باالعدل انا موقادره استخدم شي جابه لي مايصير كل شي مثل بعض .
أبوي وهو ابوي اذا سافر نقول لاتجيب لنا مثل بعض كل وحده تختلف عن الثانية وهذا مطقمني مع شريكتي !!!!
هو مو شايف انه خطأ وانا شايفه انه شي غير معقول هي رأيها ماأدري عنه .بس انكلم عن نفسي .
وقلت له ماأبغى شي منك خلاص والذهب البيعه والملابس لزباله.
وفيه نقطه ثانيه مستحيل لو مختلي مع بعض مايقول كلام حلو اي فقط لازم يذكرها مثلا يقول انتي عين وفلانه عيني الثانية .انتن كلكن غاليات . والله احبكن كلكن . ...الخ
اقوله الحين وش جاب طاريها انا داريه انك تحبها مثل ماتحبني ليش تطريها قدامي . وتو سالني قال تحبيني قلت مين تحب واحد يقول احبك وحب وحده معك !!
يعني ماتعرف تتكلم معي بدون ذكرها وعندها نفس الشي لاتذكرني ولا تطريني لها كاني موموجوة في حياتك !!!
هو يشوفه عدل وأنا بهذي الاشياء اشوفه قلة ذوق منه !
التعليق..لكم.