:44:ليش ماعاد في تفاعل

هلا فيك
انا انتظر مشاركاتي تكتمل وارد عليك وبنسبه للجدول انا كل يوم جدول لسى ماستقريت بس حاولت اخفف قد مااقدر وسويت جدول يومي بسيط واسبوعي واذا انتظمت عليه بزيد شوي شوي لاني نفسك ملوله وماعندي وقت وتعبانه عظامي ومفاصلي من اي شغل اتعب فخففت

الله يعينك ويعين كل من تجاهد في بيتها وزوجها واطفالها عشان لاتستعين بخادمة

انا جدولي توني كتبته قبل امس وبمشي عليه من بكره

الجدول استنتجته من موضوع قره عين زوجها وكتبت على بيتي

قسمت جدول مهمات اسبوعيه

الاسبوع الاول 7 شغلات كل يوم شغله مثلا انا حطيت اول اسبوع المطبخ
اول يوم الثلاجه تنظيفها
ثاني يوم ترتيب دواليب المطبخ وتنظيمها
الثالث تنظيف الفرن والالات الكهربائيه
الرابع مسح الجدران و النوافذ والمروحه
الخامس غسل الفريزر
السادس غسل الزباله وتعقيمها وتعطيرها
السابع تنظيم سله البصل الخارجيه والبطاطس و الثوم

الاسبوع الثاني تنظيف عام
اول يوم تنظيف المقلط كامل كنس مسح وتنظيف والدريشه والطاولات
ثاني يوم تنظيف غرفه النوم نفس الشي تنظيف عميق واعاده ترتيب الملابس و ترتيب التسريحه وهكذا
الثالث تنظيف غرفه الحريم تنظيف عميق برضو
الرابع تنظيف وتنظيم غرفه الاولاد و ترتيب الدولاب والمروحه والجدران ووو الخ
الخامس مجلس الرجال تنظيف عميق برضومروحه والجدران وكنس وكلووو
السادس تنظيف المداخل والاسياب اذا فيها رفو او جدرانها و مسح الارضيه وو الخ
السابع السطح غسله وترتيبه


الاسبوع الثالث
الاول غسل السجادات ومحارم الصلاه
الثاني غسل المناشف الخاصه
الثالث ترتيب الكتب بالمكتبه ومسحها
الرابع غسل مفارش النوم
الخامس تنظيف العاب الاطفال
السادس مسح البيبان وتنظيفها
السابع مسح اللوح والمعلقات والساعات الي معلقه بالبيت


الاسبوع الرابع
الاوا مسح الاجهزه الرياضيه السير وو
الثاني تنظيف الاجهزه الخاصه مثل جهاز تذويب الشمع وجهاز تدليك الرجلين و الالات الحلاقه ووو
الثالث تنظيف المكيفات
الرابع تنظيف الحمامات تنظيف عميق بالفلاش و غيره حتى يلق
الخامس تنظيف وغسل علب البهارات واعده تنظيمها
السادس تنظيف الشفاطات بالبيت
السابع خلاص ارتاحي بيتك يلق

طبعا يكون تنظيف كل شي مره بالشهر واحيانا هيمر الشهر الثاني ولسى نظيف فترتاحين
طبعا الجدول مع التنظيف اليومي

المهمات اليوميه
الي هي تضيفين مهمتك الي بجدول الاسبوعي
ومعاها شغل اليوم مثلا غسيل او كوي او كنس وخلافه

لاتنسين تنظيم ملابس والبطانيات الي ماتحتاجينها في اكياس ضغط
و تخلصي من الاشياء الي ماتحتاجينها اول باول لا تراكمين ابدا

لو تبغون نسوي قروب نبدا سواااا ياليت

الي يعجبها
ادعولي اطبق الجدول ويرزقني ربي النشاااااط
وادعولي ربي يرزقني بتوام متشابهين ومتعافين من لبكم دعوه المسلم لاخيه مستجابه

الله يعطيكي العافية على هالجدول المميز جدا
نفسي نعمل قروب نشجع فيه بعضنا
الي عندها استعداد تعمل قروب انا اول وحدة انضم له
الله يعينك ويساعدك وتطبقي هالجدول الروعة صراحة مرة عجبني
ويرزقك كل ماتتمني