جدتي تسلم عليكم وتقول لايهمونكم كذابييييييييييييين!!!!!

تراني مليت وفاحت كبدي من حكي هالناس وخاصة رجلي وشيبان العايلة.. :D .........لو توقدين أصابعك شمع لهم قالوا :

إيه ..الله يخلف على حريم أول :كانوووووووووا وكانووووووووو.........عاد أنا رحت من حرتي ودقيت على جدتي (الله يخليها لنا ويطول عمرها ما عاد لنا من الاجداد غيرها)آمين :39:


وبما اني بنت بنتها العزيزة وحفيدتها الواصلة اللي دايم أسال عنها عاد هي احترت معي وتحمست وطلعت الحقيقة اللي لا يمكن تطلعها عند حريم عيالها (مادرت ضعيفة اني بانشرها بأقوى وسائل الإعلام الحديثة قاطبة !!!!!!!! :30:


المهم اسمعوا وش قالت جدتي :والله يا بنيتي كل زمن وله غثاه .صح ان (انحن ) نقوم قبل الفجر نخض اللبن ونزين المراصيع ثم نطلع نحش وإلى رجعنا زهبنا عشانا ومن يوم نصلي العشا نرقد(هذي لحالها حطوا تحتها الف خط)
مار انتم الله يعظم اجركم لا تنامون ليل ولا نهار ولو ما يجيكم إلا هالمواعين والخلاقين اللي منول ما نعرفها . :3_13_12:


الثوب يقعد علينا من الشهر إليه ولا نغسله إلا مرة وحدة ..........ولا كوي ولا غيره مهوب مثلكم حتى ثياب البزران الداخليه لازم تغسل وتكوى كل يوم ياكافي!!!!!!!!
ومويعيناتنا ماغير بادية وحدة ومغرفة وقدر أموصهن وانا جالسه!!!!!!!!!! :angry:
أما الكنس فالوحدة منا تنفض الحصير نفضتين وترجعه!!!!!!تكنولوجيا!!!!!!!!!!!!!!
القهوة والله ما نعرف تصليحها عند الرجال هم اللي يزينونها ويروحون لنا حقنا منها!!!!!!!!!!دلع!!!!!
ومنول تدخل عليك قصيرك على كل حزة وتقعد على هالحصير وتاخذ فنجال قهوة وتمشي والحمدلله !!!مهوب مثل هالحين إلى بغى يجيك أحد لازم بلاطك يتلامع والبخور يصك الراس واللبس والنظافة والقهاوي والحلى والدنيا . :7_2_103v:
ولا الغدا والعشا ياملحنا منول اما قريصات ولا مر يصيعات ونشرب عليها غضيرة اللبن والحمدلله مهوب مثلكم الله لايعاقبنا من تصبح الوحدة وهي في المطبخ تلعب بالنعمة هذا حلى وذا مالح هذي فطاير وذي صواني فرن .... :3_2_8v:
....وفي النهاية مايوكل ولا ربعها لا ورجلها يتنعفق عليها :كلت ذاك اليوم عند فلان كذا وكذا يا زين طبخ حرمته!!!!!!!!! :30:
ترى فيه زيادات مني بس تعطي نفس المعنى والحين اللي بيقول منهم كلمة بقول له عشر!!!!!!!!
وش رايكم يا بنات ؟؟؟؟؟؟؟؟؟؟يالله الفزعه يا ديار بني قشم.......