جدتي ..... والفيصلية ..!!!!!!

السلام عليكم ورحمه الله وبركاته....

اخواتي الغاليات....

مســــــــــــــاء الورد مســــــــــــاء النور

مســـــــــــــــاء الخيـــــــــر

اولى مشـــــــــــاركه بهذى القسم....

....قرية هذي القصه با احد المنتديات واعجبتني مرررره......وحبت انقله لكم....

انشاء الله تعجبكم.....وماتكون.....عليها غبار.....

واذا كان عليها غبار....انشاء الله المشرفات يسوون الازم
>>>> روحي رياضيه...
--------------------

القصة ..... بليلية من الليالي ..... مسكت معي غلط اني اخذ جدتي معي من باب البر وانا كنت ناوي اشتري غرض .... بس المشكلة انه من الفيصلية .... بس ودي اخلي جدتي تتمشى .....
قررت اني اخذ معي جدتي التي زاد عمرها عن 60 عاما ....
كانت جدتي نشيطة جدا .... تقدر تصارع اقوى مصارع .... ولكن (ركيباتها) الله بالخير ... يعني على طول تقصر اذا مشت ...الله يحسن الخاتمة .....

بدت الرحلة ....
مريتها بسيارتي الكامري البيضاء ...... بعد ماتكسرت لأن جدتي ساكنة بمزعة طريقها رملي >>> عيت تسكن بوسط الرياض
ركبت هي والعصاء اللتي تتوكز عليه ولها فيه مآرب أخرى ...... طبعا قبل ما تركب شقت المرتبة شقا كبيرا لأنه تسندت عليه بعصاه .... ولولا العصا اللي معه كان قلت شي بس اني خفت انه تشق لي وجهي الصغندودي .....
كانت الساعة 8 بالليل .... طبعا كانت ضاربة بالريال ونايمة الظهر علشان تسهر الى 8 ...

حركنا من مقر جدتي حفظها الله ... ولما مشينا شوي بدت المطالب ....
يا وليدي ابي اميه(يعني مويه) .... طيب ... وأقرب بقالة وانزل اجيب له ماء .... بس المشكلة إني ما سكرت الباب زين ... وكنت أخلي لمبة السقف تولع اذا كان الباب ما سكر زين ...وبما اني ما سكرته زين هي ضاق صدرها وفقع راسها هالنور .....
بدت عملية البحث عن النور الى ان حصلته .... وهنا كانت الطامة .....
وجدت جدتي مصدر النور ... طبعا بحنكتها وذكائها ... والعائلة كلهم كذا ....
حاولت باي طريق تطفيه ما قدرت .... فاستخدمت الحل النهائي ... العصا .... فرفعت العصا وبدأت بالضرب الى انه طفى النور وهنا استراحت جدتي ....
شريت الماء ورجعت للسيارة وانا جاي حسيت ان التندة متعوجة شوي بالوسط!!! ... وأركب السيارة ولا وش أشوف !!!
اللمبة مكسورة ويوم جلست غزني شي ... آآآه ... واناظر ولاه بقايا شظايا اللمبة ...... وارفع راسي وشفت الدعوى حوسة .... ارتفع الضغط عندي ونزل ... قلت وراك ياجده على اللمبة ... قالت فضحتنا بخلق الله .... طيب ليش ما قلتي لي اول مانزلت طفها ... بس طبعا خلاص ما أقدر أقول شي زيادة وقايل لكم السبب ليش اسكت ....

مشينا متوجهين بحفظ الله ورعايته الى الفيصلية ......
طبعا قلت ابنزل جدتي عند الباب الرئيسي وأروح أوقف الموتر .... نزلتها ورحت بسرعة البرق أبوقف السيارة .... بلشت مالقيت موقف قريب ... المهم وبعد جهد جهيد حصلت ... وارجع اركض لأني تأخرت على جدتي .... وخبركم العصا لمن عصا أو غثنا ...

وانا راجع واشوف الطريق زحمة!!! .... وش صاير وانا توي جاي من عنده .... عسى خير ....
وش حصلت ؟؟؟ .... حصلت ان جدتي جلست بالمكان اللي نزلتها فيه وكان وسط الشارع ...... وحجرت على العالم .... والسيارات سرا ... ما فيه ومن هرج فالعصا له أو لسيارته ....
وأجي أركض لمها والقط راسها بذيك الحبه علشان اقدم لها لا تصير زعلت .... وأمسك ايد جدتي ... يالله قطعنا العالم .... طبعا اهرج بهدوء ولا كان .....

وندخل الفيصلية .....
قلت وين تبين تجلسين فيه على ما بال أدور على الغرض ....
قالت اصبر خل اتخير مكان زوين ... وطبعا جدتي محترمة ... يعني مهب مشفوحة ولا تناظر مع انها أول مرة تشوف هالمحلات والمباني ...
ومرينا من عند النافورة اللي على الرخام .... قال بس .... تحسبه ساقي أو ما أدري وش تحسبه .... ابجلس هنيا .... قلت اللي تبين .... قلت لها خلاص أروح ... قالت ايه ...
رحت بسرعة أدور على غرضي وانا احاول ارجع بأقرب وقت لا تسوي لنا جدتي مصيبة ...

ويوم رجعت ولا وش أشوف ..... فضايح .... ولا فيه عسكري قاعد يمشي العالم من عندها ويسوون دوار .... صارت كأنها ناقلة نفط ممنوع الاقتراب ... العسكري قاعد ينتبه لا أحد يقرب وكل الناس يديورون عنها!!!! .... وجدتي تلجلج ...
وادقق وأناظر ولا حول جدتي انواع البلاوي ... تقل محل ابو ريالين اللي بمكة ... وجه جوال منكسر!!!! .... وحقيبة!!! .... وغطوة !!!! .. وكنادر أعزكم الله .... وبطارية جوال!!! .... ومكياج !!!! ....
وش السالفة ؟؟؟؟ .... واكتشفت من الناس ان بنت )))من هاللي لا حيا ولا عفة ولا دين ))) مارة من عندها ولابسة مخصر والغطوة شفافة وشعرها طالع ... فغضبت جدتي لهول ماترى وأمسكت بها واستلمت تقبيص والله لايوريكم .... ويالله يالله جو الشرطة فكوها منها ......
وأجي لجدتي قلت مشينا .... والعالم يناظرون بعين .... طبعا ابن ابوه يقرب ....
المهم مشينا بس في ه شي فاقع راس جدتي .... اللي فقع راس جدتي ان فيه عجوز دخلت بغرفة وطلعت بنت وشلووووون ؟؟؟؟؟ >>>> شكلها رايحة تتمشى
قلت وشلون .... قالت فيه عجوز كبيرة دخلت غرفة وطلعت بنت .... وشو ذا ... اوكاد سحر ...
قلت لها طيب وين الغرفة .... يوم شفت الغرفة ... صارت المصعد (اللفت) .... راكبة عجوز ... ونزلت فيه بنت ... فجدتي ما تدري وش تسوي هالغرفة ... حاولت اقولها وش سالفت هالغرفة ... لكن بدون فائدة ...

قلت خلاص نبي نمشي .... وقلت لها صح ودك تمشين أخاف أخليها عند الباب واجيب السيارة تطلع علوم ...
ورجعنا لمزرعتها وهي فاقعتن راسها هالغرفة .... وأنا أحاول أقنعها ....

وكذا انتهت قصة جدتي ورحلة الفيصلية

انشاءالله اعجبتكم..

م
ل
ط
و
ش
ه...