ياعمري انتي تصدقي كل يوم لازم افتح موضوعك مرتين ع القليل
احس اني اتفائل يوم اقراه

المهم بالنسبة للزيت اللي ضفته للشامبو ,, قيد قلتلك عليه اول وقلتيلي ينفع تقريبا لانه يعتبر منعم ومقوي لوجود زيت فازلين وزيت كيشور و بذور القطونا ونقط زيت قرفة <<<<< فديتها:icon28::icon28:
:42: شسوي احب القرفة موووووووووت

وابشرك حبيت اسوي فلاحة عشان اليوم كان عندي معهد انجليزي وحبيت اكشخ في اول يوم
ف امس استحميت وقسمت شعري اجزاء ودهنت كل جزء وجدلته
وحتى القصة جدلتها

وبس لمن صحيت فكيته وطلع الحمدلله وردة مجنونة
طبعا شعري امتص الزيت بشكل مو طبيييييييييييييييييييعي
كان المفروض الفه كعكات او اجدله جديلة وحده

المهم الحين رجعت من دوامي ودهنت شعري وجدلته جديلة وحده
واحس ملمسة مرة حلو

وللمعلومية ترى اانا فاردة شعري قبل اسبوعين ,, والفرد عادة يجلس معاي شهرين الا
و كمان عندي جزء في شعري حتى مع الفرد يفضل مكلكع والحمدلله اليوم الشعر هاااجد
لدرجة اني ضيعت لشعرة المكلكعه:42::42:

المهم ياحلوواات اللي بيستنو نتايجي ,, ترى انا زيوتي تختلف عن زيوت ام جاورس الحللللللوة
بس انا اتعلمت منها كيف ارتب جدولي وكيف اسوي الشامبو والبلسم

وا ن شااااااااء الله يارب راح اوافيكم بكل الاخباااار <<<<< صـــدقت نفسها

لأ جد والله لاااازم نتحمس ,, وانا عن نفسي حلفت اني ما راح اشتري زيوت جديده
عشان اعرف اركز و استمر على الجدول باذن الله


,, بارك الله فيكي ياقمر وحبب فيكي خلقه اجمعيــــــــــن يارب ,,:26::26:

بذور القطونا .. تقصدي زيت القطن ولا ايش بالضبط وياريت لو تصورية

تحياتي

مشكوره

هلا فراولة...

وويه حبيبتي الظاهر انه صار بينا سوء تفاهم.. اللي فمهته منج من قبل انج راح تستخدمين زيت الفازلين عقب الحمام كسيروم.. مو قبله او تحطينه في الشامبو.. و لاني مجربة زيت الفازلين من قبل عقب الحمام.. و كان يناسب شعري واايد و يطلعه روعة.. فقلت بالبذور البنت لو حطته عقب الحمام راح يصير شعرها شيء عجيب..

و انا قلت لج انه راح يكون بديل حلو للسيروم اللي انا استخدمه و ان شاء الله تحصلين نفس النتيجة... ما ادري عاد اذا للحين انا فاهمة صح و الا غلط..خخخ

بالنسبة للتسريحة المناسبة لنوعية شعرنا عقب الحمام هي الكعكات لو كان الشعر طويل واايد.. او لفة صغيرة من تحت لو كان الشعر قصير واايد نفس حالتي.. استغربت لما قلتي جدايل.. لان الجدايل تخلي الشعر كيرلي اكثر .. ما تفرده.. حطي بالج مرة ثانية .. و راعي انج لما تلفينه كعكات انج اول شيء تمشطينه بمشط صغير (نفس مشط الكوافيرات الاسود اللي يقسمون فيه الشعر لان هالنوعية احسها تلم الشعر لم و ترتبه) و عقب تشدينه بقوة بربطه شعر مطاطية (و حتى لو كان الشعر قصير تنشد اللفة بقوة من تحت بربطة شعر مطاطية صغيرة).. و عقب لفيه بشيلة او ربطة و هم راعي ان هذي تنشد بقوة على الراس (ممكن تلفينه نفس طريقة المصريات لما يحطون المنديل على راسهم بعضهم يلفونه بقوة لو تلاحظين في المسلسلات.. انا اسوي جذيه و اظل يوم كامل).. ادري راح تتعبين بس هذي احسن طريقة و دايما حطي في بالج انها فترة علاج و راح تعدي باذن الله.. انا مع انه شعري قصير بس اشده شد بالتمشيط و بالشيلة او اللفة) عشان جذيه يكون ووايد حلو لما افتحه.. و حتى الشعر اللي ما ينفرد تكون تجعيدتة خفيفة..و منفردة اكثر من قبل..

بالنسبة للفرد اللي سويتيه قبل اسبوعين يمكن تكون هذي مشكلة في العلاج بالزيوت..

خلني اقول لج ملاحظاتي على شعري..

انا اول ما نويت اني اعالج شعري بالزيوت و بذور القطونا.. اول خطوة سويتها اني قصيت شعري قصير على الاخر.. فوق الرقبة يعني.. عشان اشيل معظم الشعر المعالج بالتمليس.. و ذيك الفترة كان شعري في حالة ما يعلم فيها الا الله.. و عاد مع القصة القصيرة.. عينك ما تشوف الا النووور.. كله طاير و كاشش و وضعه و منظره مؤلم بصراحة.. بس انا كنت مصممة اني اتخلى عن التمليس و ما همني منظره.. و كنت عارفة و موقنة انه ما صار منظره بهالشكل الا لان الجوهر تعباااان و نشفااان و هلكاااان.. و وثقت اني بس اعالجه راح يكون منظره اهون...

و مع العلاج و الاستمرار فيه (الحين صار لي 3 اشهر الحمدلله) لاحظت انه شعري الاصلي نااااعم و روعة.. و لماااع ووايد ماشاء اله لا قوة الا بالله.. لكن الشعر المفرود بالتمليس هو اللي قاعد يتعبني حاليا.. لان احس كلما استمريت في العلاج كلما نشف و جف اكثر .. بس مو هامني طالما انه قاعد يطول و عندي هدف اني لحد شهر 10 هذي السنة.. يعني على العيد ان شاء الله اكون طولته بحيث اني اقدر اتخلص من كل الشعر المفرود بالتمليس و بجذيه ارتاح تماما من الفرد و مشاكله..

هالعلاج بين لي بالفعل انه الفرد اسوأ اختيار لنوعية شعرنا.. صح نتيجته حلوة و فورية.. بس على المدى الطويل يعدم الشعر.. يعني لما اشوف شعري الحقيقي الحين و كيف استجاب للعلاج ارحمه و اندم على اني فكرت في التمليس من البداية.. يا ريتني ظليت على الزيوت و المواد الطبيعية كان الحين شعري يهف هف.. بس الله يسامحنا.. دايما مستعجلين و نبي الزين بسرعة ...

على فكرة بنات..

خل نحط في بالنا نقطة مهمة واايد.. احنا قبل لا يكون هدفنا فرد شعرنا.. خل يكون هدفنا علاج شعرنا من الجفاف و النشفان و التعب اللي هو فيه.. لان بصراحة انا حتى لما كنت احط تمليس في شعري كنت احب اخليه مجعد.. و كان يبين حلو و بصراحة يناسبني و يناسب شكلي.. بس كان ناشف و كاشش و تعبان.. و لاحظوا هذا كان مع التمليس.. و كان دايما نفسي اني اخلي شعري مجعد نفس الممثلات السوريات و الاجنبيات لما يخلون شعرهم كيرلي بس يبين صحي و لماع حتى و هو كيرلي.. الحين بديت احصل هالشيء و الله يعطيني و اوصل للاحسن بعد.. انا للحين احس شعري حايس من ناحية انه مقسوم قسم طبيعي و قسم مملس.. و اتمنى اوصل لليوم اللي اتخلص فيه من كل الشعر المملس و ارتاااح..

اختي ام فاطمة..

بذور القطونا غير عن بذور القطن... و الاخت وردة نورمان حطت صور بذور القطونا.. راجعي مشاركتها فوق..

خواتي

حورية ماركة
ريم العواد
ام عمر الدوسرية
ريمية

شرفني مروركم حبيباتي..:)