يووووووووووووووووو انا شعري طووويل مستحيل اقدر اقص كل الشعر المفرووود :( مقدر مستحيل


الله يهدي الي دلني عل هذا التمليس وخلاني اندم :(:(

هلا اختي مس مي..

انا ما قصيت شعري مرة وحدة.. قصيته بالتدريج.. لحد ما قصرته تماما.. شعري كان طووويل و كان روعة و الله.. بس لاحظت اني كلما حطيت تمليس كلما جف و نشف و نفش..هذا غير التساقط و التقصف..

و ظليت اقص فيه و اقص فيه.. لحد ما اخر مرة طولته لحد تحت الكتف بشوي و ما سويت تمليس.. و رحت قصيته قصة قصيرررة مرررة عشان معظم التمليس يروح.. اظن شعري يبي له بعد قص مرة او مرتين و اكون الحمدلله تخلصت من التمليس تماما..

و عقب اطوله ان شاء الله براحتي...

ممكن تسوين شيء اختي.. كل ثلاث شهور قصي شعرج شوي من تحت.. او سوي قصة جديدة.. ترى القص احد العلاجات للتقصف.. انا احس شعري يكون صحي عقب كل قصة.. صدقيني ما تكملين سنتين او ثلاث الا شعرج يرجع طبيعي.. بس اهم شيء انج خلال هالفترة ما تقطعين العلاج بالزيوت.. و على فكرة لو مشيتي على هالنظام (نظام القص كل ثلاث شهور) راح تلاحظين انه شعرج يطول اسرع..

انا من لما كنت صغيرة.. كانت امي الله يرحمها دايما تقص شعرنا كل شهر.. انا و خواتي اللي في عمري.. و كانت شعورنا ما شاء الله طوووووويلة و كثيفة.. و بصراحة احلى من الحين بوااايد رغم انها كانت كيرلي.. تصوري!! و كانت كلما تقصه كلما يطول اكثر.. انا من تزوجت خليت لي جدول قص لشعري لو شنو يصير لاااازم اقص شعري في الوقت المحدد.. و المدة اللي حددتها كل 3 اشهر و الحمدلله شعري ينمو و مو متعبني من هالناحية ابداا..

في النهاية القرار لج حبيبتي..

الله يعطيك العافية اختي ام جاورس علي تجاوبك مع الكل...والله يجعله في ميزان حسانتك..عندي سؤال ؟
قلتي الخلطة الخامسة: سيروم فروكتيز الخاص بفرد الشعر و تلميعه + بذور القطونا..؟!

تقصدين احط فالسيروم الزيت المنقوع فيه بذور القطونا؟؟...او احط فالسيروم بذور قطونا لحالها؟؟...

ونسيت اسألك زيت لوز الحلو او المر اللي تبين اضيفه علي البلسم او حمام الزيت..؟؟؟

مشكوره يا عمري