اختي miss soosoo

فهمت قصدج اختي.. انا قبل كان شعري ينفش بشكل غير طبيعي و يتعبني وااايد.. و الاهم انه يا ما فشلني قدام زوجي خخخخ
خاصة الشعرات القصيرة اللي قدام.. فضيعة لما تكون طايرة و منفوشة.. و الا مدرجة و مجعدة و شكلها ما له داعي بالمرة ..

بعد الخلطة غيررر.. حتى لما تقعدين من النوم.. يكون منفوش بس نفشة مرتبة.. و بمجرد ما تمشطين الشعر يرجع حلو .. و على فكرة انا في البداية كنت ما استغنى عن اني امسح شعري بالزيت لما اقعد من النوم.. بس الحين من اسبوع تقريبا توقفت و النتيجة الحمدلله مطمئنة وااايد.. لكن لا زلت اعاني من الجفاف (شفتي كيف شعري جاااف) و خاصة انه صار لي اكثر من 16 سنة كنت املس شعري.. اعرف راح اطول كثير كثير لحد ما اوصل للشعر اللي في بالي.. بس حاليا فرحااانة بالنتيجة وااايد..

مع هالخلطة في بداية الايام راح تحسين انه الشعرة ناااعمة على الاخر بس الشعر بعده كيرلي.. و لو كان الشعر واقف ما يتحرك فهذا معناته انه شعرج بعد يعاني من الجفاف.. استمري في العلاج اختي و مع الايام راح تلاقين اللي يرضيج.. لاحظت في هالجدول انه يعالج بالتدريج.. اول شيء لاحظته نعومة عجيبة و لمعان.. و فرد كااامل من قدام و الشعر يتحرك و حلو.. بس من ورا العلة.. لكن مع الاستمرار قاعدة الاحظ تحسن من ورا.. و الكيرلي يظل ايام و ايام ما ينفش و لا يفشل..و تصوري هذا كله بدون جل .. انا قبل كان حتى بالجل ينفش و ما يهجد ابددا..

زيت القرفة.. اي نوع.. بس حطي بالج حطي منه قطرات لانه يلسع و له ريحة تبط الراس :)

لمى 3

شكل الخلطة ممتازة.. راح اجربها بس بعد فترة.. لاني جربت خلطات الاخت حور الجنان الله يجازيها الف خير .. بس حسيت انها نشفت شعري وااايد و تعبت في التعامل معه.. فاظن انه شعري في الوقت الحالي مو مستعد لخلطات معقدة.. اظن هالمرحلة راح اظل على خلطات الزيوت و اغذي شعري بالزيوت و بعدين انتقل للمرحلة الثانية من الخلطات المركبة..

و اللي احصل من وراها نتيجة راح انزلها للبنات..

اختي بري بري

النعومة بانت من اول مرة.. و بما انه صار لي شهرين و نص من بديت هالجدول.. احس شعري حتى و هو ناشف صار حلو و نعوووم.. ملمسه يرد الروح مو نفس قبل.. بس اختي اهم شيء الاستمرار و الصبررررر... ترى اصعب شيء التخلص من الشعر الجاف.. يبي له صبر و طولة بال.. و انا متأكدة انه مع الايام انه ما راح تلاقين الا اللي يرضيج..

بالنسبة للمعلومة قريتها في كتاب.. و هم لقيتها في موقع طبي على الانترنت .. طبعا انا سويت بحث طووووويل و قريت كثير في كل الاشياء اللي تسبب جفاف الشعر و الاشياء اللي تقضي على الجفاف..

اهم معلومة قريتها يا بنات عن البيض.. نوعية شعرنا الجافة جدا و المجعدة ما تنفع لها البيضة كامل .. بس الصفار لان فروة الراس تفرز مادة ما يحضرني اسمها حاليا.. كلما زاد افراز هالمادة كلما كان الشعر دهني و الشعرة صارت انعم و انفردت اكثر و كلما قل افرازها كلما جف الشعر و تجعد و صار اخشن.. و الشعر الجاف تنقصه هذي المادة بشكل كبير و اتضح من الدراسات انه هالمادة موجودة في صفار البيض فقط.. لذلك ينصح به لعلاج الشعر الجاف..

اختي احلام اليقظة..

بفضل لو يكون زيت الزيتون ثلاث ارباع العلبة و الربع الباقي زيت التاج.. و نفس الشيء مع زيت عافية.. و يفضل انه الخلطة تقعد على شعرج بما لا يقل عن اربع ساعات و كلما زاد الوقت كلما كانت النتيجة احسن..

و على فكرة بنات .. نسيت اقول لكم لازم يتغطى الشعر بكيس نايلون..عشان تتغلغل الخلطة لفروة الراس..

اختي فراولة بالشوكولاته...

بالنسبة لي انا ما جربت خلطة الزيوت للاخت حور.. بس بنات كثير مدحوها.. و في النهاية هي زيوت و اتوقع مع بذور القطونا بتعطيج نتيجة روعة.. استمري عليها و شوفي النتيجة.. خاصة انه هالمرحلة الشعر يحتاج زيوت عشان يتغذى و يتخلص من الجفاف و النشفان..

الخلطة الثانية بعد ممتازة.. اظن راح يكون لها نفس تأثير سيروم فروكتيز اللي استخدمه عقب الحمام.. بس لا تكثرين منها عشان لا يلبد الشعر..

بالنسبة للشامبو.. اهم نقطة هو الاختيار الصح للشامبو.. و على فكرة الشامبو اللي استخدمه نصحت فيه الاخت حور.. و هو بالفعل ممتاز لنوعية شعرنا.. انا صار لي استخدمه من اربع سنوات الحين.. و ما اظن اغيره ابدا.. اما الخوف من التلبيد فهو يكون من وجود الزيت في الشامبو.. و لذلك حطي باااااالج انا قلت ملعقة وحدة فقط من الزيت لا غيررررررر... و الباقي عسل و صفار بيضة.. و تحطينها في العلبة كااامل.. يعني من كل العلبة هالخلطة بتشكل لج الربع او اقل من الربع بكثير.. فخوفج ما له داعي.. و عموما ممكن تجربين في كمية بسيطة بس هم راح تحتاجين انج تقللين الكميات و شوفي.. لو ما عجبج خلاص لا تسوينها و لو عجبتج توكلي على الله و حطيها في العلبة كاامل...

بالنسبة لحمام الزيت.. للاسف انا اشتريت حمام زيت مغشوش :( و خرب لي شعري حتى مع الخلطة.. و قلت خليني احط الخلطة في البلسم و اشوف.. و حطيتها في العلبة كاملة (نفس فكرة الشامبو) و بصراحة طلعت الفكرة شيء.. و شعري صار ممتاز عليها.. و للحين ما بدلت حمام الزيت لكن باجيب اي نوع و احط الخلطة .. زيادة الخير خيرين :) و يفضل يا اختي ان اي خلطة تسوينها تخلطينها في العلبة كاااامل.. بجذيه تضمنين انه شعرج ما يلبد و لا يدهن.. و لو خايفة من انه الخلطات تخرب عليج حطي العلب في الثلاجة (هذا نصيحة الاخت حور الجنان للبنات)..

بالنسبة لسؤالج الاخير..

بصراحة انا ما قط جربت السدر في شعري.. فما اقدر افيدج.. جربت الموز بكذا خلطة خذيتها من المنتدى و حسيته نشف لي شعري.. و نصيحتي لج اختي و لكل الخوات.. ما له داعي نتعب الشعر بالف خلطة و خلطة.. و خاصة ان شعورنا تعاني من الجفاف.. خلينا على الزيوت قبل.. خلينا نغرق شعورنا زيوت و نعالجها عددل.. و نعتبر هالمرحلة هي المرحلة الاولى من العلاج.. و بعدين ننتقل للمرحلة الثانية و اللي هي مرحلة الخلطات المركبة و اللي تدخل فيها مواد غير الزيوت.. انا استعجلت و سويت نفسج اختي و اتبهدلت.. لما وقفت كل الخلطات و قعدت على الزيوت بس..شعري ارتاح و انا ارتحت كثيرررر ...

اتمنى اني قدرت اجاوب على كل استفساراتكم..

و لو فيه اي اسئلة غير يا بنات لا تستحون اسألوا ترى كلنا في الهم سوا :)

حبيبتي ما عرفت ايش البذور اللي تقولي عليها دي :06:

بعدين في شي متعبني يعني في امل اشوف شعري كانه مستشور :44:

اختي دكتورة المستقبل..

اسم البذور هو بذور قطونا و لها اسم ثاني و هو لسان الحمل..

سوي عنها بحث في المنتدى و راح تلاقين معلومات كثيرة..

و بالنسبة لسؤالج.. ايه في امل انج تشوفين شعرج كنه مسشور.. و الله اني ما ابالغ تونا راجعين من برى.. و فسخت الشيلة و فتحت شعري و رتبته.. و زوجي متجنن على شعري.. و قاعد يسألني معقولة مو مسشورة و لا شيء.. ما صدق الا لما وريته شعري من ورى و شاف الكيرلي اللي متخبي من تحت تحت خخخ.. و مع ذلك قال لي شعرج متغير واايد و صاير نعووم و حتى ملمسه حلو.. ما شاء الله لا قوة الا بالله..

بس ارجع و اقووول يا بنات.. هالله هالله في الاستمرار.. و هالله هالله في الزيوت في المرحلة الاولى.. لازم نقضي على الجفاف و بعدين نبدي بالخلطات المركبة.. بس خلونا على الزيوت لمدة لا تقل عن 8 اشهر الى سنة.. و صدقوني انا متأكدة انه شعورنا بتصير غيرررررر :)

مشكوووووووووووووووووووره

ياقلبي انتي والله ماقصرتي .. الله يعطيكي العافيه يارب
واعذريني باكثر اسئلة وبازعجك كل شوي
بما اني مرررة متحمسة لكلامك


وعلى فكرة امس بدات وزيت شعري مزبووط وقسمته 4 وجدلته عشان يتشرب الزيت صح
واليوم صحيت والحمدلله مرة رطب

لاني استخدم حبوب الروكتان للبشرة
وماتتخيلي شعري كيف جااااااااااف ب شكل يخوووف

بس سؤال صعنطووط
الشامبو انتي تحفظيه بالثلاجة ولا بالحمام الله يكرمك
وكمان البسلم وين تحفظيه؟؟ وايش هوا البلسم اللي استخدمتيه ؟؟

وزيت القرفة تتوقعي له دور بتنعيم الشعر؟؟ولا بذور القطونا هي الااساس؟؟
لان صراحة عندي زيوت لليل و من جد ماعد ابغ اشتري زيوت خلاص لين اخلص اللي عندي

,,
جزاكي الله الف خير يارب ,, و من قلبي والله ادعيلك يارب شعرك يصير حرييييييييير و غزييييييييير
زي ماانتي بتساعدينا نعدل شعورنا ونترك الفرد