هلا اختي فراولة بالشوكولاتة..

لا حبيبتي اسألي.. كلنا في الهم سوا و لازم نتساعد عشان نوصل لهدف المنشود..

بالنسبة لحبوب الفيتامينات انا اخذ حبوب هير فيت بنصيحة وحدة من الخوات هنا في المنتدى.. تقول يهجد الشعر و يرطبه.. و حتى قايلة "هذي الحبوب لوحدها جذيه عيل لو نزيت شعرنا و نهتم فيه كيف بيكون الشعر"...و النتيجة النهائية لهذي الحبوب تبين عدددل عقب ثلاثة اشهر من الاستخدام..

و انا ما صدقت على الله سمعت عن حبوب ترطب الشعر و تهجده.. عشان جذيه اوصيكم فيه و ان شاء الله عقب 3 شهور نخبر بعض بالنتيجة.. انا صار لي استخدمه من اسبوعين بس.. ما لاحظت شيء للحين على شعري و لو حصل اي تطور اكيد بخبركم.. بس ملاحظة تحسن كبير في بشرتي و ما اعرف اذا كانت بسبب هالفيتامينات او بسبب الالف الخلطة اللي استخدمهم لبشرتي :hahaha:
و على فكرة صاحبة الموضوع بعض ذكرت انه هالحبوب تكثف الرموش و تطولهم.. فقلت نضرب عشرة عصافير بحجر وااحد..:D

شوفي يا الغلا.. بالنسبة للشامبو و البلسم انا احتفظ فيها تكرمين في الحمام.. لاني اعيش في دولة اجنبية جوها على طووول بارد .. فما احتاج للثلاجة.. اما عن بلادنا الحارة فانصح ان الخلطات بما فيها الشامبو و البلسم ينحطون في الثلاجة لحد وقت الاستعمال..

البلسم اللي استخدمه هو نفسه فروكتيز من جارنييه و هو لوحده يهجد شعري و يلمعه و مع الخلطة صاير شعري احلى و انعم الحمدلله..

بالنسبة لزيت القرفة.. انا بعد قريت عنه في المنتدى.. و سمعت انه لوحده ينعم الشعر.. و بصراحة استخدمته مرة لوحده هو بس بمسحات على شعري الناشف عشان اختبر النتيجة.. و طلع بالفعل ينعم الشعر ووااايد.. و هم فيه شيء حلو انه ما يلبد الشعر ابددا.. لاني ظليت فيه ليوم ثاني و كان شعري مبين ناشف حلو لا مدهن و لا ملبد و الاهم ناعم و طايح كنه مسشور..بس ريحته تبط الراس و تحرق العين لو كثرتي منه.. ارجع و اقول لاااازم ينخلط مع زيت ثاني.. و انا اخترت زيت عافية لان البنات مدحوه ووايد.. فضربت عصفورين بحجر واحد و خلطت الزيتين مع بعض و بصراحة النتيجة روعة...

و مشكورة على الدعوة الحلوة و اشكر كل الخوات اللي مروا و علقوا على الموضوع..

ياااااااااااااااااارب تفيدني الخلطه

انا شعري جاف جاف جاف اخاف استخدمها وماتفيدني واتحطم

لوووووووووول يمكن لانك بدوله اجنبيه وجوكم حلو والماي حلو ساعد ان يتحسن شعرك

عالعموم مشكوورا

لا وويه اختي مس مي..

الماي اللي في الدولة اللي انا فيها صعب جدا و طبيعته كلسية.. و هو اللي ردى شعري.. جتني فترة كنت اغلي الماي اللي اغسل فيه شعري من كثر ما نشف و جف و نفش و صار كشة.. تصوري!!

انا ترى جربت وايد اشياء تمليس سشوار ماي مغلي و الف حيلة غير.. بس ما نفع مع شعري الا هالخلطات و هالجدول.. و ان شاء الله ما اقطعه ابدا ..

جزاك الله كل خير

تعرفي ايش مشكلتي اني وربي قمت اكره الاستحمام يختي كل مرة استحمى واطلع ما تكمل ساعه الا والاقي شعرات صغار طايرات فوق راسي وربي احسها قرون استشعار :06: وما يهجد الا لما اربطه وتعالي شوفي لما اجي امشطه هو شعري ناعم بطبيعته بس مجعد مرررررررررررررررة وجااااااااااااااااااااااف ومتبهدل استشوار وتلفان ومقصف <<< ضيفي العيوب اللي تحبي خدي راحتك
بس المصيبه مافيه حيويه يعني مثلا ما يتحرك يعني ثابت مكانه والله اعاني في كل خرجة و طلعه وكل صباح اروح جامعتي ، ومرات توصل معايا للبكى وربي من القهر :06:


طبعا تعرفي حوسه الدوام وقلتلك حوستي مع كل مرة استحمى لدرجه اني والله اروح الكليه مرات كتير لافه طرحتي بس عشان شعري << معاناة ،، فبسالك يعني هو كل يوم او يومين احط زيت وكدا طيب يعني ما اشيل همه لما اجي الصباح رايحه دوامي واتفشل زي كل مرة :(

ادري وربي طلعت روحك باسالتي بس ايش اعمل وحده متعقده موت