صباح \ مساء الخير
طبعا الموضوع ع قولتهم واضح من عنوانه ..
سبق نزلت وحده من العضوات موضوع طلب لجدول عنايتي وجتني طلبات بالخاص برضوا يبون الجدول مرتب كموضوع منفصل ..
وابشروا فديتكم انا بنزله بس طبعا احب انبه لازم العنايه الداخليه وانا سبق ونزلتها بررد في موضوع الاخت ريحانة الشتاء طلوا عليه لانه بينفعكم حتى لو ماكنتم تعتنون عنايه خارجيه .. وعن تجربه والله
http://forum.hawaaworld.com/showthread.php?t=44449...
الان انتقل للقسم الثاني اللي هي العنايه الخااارجيه ..
طبعا بقسمها
عنايه للوجه
عنايه للجسم
عنايه للركب والاكواع واليدين والقدمين
عنايه للمناطق الحساسه والاندر ارمز..
العناايه للوجه نبدا فيهاا ..
وارجع واكرر مو لازم تلتزمون بنفس المنتجات اللي بقولها لان 3\4 بالطلب .. يعني ممكن تحصلون بالصيدليات او السوق منتجات نفس نتيجتها ومتوفره بكل مكان
نبدا بسم الله عنايه يوميه للوجه
يلزمنا غسول وصابونه .. طبعا تخصصون صابونه للوجه والرقبه خاصه لهم ماتغسلون بها مكان اخر..
الغسول انا استخدم واحد لغسل المكياج واول مااصحى الصبااح اللي هو نيتروجيناا ديب كلين
والثاني بنص النهار استخدم غسول الحليب من بيوتي بوفيه
والصابوونه استخدمها قبل كريم وسيروم الليل المغذي .. اسمها بيور سوب جيلي
خلصنا من منظفات الوجه ..
نجي لكريم الليل المغذي والمرطب والواقي
كريم المرطب انا استخدم ليبوبيز غني عن التعريف
استخدمه بعد غسول نيتروجيناا واحط نتفه منه وادلك فيها وجهي يعجبني كثير لان فيه موتددهنيه مطابقه للجلد
حتى ادهن فيه شفايفي والهالات مايضرر ..
واحط بعده الوااقي وهو بايوديرماا SPF 50
اوزعه كويس وامسج بشرتي لين تمتصه ، وخلاص اقدر اتعرض للشمس وانا متطمنه..
نجي للعنايه الليليه اغسل وجهي بصابونه واجففها ثم امسح بتونر بايوديرما المفتح وايت اوبجكتف ميسلار ووتر
واحيانا استخدم هذا المنظف من نفس الشركه
طبعا انظف بواسطة قطن الوجه والرقبه من الامام والخلف واشوف الوسخ يطلع بالقطنه ماكاني مغسله بصابونه .. بس احساس نظافه وانتعاش بعد ماانظف بالقطنه لامثيل له ..
بعدها ارش ع وجهي ورقبتي من بخاخ المياه الحراريه يورياج
اتركه 3 د ثم امسح بالمنديل او منشفه نظيفه بعدها ابدا اوزع سيروم فيتامين سي من فير اند وايت ع رقبتي ووجهي نقط منه مااكثر حتى الهالات احط عليهاا ..
فيكم تستبدلونه باي سيروم اخر مو شرط هو متوفر عندكم اورنج دايلي وريكسول ..
بعدها اتركه 5 د ثم اوزع طبقه من هالكريم وايت مي اب
ع الوجه والرقبه والهالات اوزعه وادلك شوي ..
ثم لا انسى الهالات احط عليها طبقه من كريم الهالات من اوز ناتشورالز
بعدها اجلس 10 د اذ1 حسيت بشرتي جافه احط شوي من كريم ليبوبيز عشان يكون تغذيه وترطيب وتفتيح للوجه
بعدين اقفل الاضاءه وانام عشان فيتامين سي مايتاكسد
والصباح اذ1 صحيت من بكرا اغسله واتبع نفس خطوات اللي قلت اول
اغسل بغسول نيتروجينا ثم اجففه وامسح بمنظف بايوديرما بالقطنه ثم ارش بخاخ المياه الحراريه ثم احط كريم المرطب وبعده الواقي ..
هذي العنايه اليوميه كل يوم تسوونها
نجي للعنايه الاسبوعيه للوجه
تشمل تنظيف بالسنفره - وماسكاتنظامي هوو
مرتين بالاسبوع اسوي هالطريقه وهي كالتالي
سنفرة الشاي الاخضر من سانت ايفز وانا احب استخدمها احيانا بعد المكياج تنظف المكياج من قلب،
واستخدم هالمقشر بعد ممتاز للوجه والرقبه بالسكر الاسمر من سكين فود
بعدها اجفف وجهي واحط ماسك بيل اوف يعني الماسك اللي يتقشر لاجف وهو ماسك العنب من كوين هيلين
واتركه يجف مع تمادي مناطق الحواجب ومنابت الشعر .. ثم ايله القناع وانزعه من تحت لفوق
بعدها اغسل ماتبقى منه بمويا واحط ماسك الذهب من توني مولي
استخدم هالماسك مرتين بالاسبوع
وماسك التوماتوكس مرتين
اتركهم 45 د الى ساعه ثم بعده اغسل بمويا واجفف بمنشفه وارش مياه حراريه ثم اجفف بمنشفه نظيفه وارطب
انتبهوا بنات المنظف مانستخدمه بعد اي ماسك لانه يزيل فوائد الماسكات هاي معلومه اخذتها من صيدلانيه
اللي يبي ينظف بمزيل يستخددمه قبل الماسك مع انه ماله داعي لان الماسك يعطي نتيجه زي نتيجه التنظيف بالمزيل ..
طبعا الهالات لهم نصيب من العنايه استخدم لهم باتشز الكولاجين
هذي هي عناية الوجه والرقبه والاغراض اللي استخدمها عندكم بالصور ،
بقي عناية الجسم بنزلها باذن الله في الردود القادمه
لي عوده باذن الله
يعطيك الف عافيه على الموضوع ماقصرتي ياقلبي