مشكلتك قريبه من مشكلتي لكن حاولت اعدل نظرتي والله يعين

انا قوية شخصيه وزوجي ضعيف شخصيه وطيب وساذج اول ماتزوجت مااقتنعت ابدددا فيه
....يخدم اخواته المتزوجات بغير ضرورة يعني تتصل وحده فيهم تقول تعال ودنا للملاهي او السوق يوديها ...لكن اعطيته دروس قلت انت اول عزوبي لكن الحين متزوج عندك اسرة لازم تتحمل مسئوليتها
انت مسؤل عن زوجتك وعيالك وامك واخواتك اللي ماتزوجو اما المتزوجات عندهم ازواجهم ....والحمدلله صار يرفض لما اي وحده تتامر عليه ومن بعدها ماصاروا يطلبون منه ....
جسمه مااعجبني ابدددد حاولت اخليه يسجل بنادي يخفف وزنه او يقلل من اكله لكن لاحياة لمن تنادي :44::44: والمشكله صرت الحين دبدوبه مثله بعد ماكنت رشيقه :icon36:
المهم انك تمشين على الخطوات هذي حتى تعيشي حياة افضل
لاتقارنينه بغيره بل انظري لمن هو اقل منه كما قال الرسول صلى الله عليه وسلم (انظروا الى من هو دونكم ولاتنظروا لمن فوقكم ذلك ادنى الا تزدروا نعمة الله عليكم ) شوفي العصبيين عذاااااب : ابوي قوي شخصيه عصبي والله امي صابره عليه مسكينه دايم يهينها عند الناس ويحط الغلط عليها وهي كاتمه الغيظ ومن يوم يدخل البيت نتنافض خوف منه غصب علينا مع انه مايضرب لكن شخصيته قويه ومرعبه الله يخليه لنا وكنت ادعي قبل لاتزوج يارب ارزقني زوج مخفه اتحكم فيه خخخخ....اشوف الرجل الهادي احسن بكثير


ومسألة ان اهله مايحبونه هذي تعجب الحريم علشان تشكله مثل ماتبغى وتخليه خاتم باصبعها ويكون متعلق بك مايستغني عنك افضل من اللي متعلق بأهله مادرى عنك جيتي ولا رحتي



على ان زوجي ضعيف شخصيه الا ان اخواتي المتزوجات يقولون احمدي ربك زوجك طيب شوفي المعقدين اللي يمنعون حريمهم من حضور المناسبات والمشاغل والاسواق وحتى لو تتوظف مايرضى
وفيه اللي شخصيته قويه لكن يهينك عند اخواته او يضربك او او
مااحد كامل صدقيني مستحيل تلقين زوج كامل الا بالجنه لايغرك منظر الرجال الوسيمين تلقينهم معذبين حريمهم بالخيانه لانه غالبا الوسيم تركض الحريم وراه وهو ماصدق خبر ....
اهم شيء الصلاح والعافيه اذا كان زوجك يصلي ومحترم وقايم بحقوقك ومتعافي شايل نفسه وش تبين بعد ؟
احمدي ربك لايعاقبك بشيء يخليك تتمنينه
وشيء طبيعي بداية الزواج ماتحسين براحة لكن مع العشره راح تتآلفون باذن الله ويجيكم عيال نعومين زي ابوهم وتنسين هالنظره

زوجك ماله ذنب بحالته معروف اذا الام تكون قوية ومتحكمة لازم قسم من اولادها يطلعون ضعيفين شخصية هذا الشي واقع .. والعكس اذا الام معدومة الشخصية قسم من ابناءها يصيرون شرسين ومتسلطين ... حاولي تسندين زوجك وتعززين ثقتة بنفسه

بالنسبه لجسمه ونحفه هذي مهمتك زكيه بالاكلات السنعه

اما شخصيته وضعفه هو محتاج جرعة ثقه بالنفس

يعني جمل تحفيزيه وتشجيعيه منك صدقيني فتره ويصير ارجل الرجاجيل

اما علاقته باهله اكيد بتكون مضطربه ولا كان ماطلع ضعيف ومهزوز

انا اقول مشكلتك مو ذاك الزود وحرام تتطلقين وبعدين ماتضمنين من بيتاخذين بعده

اعذريني اختي على الرد
يقووووولون
القطو مايحب الا خناااقه
يعني لازم رجال يكسر راسنا وضلوعنا عشان نحس انه رجال
انتي بيدك كل شي وتقدري تاخذي راحتك معه وتشكليه بالاسلوب الي تبغينه انتي في نعمه ماتدرين عنها
لوجاك واحد يصحيك بصرخه وينيمه بمهانه كان عرفتي قيمته

الله يكون في عونك ويفرج همك