أول شي أنا مو متزوجة
بس فهمت موضوعك كله
لا تجلسين تقاااااارنين بين زوجك واخوانك
أو بين زوجك وأزواج صديقاتك
كل شخص أو رجل رجولته تختلف
وإذا انتي تفكرين بالطلاق فاسمحيلي طلاقك على شي سخيف
وش فيها اذا كان جسمه نحيف !!
وإذا كان منبوذ من اخوانه وخواته خلاااص راح تمشين في دربهم وتنبذينه بعد انتي !!!!
وهالأمور كلها كوووووم والكوم الثاني ليش ماعرفتي هالأشياء عنه قبقل الزواج بأي طريقة من الطرق
وليش ماعرفتي ان امه قوية شخصية
مثل هالأمور مو خلااااااص ينتهي الزواج وتسودّ الدنيا في عينك
من شاف مصيبة غيره هانت عليه مصيبته
وافتحي عالقسم بالذات والقسم الاجتماعي
واقري أغلب مشاكل المتزوجات
اللي زوجها يضربها واللي مايحترمها والخافي اعظم
فاحمدي ربك واشكريه مليون مرة على نعمة الزوج ودامه مايضرّك ومعيشك في نعيم وراحة هذي أكبر نعمة جات منه
الله يصلحك ويهديك

بصراحة انتي ماعطيتينا وصف كافي له ..!!
يبين لنا جوهر المشكلة فيه ....

أخذنا صورة واضحة عن نظرة اهله وخيبة أملك فيه لكن عنه اهو ماكتبتي شي كثير
توضح لنا الصورة بشكلها المضبوط

ياليت ترجعين تكتبين عنه اهو بشكل واضح ومفصل

وان كنتي سبق وجربتي تغيرين شي أو تتكلمين معه أو ردات فعله بشكل عام ،، طبعه ...!!!

بصراحة أحس أنه نعمة من الله ولاإنه قوي يكفخ فيك ليل نهار وبعدين يمكن أهله السبب في هز شخصيته وترى الشخص إّا عامله أهله بأنه طفل يصدق ذا الشيء وبالنسبة للميوعة هي شيء مو حلو بس أحسن من الخشونة .
حاولي تساعديه وانا من الأخت اللي قالت ممكن تقترحي عليه فكرة النادي ولعب الحديد .
حسيت من كلامك أن شخصيتك قوية وهذا يوازن المعادلة وماينفع الزوجين يكونوا أقوياء أواثنينكم ضعفاء .
جعلكم الله قرة أعين.

خذي بيد زوجك وكوني له خير ناصحة دام متعلق فيك بيسمع كلامك

وقولي الحمدلله انه يصلي كثير في هذا الزمن ما يصلي استغفر الله وكمان قولي الحمدللة مو مريض نفسي والا مدمن مخدرات

حاولي معاه دليه على الطريق الصح قولي خلك كذا لاتنقصي من قدرة امدحيه وان شاء الله ربي بيسهل لك

تعرفي ايش مشكلة المرأة لما تتزوج؟؟؟ همها الأول و الأخير انها تغير زوجها... و كأنه مفرش سرير مو عاجبها لو نها او نوعيتها تبغى تغيرها لمفرش جديد و على بالها السرير راح يصير مريح اكثر...

مع احترامي الشديد لك انتي انانية... خلقتي صورة معينة لزوجك و لما اكتشفتي انه ما ينطبق للصورة تبغي تغيريه... الزواج يا اختي مو "انا مو عاجبني زوجي و راح اغيره".. لكن" انا مو عاجبني زوجي لكن خليني اركز بالأشياء الكويسة فيه"...
زوجك عانى ولا زال يعاني من اهله و مجتمعه.. و انتي راح تزيدين معاناته... تخيلي انه منبوذ من الكل الكل ما يحترمه ولا يقدره و اكيد اهله حاولوا يغيرونه و علشان كذا هو صاير على قولتك ضعيف الشخصية... تخيلي انه معاك نفسه يلقى قبول و تقدير لإنسانيته قبل رجولته...
الزواج تضحيات و تعود... مو مشروع تحسين مظهر او شخصية... على كذا ايش الأشياء اللي موجودة فيك و هي مو عاجبته؟؟؟ مستحيل اي مخلوق يكون كامل... بس المهم القبول و الرضى... ياما حريم تزوجوا رجال مالهم قيمة و بفضل الله ثم حسن المعاملة و المشاركة ازواجهم صاروا اهم الشخصيات بالمجتمع...
اتعرفي على زوجك اكثر و ركزي على الجزء الحسن فيه نمي ثقته بنفسه و ابهريه بحبك و تقبلك له و ربنا راح يوفقك