جربت الطباعة عالجدران في بيتي (( صور))

السلام عليكم

بيت اعرض عليكم تجربتي في الطباعة عالجدران (( الطباعة بالاستنسل))

عندي قوس بالبيت كان شكله ممل ففكرت اني اغيره وطبعت حوله زهور ... استخدمت صبغ الجدران العادي (( البوية ))

استخدمت الاسفنجة العادية (( المستخدمة في غسل الصحون))



طبعا في اسفنجات خاصة للطباعة لكن انا استخدمت ماهو متوفر بالمنزل


واوراق الاستنسل ... طبعا حسب الشكل المراد طباعته



انا لونت جدارين واحد استخدمت له الاستنسل اللي بالصورة والثاني استخدمت له شكل ثاني بس للاسف ما صورته لاني قمت بالطباعة من زمان


هذا شكل القوس بعد الطباعة



وهذي صورة من زاورية ثانية




انا كنت احط اللون بصحن واغمس الاسفنجة... وعشان اتخلص من اللون الفائض اضغط بالاسفنجة على ورق الجرايد .... واهم شي هو تنظيف الاستنسل بعد كل عملية طبع عشان اللون ما يخرب الجدار


وهذا شكل النقشة من قريب



طبعا زي مهو واضح انا استخدمت لونين بالطباعة... كنت اغطي الاجزاء اللي ما ابيها من الاستنسل بورق واستخدم اللون اللي ابيه .... مصلا اغطي الاوراق لمن ابي اطبع الورود اللي بالوردي ولا خلصت اسوي العكس

وكان عندي جدار فاضي بالصالة ... نثرت عليه ورود كانها نازلة من فوق وطلع حلو

في هذا الجدار استخدمت الوان الاكريليك

في البداية طبعت الورود بدون الاوراق وكان هذا شكلها



وبعدين كملت باقي الشكل وطلع الشكل النهائي زي كذا



وهذي صورة ثانية يبين فيها الفرق بين الجدار الفاضي والجدار اللي به الطباعة





اتمنى اكون افدتكم

تحياتي

مرايا مبعثرة :)