الاسبوع الماضي جربت الكمون سف مع ماء بدون الليمون و الهدف كان بس مشان اريح بطني ولغازات تروح لكن لقيت النتيجه التانيه
اني ايش ما اكلت ما كان عم يزيد وزني ومع العلم انو الحاله النفسيه زفت .. وعم باكل كل ماهب ودب :42: اكيد مو نمل يعنيي يدب هنا وهناك
المهم اقولكم ايش اكلت .. بفطر شابوره مع شاي لحد فوق الشبع يجي 3 اكياس مع شاي كاسه كبيره و فيها 2 ملعقه سكر
كنت بشرب الكمون قبل او بعد الغدا وباكل رز او بروستد او ايا شي او رغيفين خبز او ايش مابدي
بلحقها بالبيبسي والشوكولاته
والعشا بشرب قبل او بعد العشا كمان كمون وكمان باكل
قبل يومين اكلت سيالات (( عجينة القطاييف مدهونه سمن مذوب مرشوش عليها سكر كتير مع قرفه )) اكلت كتير منها انا قلت اكيد اكيد كيلو بالقليل بس شربت كمون بعدها وطبعا متاكده كنت من الكيلو الزياده
سبحان الله وزني متل ماهوه ما اتحرك صرلي اسبوع عالى هالحال
هلاء بدي اجرب ابلش اخفف اكلي واشرب الكمون لنشوف بنحف ..
بس جد اشتغربت وانبسطت يعني انو وزني ما زاد ولا جرام وكرشي عادي متل ماهوه لانو اصلا يعني مافي كرش بس ترهل الولاده
اعطيكم الطريقه للي بدا تجرب والمقادير
الملعقه المستخدمه تبعت الحلويات مو الكبيره الصغيره والملعة الكبيره تبعت الاكل
باخد منها 2 مقدار ملعقتين يعني
بعبي الملعقه هيك تقريبا تلت ارباعها هيك تقريبا لازم يكون
اتفقنا انو مرتين
كمية الماء الي بشربو معها وراها 330 مل
عفكره لو حبيتي تزيدي مي مشان تقدري تبلعي ماعندك مشكله مو تروحي تتشردقي :icon28:
بالنسبه للريجيم ماني عامله ولا نوع ريجيم
بالنسبه لحبوب التنحيف ماعم باخد شي
بالنسبه للرياضه مابعمل رياضه بس الركض ورا خمس اشخاص :angry2:
بالنسبه لفصيلة دمي اووووو موجب
بالنسبه للحمل والولاده والتكيس ماني لا حامل ولا والده جديد ولا معي تكيس
معي قولون عصبي
عمري 26 :22: حاسه مالو لزمه بس ممكن يجي هيك سؤال
بالنسبه للناس الي مابيقدرو يسفوه سف
اغلي كمية الماء هي على النار وطفي وبعدين حطي كمية الكمون وغطيها 10 دقايق واشربيها قبل او بعد الوجبه مباشره
واي سؤال انا جاهزه