مرحبا اخواتي الكريمات
الله يسهل حمل كل عضوة
ويكتب لكل اخت تتمنى الحمل ..
ويسهل ولادة كل عضوة حــامل
احب احيكيكم قصتي واحساسيسي المختلفة
بكتب بكل شي حسيت فيه وتمنيته وكل فكره طرت فبالي
يعني بكوون صريحة كاني اكلم نفسي
خواتي انا عندي بنوته الله يحفظها لي
عمرها سنة و4 شهور ...
ادعولها الله يسمنها من غير شر لانها نحييفه جدا
والحمدلله تبارك الله ابوها يحبها بشكل جنوني
حتى اني احيانا اغار من دلعه لها
وحسيت انه زوجي يتمنى ولد وهو صرح لي بعد
بس رغبة عادية
المهــــــــــم
اني تمنيت .. اني انجب ولد بعدها لعدة اسباب :
1)عندي اخ واخت متزوجات وكل خلفتهم اولاد ماشاءالله تبارك الله وحسيت بغيرة(غبية
2) امي تدعي لي ليل نهار بالولد الصالح احس عندها معتقدات ان الولد عز ويعز امه
اما البنت لا ..خاصة لو الام عندها بس بنات احسها تكون منكسرة (هذا كله من تعليقات محيطنا)
بس اكيييييييييد فيه عوايل حبوبه ونفسياتها عسل وعاادي لو خلفتهم كلها بنات
3)نفسي احقق رغبة زوجي بذلك
4)احس بيطلع الولد يشبهني ياالبي فدييته خخخخخخخ سوري اندمجت
حلو يكون عندج بيبي يشبهك كليا ....لان بنتي فديتر وح رووحها كوبي من ابوها
5)عندي احساس لو جبت ولد زوجي بيدلعني اكثر وبيهديني هدايا احلى
مع انه ما قصر في ولادتي الاولى الحمدلله رب العالمين ماشاءالله تبارك الله ذهب وفلوس
بس سبحان الله طمع ابن ادم (انا من النوع اللي احب الهدايا هههههه خصوصا من زوجي كحال اي امراه)
المهم قلت لزوجي
اني قريت طريقة في منتديات حواء (هو يحترم هالمنتدى بشكل موطبيعي )
انه فيه طريقة لانجاب ولد بعد اذن الله تعالي...
وهي الحمية + الدوش المهبلي + الجماع ايام التبويض
ولمعرفة ايام التبويض لازم اراجع الدكتوره المهم من هالكلام
قال هل هي حلال يعني طريقة مش محرمة قلتله ايه..
قال بنجرب(من موافقته عالفكره حسيته جد يباني اجيب ولد )صح نسيت اقول انا من قبل ركبت لولب ونزلته بس عبد 5 شهور ما ناسبني..
المهم...
جربت الطريقة في احدى المرات استخدمت الدوش المهبلي مع اني حاسه انه استخدامي غلط
طبعا من غير حمية
دورتي تقريبا 30 يوم فاعتبرت اليوم 16 من الدورة يوم تبويض
وفي هذا اليوم مساء الساعة 6 طلعنا انا وزوجي للدكتورة
علشان تاكد لي ..
رحت حجزت دور عندها مشاالل:44:ه عندها زحمه فضيييييييعه
قلتها متى اجي قالت بعد ساعه ونصف
قلت يووه مدة طويلة خليني اروح المول مع زوجي
نغير جو
المهم رحت يا جماعة...
والله والله والله صار موقف دمعت عياني انا وزجي منه
وفهمنا انها رساله من ربنا
اني اروح هالمول تقريبا يوميا من سنتين
ما شفت اللي شفته..
في هذا اليوم واحنا ننتظر الاسانسير
وقف الانساسير كان جاي من دور اخر
نزلت منه خادمة تجر عربة شاب
والله الشاب لو اصفه عمره تقريب 17 او 18
عادة لا اركز الحمدلله ولكن ما استطعت ما اركز النظر
كان فيه شي يشدني
شاب جمييييل ماشاءالله تبارك الله
ابيض وملامحة حلوة
ولكنه والله على ما اقول شهيد
(معاق من الولادة مبين واللي واضح عنده تخلف عقلي
يداه ورجلاه حجمها اصغر من جسمه وراسه مستند على
الكرسي المتحرك
دمعت عياني لاني عادة احب هالفئة واحسهم ملائكة على الارض
من براءتهم
حتى زوجي تاثر .......
وكانه وصلتله نفس الرساله
وقال لي .. يلا بنشتري شي حلو حق بنتنا (لاني كنت حاطتها عند اهلي)
ونرجع البيت ما يحناج تبويض وهالخرابيط
اللي يجي من الله حياه الله
وردينا البيت
وايضا شي اخر المرات اللي جربت فيها الغسول(قبل التبويض)
حسيت باكتئااب شديييييد
واني اتشرط على ربي..سبحانك يالله
ذكرت قصتي كامله والله على ما اقول شهيد
ويمكن طريقة الخوات صحيحة وعلميــة(مابي هجوم هههه)
لكن ربي الذي يعلم من فوق سبع سماوات
الانسب لي ولزوجي
ولن ارفض هديته سبحانه
الف تحية