السلام عليكم يا احلى عالم
فتحت موضوع جرح الطفوله مو لتسليه انما فضفضه واستفاده عشان عيالنا مانكرر معاهم هاذي الاخطاء ابي كل وحده اذا عندها موضوع جرحها في محيط اسرتها واستمر الجرح معاها واثر في نفسيتها تذكره لنا والي ماعندها ياليت ترفع عشان نستفيد انا بذكر موقفي كنت في خامس ابتدائي واحب الكتابه وكنت شاطره في مادة التعبير وكان تعبيري مميز ومعلمتي جزاها الله خير كانت ترفع معنوياتي وتشجعني في الكتابه فحبيت الكتابه وسويت دفتر خاص فيني وجلدته واعتنيت فيه وبديت اكتب خواطر وجت اختي وكانت على وشك زواج وكنت كاتبه موضوع عن حزني لفراقها وقرأت الله يهديها الموضوع وورته لاخويه وجلسو يتريقون ويستهزون على كتابتي للموضوع ورجعو الدفتر وانا ما ادري ويوم كنا مجتمعين انا واهلي قام اخويه يستهزي بكتابتي ويضحكون كل اهلي وقمت انا ابكي واصيح واقولهم ليه تفتحون دفتري وكنت مره مقهوره من ضحكهم ورحت لدفتر الخواطر وقطعته وانا ابكي وبعدها اصبحت فااااااشله في الكتابه وكرهت شي اسمه تعبير وسار اسلوبي ركيك في الكتابه واثر علي حتى في دراستي والى الان اذكره واقول الله يسامحهم لو ما ضحكو علي كان تطور اسلوب كتابتي وتنمت موهبتي طبعا القصه هاذي لها ١٩سنه وما زالت ماثره علي والطفل ماينسى بسهوله وجرحه ثابت
اتمنى اني ماثقلت عليكم وياليت اللي عنده جرح من الطفوله تسرده لنا حتى نستفيد ومانكررها في عيالنا
HMFZ @hmfz
محررة
يلزم عليك تسجيل الدخول أولًا لكتابة تعليق.
HMFZ
•
:(طيب اللي يدخلون موضوعي وماعندهم موقف يكتبونه يحطون رفع وجزاكم الله خير
الصفحة الأخيرة