اه يازمن ذكرتوني بموقف مع معلمه كنت بأولى متوسط وكانوا الطالبات خارجات برى الفصل وكنت انا داخل الفصل بمكاني جالسه وجات الابله وقالت من كان برى ومااحد اعترف وهي تمسكني وتجرني من مريولي وانفتح سحاب المريول والحمد لله كان علي شلحه تحت يعني مابان جسمي وتهزئني لاني ماعلمت على صاحباتي وقلت مااعرف من طلع لاني كنت فعلا مااعرف من طلع وماني متذكره هي ضربتني اولا ماادري لكن موقفي قدام البنات صعب وكان فيه بنات برى من الصفوف الثانيه وفي الصرفه جات تستسمح مني وتقول صافي يالبن ومدري ايه وانا كنت اكره اشوفها قدامي ومرت السنوات ومررررت السنوات وشفتها وانا ماشاء الله بالجامعه جايه هي تقدم ماجستير وعرفتني بشكلي وانا عرفتها وسلمت عليها وسألتني عن اسمي وانا طبعا سامحتها لكن لما شفتها تذكرت الموقف هذا
وكمان كنت صغيره وسمراءشوي ومره حرمة خالي عصبت علي وقالت لي ياالسودانيه والله جرحتني وسبحان الله جابت عيال وبنات بعد هذا الموقف كلهم فيهم سمار وانا والله مادعيت عليها لكن سبحان الله
وكمان مره كنت بالمدرسه ووحده ضحكت بالطابور وجات الوكيله الله يسامحها وجرتني من شعري قدام الطوابير المدرسه كانت ابتدائي ومتوسط وثانوي يعني قمة الاحراج وانا كنت مؤدبه وهاديه وقالت انتي ضحكتي واعطتني كف ووقفتني جنب الجدار وكان عندنا ابله احبها والله جرحتني ماتوسطت لي ودخلتني وجات ابله ثانيه الله يرزقها ويذكرها بالخير وتوسطت لي وقالت اني مااستاهل هذا اللي صار لي الله يسعدها وهذي الوكيله كانت شديده مرررره وكان في نفس ذاك اليوم مسابقه للفصول ورشحوني ووصلت المرحله قبل الاخيره انا بالمتوسط وبنت ثانيه من الثانوي فسمعتها تقول هذي ماتستاهل وانا كنت الحمد لله مسالمه وطيبه وماعليه ماشاء الله وجابوا لي سؤال صعب وطلعوني وبفي الخاطر مواقف ثانيه لكن هذي تكفي

انا الحمدلله ما انجرح من الغريب ابدا بس القريب ا كيد بس صعبه انفضفض لان الايام دواره وهم كمان اعزاء الله يحفظ لي اهلي كلهم ولايفجعني فيهم الله يعين الجميع طيب وش رايكم نتذكر الايام الحلوه بس لان الحزن لاياتي بخير

عمتي الله يهديها كانت تضريني دايما كف على وجههي
عمي الله يهديه يحب يخنقني وانا اكل لما اشرق وتدمع عيني بعدين يفكني..
جدتي اذا عصبت علي انا واخواني تطردنا برة بيتها في الحوش حتى لو الساعه متأخرة في الليل ..((امي تكون والدة بالمستشفى))
عمتي الثانية دايما تستهزأ بصوتي لما انشد ورقصي لما ارقص..مع ان صوتي حلو بس نذاله..
النتيجه عشت حاله نفسية رهيبة بسبب الخوف ومستحيل انشد ولا ارقص اكرة الظلام ..لكن الحمدلله الحين احسن بكثير..
اذكر وحدة من بنات جارات امي كانت بسني وكنا صغار ورحت عندها العب معاها هي وخوانها وكان لهم عم اكبر منها بكم سنه ومدري ايش غلطت علية وقام شال سروالها الداخلي يبي يعاقبها انه بفشلها قدامنا ويخلينا نشوف عورتها..
البنت ذي بعد ماكبرت طبعا مانست الموقف..حاولت مرة تطعن عمها بالمقص لانه قام يعايرها باللي سواه ..بس جت سليمه والحين البنت تتعالج بالطب النفسي..
الزبدة ..اتقو الله في الاطفال..

جزاك الله خير
لااله الا انت سبحانك اني كنت من الظالمين
اللهم صل وسلم على سيدنا محمد
لاحول ولاقوة الا بالله العلي العظيم
سبحان الله وبحمده سبحان الله العظيم
دعواتكم ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا

رفع