جريشي غير مو غرور بس ثقة عمياء لأن تبون الصدق : اول شي تعلمته بحياتي الجريش
وغير كذا متـــأكــدة أنه بيعجبكم .. طــعــم + ريحــه + شكــل + لــون + سهل
حتى المبتدئة راح تضبطــة
حاسة اني بكسب دعاوي كثيرة .. خلي كل طرق الجريش وراك وخلي هذي طريقتك
اللي يعجبها موضوعــي ابي منها دعــوة صادقــة بظهر الغيب ان ربي يشفي أمي ويسخر لي زوجي ويرزقني الوظيفــة تكفون الدعاء في ظهر الغيب اولى بالأجابــه ,,
الحين بعد ماصجيتكم ولجيتكم هذا هـــو جريشــي ,,
المقــاديــر :
كاسين جريش
نص كاس رز مصري
ملح +كمون+كزبرة مطحونه+براس اصابعك ذرة هيل مطحون
بصــلــة مفرومــه
زيــت
نص أصبـع زبــده
حليــب أو لبــن (الحليب الذ)
ماء
قرن فلفل حار
الحشــو :
بصــل مفــروم
بهارات
صلصــة
زبــده +زيت
الطريــقــة بالصــور :
1- نغسل الجريش والرز المصري وننقعه مدة ساعه بمــاء بــارد (هذا سر الجريش لزم تنقعينه بموية باردة يعني ثلج )
2- نحمس البصل مع الزيت ونحط عليه الفلفل والكمون والملح والكزبرة والهيل طبعا مجرد نكهه يعني شووووي مررررة بهذا الشكل:
3- نحط عليه الجــريــش ونقلبه شوي .. ثــم نضيــف الماء حتى نغــطي الجريش ويرتــفــع 2 ســم بالشكــل :
نخليــه على عيــن متــوسطــة ليــن مايتشرب الجريــش المــويــة بــهذا الشكــل :
4- نشغل أصــغــر عين بالفرن ونحط عليها الشبك ونوطيــها لأدنــى شي ثم نضيف الحليب للجريــش ونضيف معـــاهـ مــاء ونكثر لأنه بيتشربــه ..
وبــعد مرور ساعة ونص أو ساعتين نشيك عليــه اذا حسيتيته ناشــف زيدي مـــويــة وناخذ أصبــع الزبــدة ونغمســه بوسط القدر بدون تحريك (بدوووووون تحريك)
بــهــذا الشكــل :
نخليــه عـ النار مدة 4 ساعات وان كان كثير طبعا على حسب عدد افراد الأســرة نخليه 5 ساعات ..بعديــن نحركــة ولاننسى نشيل الفلفل قبل التحريك على جنب.. بعض الناس يحركونه ويضيفون ملح الليمون انا بصراحــة ماحبيت اضيفــه
بهذي الأثنــاء نسوي الحشوة أو الكشنــة :
نحمس البصل مع الزبدة وقطرات زيت عشان لاتحترق واذا بدا يذبل نصيف البهارات والصلصــة وتطلع بــهذا الشكــل :
وهــذا الشكــل النــهــائــي :
يمي يمي يمي
بالعافيـــة عليكــم .. لاتنسون ادعوا لي بظهر الغيب
بس ياليت توضحين اكثر وش نوع جريشك
لاني احترت بين التركي والسعودي
القطري جربته وما اعجبني