جريمة قاعدين نرتكبها فحق عيالنا و أزواجنا
السلام عليكم خواتي اخباركم ؟
مادري ها الموضوع انطرح من قبل ولا لا بس اللي شفته خلاني اتنرفز وقلت لازم انبه خواتي
دايما لما اروح الجمعيات اشوف هذيج الحرمة و جدامها عربانة التسوق مليانة على الاخر وكله حلويات وشيس و ايس كريم وها الخرابيط و وراها عيالها والله مو قادرين يشيلون عمارهم من سمنتهم الزايدة الله يعافينا والله حرااااااااااام .. خاطري اروح عندها واسحب عنها العربانة واضربها بشنطتي هههههههههبس صدق ياامهااااات حراام ترا عيالكم وازواجكم امانة فرقبتكم
الاطفال ماينلامون اذا هم متعودين على اكل الوجبات السريعة و الحلويات و ها الخرابيط كل يوم بموافقة الامو اوزانهم تزيد وتزيد لين الولد عمره 8 سنوات وزنه 3 مرات فوق الطبيعي واللي فيه سكر مو حرااام ؟؟ عيل لما يكبر شو بيصير فيه و المشكلة ان " بعض " الامهات مو منتبهات لخطر ها الشي و تقول بسم الله على ولدي نفسه مفتوحه .. غلط جيه واللهالعظيم ترا ها الاكل كله مابيطلع منه جيه كله بيروح للدم ويمشي فالجسم ويسبب امراااض مالها اول ولا تالي الله يعافينا . حتى الرسول صلى الله عليه وسلم قال المعدة بيت الداء يعني اذا اكلنا مو صحي كل شي فينا بيتاثر وانا اعتقد هاي مسؤولية الام بدرجة اولى واحنا محاسبين عليها لان اجسامنا امانة من عند الله سبحانه وتعالى
احنا فبيتنا الحمد الله من احنا صغار امي الله يحفظها معودتنا على الاكل الصحي واحنا صغار طبعا كنا نعاند بس هي كانت تغصبنا و الحين كبرنا تعودنا و اجسامنا وبشرتنا ماشالله ماتشتكي من شي حتى بعد ما تزوجت الكل يسالني شو السر فرشاقتي و بشرتي .. والله خوات زوجي كانو يقولون لي اني اجوع عمري وما اكل بس بعدين شافوا اني اكل كل شي بس صحي
المهم انا كتبت ها الموضوع هني لان اشوف اغلب الحريم اهتمامهم كيف اكسب زوجي و ام زوجي سوت و عيالي شياطين وناسيين اكبر مسؤولية فايدنا و هي صحة عيالنا وازوجنا
و لا تقولون الاكل الصحي مو حلو بالعكس انااشوفه وايد اطعم
والوحدة تبدى شوي شوي تغير لين مايتعودون اهلها يعني مثلا الرز ماله داعي كل يوم .. معروف الشعوب الخليجية والعراقيةوالهندية فيهم كرشة حتى لو كانوا ضعاف ليييش ؟؟؟ عشان الرز لازم كل يوم
نوعي فالاكل يعني سوي دجاج و بطاط مشوي ولاصينية دجاج وخضار قسم المطبخ مليان وصفات حلوة و لازم السلطة قبل الاكل عودي عيالج ياكلون خضروات سوي شوربات عشان الخضروات ما تكون واضحة حق اللي عيالها دلوعين وايد
زيني الاكل عشان تجذبينهم ... بدل الزيت العادي استخدمي زيت الزيتون واااااايد مفيد حتى انتي بشرتج بتتحسن و وزنج بينقص وبيتعدل جسمج و بتتنشطين .. شوفوا الشاميات و بلاد المغرب العربي كيف اجسامهم تراكله من اكلهم
المايونيز ها اساس كل الامراض على طول الدهن اللي فيه يتجمع فاوعيتنا وعلى اعضاءنا اكبر خطر قللوا منه
شجعي عيالج يشربون مااااي وايد عطي كل واحدغرشة حلوة و عوديهم يشربون كل شوي و قللي من الحلويات خاصة بعد المغرب وايد حريم يشتكون واللي تقول ولدي مايرقد وولدي شيطان وبنتي جنية .. ترا الحلويات تخليهم جيه نشيطين ها السكريات ترا طاقة
عوديهم قبل ما ينامون يشربون كاس حليب دافي يساعدهم على النوم و يقوي عظامهم و نموهم
و الاكل من برا خليه مرة فالاسبوع و قللي من المقالي و بدليها بالمشوي والله طعمها وايد الذ " اللي ماتعرف وصفات تقولي برسلها "
وفي نقطة بعد اللي هي الحركة " في الحركة بركة" اولاد ها الايام مايتحركون على ايامنا كنا نطلع نلعب برا ونتنقز نفس القرود هههههه الحين كل ولد مجابل التلفزيون ولا العاب الفيديو... دماااااااار
شجعوا عيالكم على الرياضة سجلوهم فنوادي كاراتيه ولا سباحه اشغلو وقتهم باشيا مفيدة وفنفس الوقت تخليهم كلهم صحة واللي ميزانيتها ما تسمح عادي خلي ابو العيال يطلعكم البحر ولا حدايق وتمشوا والعبوا واركضوا .. منها تتقربون من عيالكم و تشغلونهم يشي مفيد و بعد عشان صحتهم ونشاطهم... حتى تركيزهم فالدراسة بيتحسن
بليييييييييز كل الامهات ماعليكم امر انتبهوالها الشي هاي مسؤولية كبييييرة فايدكم بتنسالون عنها ياريت نثقف عمارنا و نغيرعادتنا السيئة والغير صحية ... و رسولنا عليه الصلاة والسلام اكبر قدوة لنا
لا تقولون صعبة اغير زوجي ولا عيالي دلوعين... انا اهل زوجي الله يحفظهم كلهم فيهم سمنة زاااايدة من الصغير للكبير وفيهم السكري والقلب و الكلية " الله يعافي المسلمين والمسلمات " انا كنت استغرب ليش بس لما شفت كيف ياكلون بطل العجب ... واااايد مقالي حتى البيض يقلونه نفس البطاط و وايد شوكولاته وحلويات ... الحمد الله مع الوقت قدرت اغير زوجي وخواته وشوي امه خخخخخ كانوا يضحكون علي فالبداية بس بعدين شافوا كيف جسمي و صحتي ماشالله تبارك الله قاموا يقلدوني الحمد الله
يالله خواتي كل وحدة تكتب كل العادات السيئةو تحاول تستبدلها بشي افيد عشان تعيشون حياة صحية خالية من الامراض و الكسل وبالبلاوي ان شا الله واللي ماتعرف توي بحث ولا ماتتردد تسالني
والسموحة اذا طولت عليكم بس انا اعتقد انالاكل الصحي اساس كل شي
ادعولي الله يرزقني الولد الصالح
25
3K
يلزم عليك تسجيل الدخول أولًا لكتابة تعليق.
تألمت حتى تخدرت
•
من العادات السيئه الكبسه ناكلها كثير .....والخبز الابيض .....نفسي في جدول اكل صحي من الفطور وغداء وعشاء وامشي عليه ..............موضوعك مره حلو
ليلياAR
•
موضوعك راااااااائع وانا لي فتره الحمدلله ماشتري شوكلاتات كانوا عيالي ادمان عليها الين واحد جاه انيميا والثانيه عمرها 6 اللي يشوفها يحس عمرها 3
الماطرة
•
صادقه هذا اللي اشوفه في المتجر وانا مااحب اجيب هذي الاشياء بس ماامنعها بشكل نهائي ارسلهم من السوبر وياكلوها بوقتها ومستحيل اجيب بالكميه واحطها قدام عيونهم ........... لكن بنتي في المدرسه تقدر تاخذ بشكل يومي وهذا اللي يوترني احنا نعلم ونفهم والمدرسه توفر لهم الاشياء المضره .................
موفقه
موفقه
الصفحة الأخيرة