(جسمك بيتغير للشكل اللي تتمنيه) 2

بسم الله الرحمن الرحيم
كيف حالكم يا ايجابيات ؟ أتمنى ان كلكم بافضل حال ..
فاكرين الموضوع السابق اللي قلتلكم انه مقدمة لمواضيعي الجاية ؟
اليوم اضع بين يدكم موضوعي الثاني اللي بتكلم فيه عن اساس نجاح اي شخص باي حاجة حاب يحققها .
وعشان احنا هدفنا الحصول على الجسم المثالي لازم نبدأ من الصفر لين نحقق هدفنا ..
قبل كل شي ابغى كل وحدة فتحت الموضوع وهي مو رايقة تقفله وترجع تقراه بعدين
ابغى اللي تقراه تكون رايقة قدامها مشروبها المفضل وجمبها ورقة وقلم تسجل فيه المعلومات المهمة .

اساس كل نجاح بالعمل هو الاصرار والعزيمة . كيف اخلي عندي اصرار وعزيمة او كيف اقويهم ؟
هذا يرجع لثقتك بنفسك ، متى ماكانت ثقتك قوية استمدت منها ارادتك و عزيمتك .
الاصرار و العزيمة هم الاساس اللي بنبدأ في مشوارنا الطويل اللي بنستمد منه قوتنا عشان نكمل .
بدايتاً .. شوفي! خليها قاعدة بحياتك أي شي تبغيه بتحصلي عليه لو حطيتيه في بالك .. مافي شي اسمه مستحيل !
خليك مؤمنة بقدراتك وواثقة من نفسك .. لا تستسلمي لليأس والإحباط ! دائماً قولي : أنا اقدر! أنا أفضل ! أنا اقوى !
لا عمرك تقللي من قيمة نفسك .
كثير منكم ثقتها بنفسها شبه معدومة، دايماً سؤالها ، كيف اصير واثقة من نفسي؟
ثقتك بنفسك أنتي اللي تبنينها محد غيرك يصنعها .. لاتقولي لنفسك خلاص انا ما عندي ثقة وتوقفي هنا ، لا!!
ابدأي ببناء ثقتك والاهتمام فيها زي ما تهتمي بشكل جسمك و شعرك و وجهك .
لازم تهتمي بشكلك الداخلي اللي هو شخصيتك اللي مايقويها غير ثقتك .
كيف ابني ثقتي بنفسي؟ ابنيها زي كأنك تتعاملي مع طفل صغير ، لو سوى حاجة كويسة تصفقيله ، لو غلط توبخيه ، لو فشل تشجعيه .. لو شفتيه زعلان تدلعيه .
لا تضحكي ! حبي نفسك واسمعيها وعلميها وشجعيها وقويها ..
حبك لنفسك بيبني ثقتك وبيعكس هالثقة على شكلك الخارجي .
طيب.. أنا ابغى انحف او انا ابغى أسمن ، كيف اساعد نفسي؟ كيف استمر بدون طفش؟ كيف اشجع نفسي وابدأ !
- اولا قبل كل شي التوكل على الله والايمان بان ربي معاي وبيساعدني على تحقيق اللي ابغاه.
- اطبعي صورة شخصية ذات قوام ممشوق وجسم رشيق ومشدود والصقيها باكثر مكان تطيح عينك عليه زي مرايتك ، مكتبك لو كنتي طالبة، مطبخك ، اللي يكون .. كذا كل ما طالعتي الصورة بتتذكري هدفك وبيزيد حماسك و بتقوى عزيمتك .
- اكتبي عبارات مشجعة لنفسك وعلقيها قدامك ( انا بصير رشيقة ، جسمي جميل انا جداً جميلة ، انا واثقة بنفسي وبحقق اللي ابغاه ، سهل جداً حصولي على ما اريد ) هههههههه اشوف بنات تضحك وتطالع الشاشة بنص عين ! لا تضحكي .. هالطريقة من اكثر الطرق المعتمدة للتحكم بالعقل الباطني اللي هو العقل المتحكم فينا المصدر للاوامر لكافة اعضائنا و عندي كتب كثيرة عن التحكم بالعقل الباطني مهما اشتريت كتب عن هالموضوع تظل هذي هي الطريقة المتفق عليها الجميع للتحكم بعقلنا عشان يساعدنا لتحقيق هدفنا .
- لا تخلي عبارات الناس السلبية تأثر فيك ، أوووه قلتيلي بتسوين رياضة و تاكلين اكل صحي وتنحفين ؟ ياما قلتيها قبل مانشوفك الا تنتفخين اقول ريحي نفسك بس مو متغير فيك شي ولا ياحليلك بتسمنين بالرياضة ؟ من جدك بتسمنين بالاكل الصحي ؟ كل خلطات الدنيا ما نفعت فيك الرياضة بتزيد وزنك ؟ ناقصك انتي تختفين ناقصك؟

ابداً ابدا لا تخلي هالعبارات تحبطك و تخليك توقفين بالعكس خليه لصالحك خليه حافز لك وتحدي لنفسك قولي لنفسك بنحف بوريهم كيف بتغير ، بكرة اذا صار جسمي مثالي زي ما انا ابغاه و زي ما انا اتمنى انا اللي بضحك عليهم وبذكرهم بكلامهم !
لا تخلين شي يأثر فيك ابداً لا تخلي احد يتحكم بنفسيتك .. خليك انتي الشخص الوحيد المتحكم بنفسك .
حتى جسمك لا تغيرينه عشان الناس و لا عشان زوجك غيريه عشان نفسك وصحتك!
عشان شكلك .. عشان لما تلبسين و توقفين قدام المراية تنظري لنفسك بنظرة فخر و تطبعي بوسة ع المراية
بدل ما تعطيها نظرة البؤس!
غيري كل شي عشان نفسك وسعادتك مو عشان احد .
- نظمي وقتك ، نظمي نومك ، حطي لكل شي تبغي تسوينه جدول وخطة لا تمشين على البركة هذي اول خطوات الاهمال ، لكن لو نظمتي و رتبتي خطواتك وعلقتيها قدامك كذا بتستمرين .
- اقرأي اقرأي اقرأي.. ثقافتك اقوى نقاط قوة شخصيتك .. روحي يوم مكتبة جرير او العبيكان وتجولي بقسم الكتب الا ما تنجذبين لموضوع كتاب امسكيه واقري اسم الكاتب و اقلبيه على ورا بتلقين نص من الكتاب اقريه لو عجبك خوذي الكتاب . اغلى كتاب ب 80 ريال واحنا هالثمانين نضيعها على شبس و عصير او كفر جوال ليش مانحطها لشي ينفعنا ؟ وشخصياً انصح بكتب كاتبي المفضل الدكتور / ابراهيم الفقي رحمة الله عليه .. جداً جداً مفيدة ومطورة للذات .

اخيراً ..
( جسمك بيتغير للشكل اللي تتمنيه ) مو موضوع واحد كتبته عشان تقرونه وتكتبوا لي ردود و توقفوا ! لاء
هو عبارة عن سلسلة مواضيع مرتبطة ببعضها .. كل موضوع بتكلم فيه عن شي معين يساعدك بمشوارك الصحي ، ماحبيت أكتب كل شي بموضوع واحد عشان لا تكون المعلومات مختصرة ولا تستفيدون منها او يكون طويل وتملون منه ! انا من جد حابة اساعدكم بكون معاكم خطوة بخطوة تشجعوني و اشجعكم واجاوب عن استفساراتكمو اسألتكم .. كل وحدة بتكون متابعة معاي بتحقق هدفها بأذن الله .

انتظوا الموضوع الجاي اللي بتكلم فيه عن الغذاء الصحي و بصحح معلوماتكم عن مفهوم الغذاء الصحي اللي اغلبكم يعتبره حرمان . واي وحدة عندها استفسار او سؤال حابة اجاوب عليه تكتبه عشان اضيف اجوبة استفساراتكم للمواضيع الجاية .