هذا كلام الكاتبه ( غلا مطير ) بعد نهاية القصه
*******************************
***جرحها كايد***
قد ارتاد الى عقولكم انها قصة خياليه لان السيناريو بها لعب دوره ... ولكنها واقعيه وانا شخصيا من بين اصدقاء هؤلاء الشخصيات ...فشخصيتي في هذه القصه كانت مجهولة الهويه...
***جرحها كايد***
قصة جمعت فيني كل احاسيس الحب من عذابه وحلاوته ...قصة قد تعايشت مع احدى شخصياتها ...قصة قد حملت بين سطورها قساوة الزمن ... ولوعة الفراق ... وقد حملت جروح نزفت وقتا طويلا ...وعلى رغم هذا قد حملت اجمل حب على ارض الواقع ... فالحب كما اتصوره كلمة تمثل مسافة عاطفيه بعيدة المدى ... عميقة المعنى ...
من كل قلبي ... اتمنى لكم ياشخصيات قصتي حياة كل طريق يقود بها الى السعاده ...
همسه الى بطلة المعاناة ... الام ... الحبيبه... الزوجه... الصديقه....* نوره*
( اذا بلغتي من السعادة اقصاها ... فتذكري من كان لكِ دوما يتمناها)
واعلمي ان الحياة محطات لدموع اجمل مافيها لحظة اللقاء واتعس مافيها لحظة الفراق فدعي الامل بأن نلتقي مرة ثانيه ...
((( ادري انج اذا قريتي هالقصة بتستغربين وتتسألين منو اللي كاتب قصتج ... وهم ادري انج ماراح تعرفيني منو انا ؟ لان كم لنا واحنا مفترقين وماندري عن اخبار بعضنا...انا في ديرة وانتي في ديره...انا كتبت هالقصة لعل وعسى تقرينها او تقراها النايفه وتقولج عليها وانا متأكده انكن ماراح تذكرني الا اذا قلت هالمثل
( كلٍ على خليله يطرقي حتى الشبث والعقربي ) ها عرفتوني؟
يا سحابات اشتياقي امطري براحة يديها
واكتبي لها اني دايم افقدها واوله عليها
... و في نهاية قصتي احب اقدم باقة من الورد معطرة بالشكر الجزيل الى كل من ساهم معي في اظهارها في المستوى المطلوب... من تشجيعات اختي الحنونه لا حرمني الله منها واخوي الغالي لاعدمت وجوده والى كل عضو تابع وياي القصه...
• وآسفه على الاطاله وانتظروني بقصة يديده من وحي خيالي راح يكون اسلوبي فيها مختلف عن قصتي هاي ... وهم راح تكون فكرتها غريبه >>>> تدور في بالي الحين
والى ان القاكم,,,
دمتمـــ سالميــــــــــــــــــن
سيــــدة الجــــــــــــ غلا مطير ـــــــــــرح
****
ان شاء الله تسامحوني بنات ع الطواله :$
اختكم ::
عاشقة دار الصباح
اخيرااااااااااااااااااااااا
ثااااااانكس عاااشقه بس سؤال ؟؟؟؟؟؟
انت مااكملتي يعني كاايد طلع من المستشفى وساافر لامريكااا
على العموووم القصه روعه تجنن نزلت دموعي
صدق جرحهاا كايــــــــــــــــــــــــــــــــد
ثااااااانكس عاااشقه بس سؤال ؟؟؟؟؟؟
انت مااكملتي يعني كاايد طلع من المستشفى وساافر لامريكااا
على العموووم القصه روعه تجنن نزلت دموعي
صدق جرحهاا كايــــــــــــــــــــــــــــــــد
الصفحة الأخيرة
سوري بنات اعذروني ع التأخير
هاذي بقيه القصه
في بيت ابو عبد العزيز:
مالك كان زاير اخته اميرة ... ويلس وياها مع عبدالعزيز وسوالف لحد مااستئذن من عندهم عبدالعزيز لان عنده شغل.
مالك واللي استانس يوم طلع عبدالعزيز عنهم وطالع اميرة بعصبيه/ اميروه انتي قلتيلي قبل لا تعرسين انج
بتقنعين امي اتزوج غيوض صح والا لا؟ ( ويصر على اسنانه)
اميره وهي تاكل البيتيفور وبكل برود / صح
مالك وهو يصر على اسنانه بقهر / انزين ليش ماكلمتيها يالنذاله؟
اميره وببرود /هههههههه نذله مرة وحده ( وطالعت اخوها وحست بعصبيته )/ خلاص ولا يهمك بكلمها اليوم
مالك وبااندفاع استفهامي / متى؟
اميره / خلاص اليوم بروح لها واكلمها
*********************
بعد مرور اسبوع
في بيت ام غالي
في الصاله( شوق وغزل) يالسات يتابعن بالتلفزيون مسلسل مكسيكي
غزل وهي تصيح بشهقه قويه / فيرناندو ماااااااااااااااااات
شوق اللي ماسكه نفسها عن تصيح / أي مسكين والله
غزل ودموعها على خدها / قاهرني الحيوان اللي قتله... مايستاهل فيرناندو واااااايد طيوب لا وبعد حلو
شوق وبلهجة مراهقه / أي والله كان وااااايد حلو
وفجأة يرن جوال شوق
غزل وهي تصيح / منو؟
شوق واللي سوت للمتصل بيزي / مايخصج
غزل تجاهلت شوق واسترسلت بالصياح على اليخاندرو
قامت شوق لفرقتها والحزن خانقها من مات اليخاندروا واللي زاد الطين بله يوم اتصل رعد ... دخلت
غرفتها وهي تشيل بقلبها حب رعد اللي حبته من ايام الطفوله واللي تمنته فارس احلامها وزوجها ويوم
صار كل اللي تمنته خذلها بخيانته
• رد رعد واتصل فيها مرة ثانيه ... وشوق ردت عليه ومن غير نفس / نعم
رعد / السلام عليكم
شوق وبعصبيه / وعليكم السلام ... شعندك متصل
رعد وهو يتجاهل عصبية شوق ورد ببرود / ماعندي شي بس حبيت اسلم
شوق / توك تذكر ان عندك خطيبه ... وينك كل هالفتره
رعد ويحاول يبرر / والله حبيبتي كنت مشغول
شوق وجنها تطنز / بشنو مشغول؟ قولي شنو هالشغل هذا اللي مشغلك؟
رعد وبكل برود / مشاغل الدنيا
شوق واللي صرخت باذن رعد بعصبيه / رعد انا موب ياهل عندك تسكتني بكلمة مشغول ... شوف رعد انا عارفه انك مشغول بمغازل البنات وعا..........
قطعها رعد وهو يصرخ بصوت حاد عصبي / اهوووووووووووووه علينا ... شوق احنا تكلمنا بالسالفه هذي
ملايين وقلت لج جذيه انا حياتي جذيه انا متعود... خلاص يعني تملجت بتربطيني ... حطي في بالج ...ان انتي
الغاليه واللي اكلمهم كلهم بس حق الوناسه وارجوج مااابي كلام ثاني بالموضوع هذا وبعدين الكل يعرف اني اكلم
بنات وانتي كنتي تعرفين قبل لا اخطبج واتملج عليج ... ليش وافقتي علي من البدايه ورضيتي دام مو عايبتج حركاتي
شوق وبصوت مخنوق يأس / ظنيت انك اول ماتملج علي بتترك كل هاللعب ماتوقعت انك بتم تغازل ولاجنك تملجت
رعد وبحده / شوفي شوق انا مااقدر اغير شي بحياتي واني اكلم بنات احس هذا صار شي بحياتي وصعب الغيه
شوق وبخيبة امل / انزين رعد دامنا احنا بااول الطريج ...خلاص( وتبلع عبرتها ) خلاص دامك مو قادر تغير هذا الشي انا بعد مااقدر اكيف حياتي وياك ...خلني رعد.....
رعد وببرود ( وماجنه قبل اشوي معصب)/ شنو ... شنو اخليج؟
شوق وبعد تردد / خلنا ننفصل دامنا للحين على البر
رعد ورفع حياته متعجب / شنو؟
شوق وهي تخنق البجي / اللي سمعت
رعد وبكل برود / واهلنا
شوق وهي تصر على اسنانها / ماعلينا من اهلنا
رعد وبنفس البرود/ على راحتج
(شوق انقهرت من برود رعد وقهرها اكثر يوم قال على راحتج ...توقعت انه بيتمسك فيها لكن للاسف خيب
ظنها ... حست ذيج اللحظه انها خلاااااااص انتهت ... الحبيب ...خطيبها : يقول جذيه آآآآآآآآآه) وصار وياها
خط ثاني
شوق وهي تحاول انها ماتبين لرعد شي عن حسرتها وحزنها / O,k رعد في امان الله مع خط ثاني
رعد وبااستفهام / منو؟
شوق وهي تصر على اسنانها بكل عصبيه / خويي ...باي ( وبندت الخط)
رعد انقهر من اسلوب شوق ويلس يفكر : لاتكون هذي صاجه ... لا ...لا اكيد قالت جذيه تبي تحرني ...
بس صج يمكن خويها صج عيل ليش قالت خلنا ننفصل
• اما شوق فهي ردت على شمس اللي كانت تتصل فيها وقالت لها كل شي
شمس / ليش قلتي جذيه؟
شوق وبحزن / شنو؟
شمس وبعصبيه / شنو بعد ... ليش قلتي له اللي يتصل فيج خويج
شوق وبحده العصبيه / قهرني عيل اقوله خلنا ننفصل يرد علي بكل برود ويقول على راحتج
شمس / وشنو تبينه يقولج
شوق وبعصبيه / ابيه يتمسك فيني
شمس واللي امبين انها انشغلت / اوكيه شوق اكلمج بعدين انا الحين مشغوله باي
شوق وبحزن / باي ( قالتها وجن كل الامور تساوت عندها)
بندن الخط ... وشوق رمت بنفسها على سريرها وهي تجتم هموم داخلها ... تجتم هم رعد اللي مو قادر يخلي
حركاته الصبيانيه وحركات المراهقه ... وجن شوق مو ماليه عينه يكلم غيرها ...آآآآآآه
************************
قدرت اميرة انها تقنع امها تغض النظر عن لولوه بنت خالتها لان مالك مايبيها ... وبحركه سريعه تقدم مالك
لغيوض للمرة الثانيه ووافقت
************************
بعد مرور 7 شهور على سفر كايد و9 شهور على زواج نوره ...
رعد ماعاد اتصل على شوق من بعد ماطلبت منه الطلاق ولا هو اللي انصاع لطلبها وطلقها ولا اعتذر منها
...تركها جذيه معلقه ...اما كايد ماكان يتصل كثير من سافر اتصل مرتين وبس ويوم كان يتصل ماكان يطول
كان يسلم وعلى طول يسكر ...
اما نوره فهي كل يوم عن الاخر تزيد جرعات عذابها اللي تتجرعها من جاسم الزوج الجبار المتعاطي ...
وللحين ماشكت لاحد حالها ماكانت تشكي حالها الا لعالم الاسرار العزيز المجيد الرحمن الرحيم ( الله سبحانه)
• اسدل الليل ظلامه وارخت نوره جفونها لتنعم بنوم هادئ قبل مايي جاسم من سهرته ويدخل عليها وهو متعاطي او سكران وتاكل منه كالعاده ضرب من غير سبب ...
على الساعه 3 بالليل
دخل جاسم البيت وكان مظلم بطل الليت وهو يتمايل بمشيته وكالعاده يتمتم بكلام مو مفهوم ...دخل غرفته وهو
مازال يتمتم بالكلام ... وكانت نوره نايمه مسترخيه على السرير وتغط في سبات عميق...على هاللحظه هذي
كانت نوره تتحلم وتنادي بشوق كبييييييير / كايد ...كايد ...كايد ( ومن سوء الحظ كان صوتها طالع على الواقع)
بطل جاسم ليت الغرفه ... ووعى نوره بصوته الرعدي الثجيل وهو يهزها بقوه / نــــــــوروه يالخاينه
بطلت نوره عيونها بخوف وفزع وبصوتها المرتجف خوف / شنو؟ ((( آه انا ارى من اشد انواع العذاب ان تفزع شخصا نائم)
جاسم ومن غير شعور شد شعر نوره وبصوته الرعدي / منو كايد ؟ منو يالخاينه؟
اتسعت عيون نوره مستفهمه شنو يقول هذا واهي ماتدري انها انطقت اسم كايد وهي نايمه ( معذوره تذكره وهم
معذورخ تتحلم فيه لانها مالقت احد ينسيها حب كايد ... مالقت قلب يحتويها مثل مااحتواها قلب كايد ...مالقت الا
القساوة والضرب والعذاب )
اتسعت عيونها اكثر واكثر وهي تحاول تفج يدينه الجباره من شعرها وبصوت النايم المفزوع / شنو تقول انت؟
شدها مع شعرها ونزلها من على السرير عشان يعرف كيف يضربها ... صرخ بلسانه الثجيل / منو كايد يالخاينه استغليتي غيابي عن البيت ودخلتي بيتي رياييل غرب يالخاينه.
صرخت نوره بويهه من اللي تسمع حتى بشرفها يتهمها / شنو تقول انت يايني سكران وتخربط علي ؟ فجني ( وتحاول تبعد يدينه عن شعرها)
استشاطت جنون جاسم من سمع نوره تقول ( سكران) ونزل فيها ضرب ... ضربها باايده وضربها بالعقال... ضربها في كل جزء من جسمها ...ضربها وركلها على بطنها اللي تحمل فيه جنين ماتعدى عمره ال8شهور ( لن اقول ثمرة حبهم بل ثمرة عذابها)
زاد بالضرب عليها وركز اكثر شي على بطنها وضربه اكثر شي بالعقال ... صرخت ... صاحت... بجت...
توسلت له يكف الضرب...لكن لا حياة لمن تنادي ... ركلها مع بطنها وهويصرخ عليها/ واللي في بطنج منو ولده يالخاينه؟
زاد بالضرب وجنها صارت هوايه عنده ...ضربها ضرب لو ينضرب ريال بمثل هالضرب كان مااااات ووشلون
عاد بحرمه وفوق هذا كله حامل ... بعد ماتلذذ بضربها طلع من البيت وهو هاد نوره لحالها تعاني الالم
...وتتجرع عذاب الضرب اللي اكلته من جاسم...حست بالم قوووي في بطنها صرخت تناديه لكن لا من مجيب
...رفعت يدها المشوهه بالكدمات على الدرج اللي كانت طايحه يمه... مدت يدها بصعوبه ووبصعوبه مسكت
اليوال واتصلت بفهد لكن للا سف مارد عليها ... عادة الاتصال وهي تأن الم ... ورد عليها فهد وكان امبين من
صوته انه نايم... رد مفزوع وهو مستغرب نوره تتصل عليه اخر الليل ... رد بصوت خايف / هلا نوره
نوره وبصوتها المتقطع شهاق وصراخ / فهد الحقني ...الحقني يافهد
فهد وبنبرة مفزوعه حاده / نوره اشفيج
في اللحظه هذي كان جاسم برا البيت ... رد للبيت من يديد وهو حاط في باله ( اكيد الحين بمسكه عندها) <<<
وللمعلوميه هذا النوع من الاشخاص المتعاطين قد يتوهمون بأشياء ليست حقيقه لانها تكون من مواد مركبه تجعلهم يتخيلون اشياء ليس لها وجود في الواقع وهذا تفسيره علميا...>>> هكذا قالوا عنهم العلماء
النفسيين))) اما تفسيره عندنا نقول (( كلن يرى الناس بعين طبعه))
رد للبيت ودخل الغرفة اللي نوره ترك نوره فيها طايحه وشافها وتوها مبنده الخط من فهد
استشاطت ينونه اكثر وكثر / تكلمينه يالحقيره ...( ونزل فيها طق من يديد ... صرخت تألمت ... صرخت بحده
وهي تقول / حرااااام عليك لاتضرب بطني ...
رد وركلها على بطنه ومن غير شعور بالعقال ضربها على راسها ... وباللحظه اللي تحاول تبعد راسها عن
العقال ضربت براسها الدرج اللي طايحه يمه ... ضربت براسها على الدرج وارخت جفونها تاركة جاسم يضرب
مايحلو له... ماحس جاسم باانها ضربت الدرج ووواصل بالضرب لحد مااستوعب ان نوره ماعادت تصرخ
وتبجي ... طالعها بجفاف وركل بطنها للمرة المليون ... طلع بالصاله ويده للحين فيها حرة يبي يطقها زياده
*************
في بيت اليده
نزل فهد وهو يركض بيطلع عشان يروح لنوره ...شاف بالصاله مايد يالس يتفرج على فيلم اميركي
طالعه مايد وسأله / فهد وين رايح؟
فهد وهو يركض بيطلع من البيت وقلبه قابضه / رايح لنوره
ركض وراه مايد وبتوتر/ اشفيها نوره
فهد وبتوتر / تعال وياي اقولك بالسياره
*********************
على الساعه 4:00 وصلوا بيت نوره ...رنوا الجرس بكل توتر وتواتر... بعد 10 دقايق تكرم جاسم وفتح الباب وبلسان ثجيل وجسمه المتمايل ( وواضح انه شرب من يديد) / نعم
دزه فهد عن الباب بتوتر ودخل يدور نوره ... شافها طايحه على الارض ويدها وويها مشوهات بالكدمات ... جرب مايد من عند نوره ... اما فهد راح لجاسم ومسكه مع جيبه يهزه وقال بعصبيه وهو يصر على اسنانه / شنو مسوي فيها؟
جاسم وبلسانه الثجيل وبكل برود / اختك خاينه لقيت عندها اليوم ريال
فهد ماقدر يتحمل كلامه وصفعه على ويهه وبصوت عصبي عالي/ الا ياجليل الحياء ... اختي اشرف منك يالحقير
مايد واللي ينادي فهد بخوف / فهد فهد
حس فهد بنبرة صوت مايد المفزوعه وهد جاسم وراح لوين ماناداه مايد
دخل فهد الغرفه اللي نوره طايحه فيها كسيره ... متألمه... حزينه...
مايد وبخوف / فهد تعال طالع راسها ينزف دم
فهد اتسعت عيونه مو مصدق اللي يشوفه وبنبرة حاده / اراويه النذل وطلع من الغرفه متجه لجاسم ...لحقه مايد ومسك ايده / شنو بتسوي ... امش خلنا ننقلها للمستشفى البنت تنزف مافيه وقت ( تكلم بنبرة ارتجافيه خائفه)
انصاع فهد لكلام مايد ونقلوا نوره للمستشفى
في المستشفى
فهد رايح راد بكل توتر ينطر طلعة الدكتور وهو بداخله يتوعد بجاسم...اما مايد فكان يالس على الكراسي ويهز ريله بقوووووه مشيرا الى توتره القوي
بعد ساعه من دخول نوره المستشفى ... انفتح باب الغرفة اللي نوره فيها ... مشيرا الى خروج الدكتور
فهد يا يمشي مسرع بخطواته ... ومايد وقف من على الكراسي بسرعه
فهد والتوتر واضح على صوته / ها بشر يادكتور
مايد وبنفس توتر فهد / شنو صار عليها؟
الدكتور وهو يشبك اصابع يدينه في بعض / والله ياقماعه مش عارف اقولكم ايه؟
فهد وبتوتر وتطغى على ملامحه العصبيه / شنو؟ نوره صار لها شي؟
الدكتور هز راسه مشيرا الى سوء الحاله اللي تمر فيها نوره
مايد وبرجاء / دكتور شفيها نوره؟
الكتور/ والله ياقماعه هي دالؤتي غايبه عن الوعي ومانعرفش ايه السبب ... وكمان لحد دالؤتي ماتعدتش مرحلة الخطر ... اودمها 24 ساعه لو ماتعدتش مرحلة الخطر احنا مطرين اننا نعمل ليها عمليه قيصريه عشان الجنين اللي في بطنها ( ومشى عنهم الدكتور )
فهد والعصبيه تلمع في عيونه / انا مدري شنو سوالها الحقير جاسموه ... بس زين ماني ولد ابوي ان مااخذت حق اختي ( يصر على اسنانه
مايد وهو يحاول يهدي فهد / ازمه وبتعدي ان شاءالله
بعد ربع ساعه ياتهم النيرس تسأل عن زوج نوره عشان يوقع على الاوراق عشان لو ماعدت مرحلة الخطر
يسوون لها العمليه القيصريه ... لكن فهد قالها ان زوجها مسافر وانا اخوها ... ووقع فهد على الاوراق
• الكل عرف بمأساة نوره وانها الحين بالمستشفى ... الكل قلبه قابضه ...والكل حاس ان بيصير شي
*****************
بعد مرور 24 ساعه
نوره ماتعدت مرحلة الخطر واضطروا انهم يسوون لها العمليه القيصريه ... جابت بنت وحطوها بالشيشه لان
نموها مااكتمل والكارثه ان كانت ريل البنت مكسوره ...
اما نوره فمازالت فاقده الوعي ... وحالتها في تدهور
والدكتور قال باانها ترد للوعي من يديد
كل شي لاعب دوره ( الضرب اللي ياها ... العقال اللي ضرب راس نوره... الدرج اللي ضربت فيه نوره راسها... الحالة النفسيه)
صارت الدنيا على هذي العايله مجرد ظلاااااااام ...تعتيم... سكون...بجت اليده ... وبجت النايفه وصرخت ( مستحيل نوره تفقد الوعي ... وانا وين اروح بعدها اهي بنت خالتي ودنيتي كلها ... لا مستحيل نوره تفقد الوعي ...)<<< وجنها تعترض على قضاء الله
اما اليده فكانت تبجي بحرقة الصمت... وفهد ومايد اللي حدهم متوترين ومنقهرين ...مغتاظين من اللي اسمه جاسم اللي من ذاج اليوم ماعاد بين ويوم اسألوا عنه ربعه بالشغل قالو انه مسافر لسوريا
اما ابوفهد فكان كأي اب خايف على بنته وهو راس السبب اللي وصل نوره للحاله هذي ... يعني لو انه كان يعبر نوره في اتصالاتها له وشكواها له على جاسم ماكان بنته الحين غايبه عن الوعي...)
اما خوالها فكانوا يبجونها بصمت لان نوره كانت تحتل مكانه في قلب كل فرد من هالعايله... وكانت الزياره عنها ممنوعه وللحين محد سأل عن بنتها
في المستشفى وبالتحديد في الغرفة اللي تضم نوره
كانت النيرس عند نوره مسكت يدها بتشوف النبض عندها ...لحظتها نوره حست بشي غريب يجري في عروقها ..
. وشهقت شهقه قويه ... شهقه غريبه ... شمقه طالعه من الاعماق شهقة مو شهقة صياح لا ...
ارتفع تزمير الاجهزه وجن كل صوت يقول ( الله اللي جمعنا والله اللي عفا )
فجت النيرس عن يد نوره بعد ماسمعت شهقتها وسمعت اصوات الاجهزه ترتفع...كانت النيرس كثير تواجه
حالات مثل كذا وتكون حالة احتضار نهايتها الموت...
• ياترى هل هالشهقه هي شهقة طلعة الروح ؟
• هل نوره بتودع الدنيا ... بتودع الكل ... بتودع يدتها الغاليه ... بتودع اخوها فهد تاج راسها...بتودع النايفه روحها الثانيه ... بتودعهم كلهم ... بتودع خوالها ... بنات خوالها... بتودع كايد حبيبها .. جارحها... اللي مايدري عن شي... بتموت وتترك حبيبها خلاااااااص بتتركه للابد... بتودع العذاب اللي عاشته مع جاسم ... خلاااااااااص يعني بتموت ز..
• خلااااص بتموت نوره وتودع الدنيا وتلحق امها اللي عانت كثييييييييير من بعدها ...بتلحق امها بعد ماعانت بحياتها كثييييير... من انفصال ابوها عن امها ...ثم وفاة امها ...ثم طلب ابوها منها انها تروح تعيش وياه... ثم جرح كايد لها ...ثم واخيرا ... عذابها مع جاسم
• هل بتموت نوره وترحل عن الدنيا وجنها تقول ( الوداع برحل) بتترك حبايب كانوا في حياتها بتتركهم يودعونها بدموع وصياح وصراخ وحزن وحسره
• شنو تتوقعون ؟ شنو تفسرون شهقة نوره؟
• كايد شلون بيكون حاله لو ماتت نوره ؟
• فهد تاج راسها اخوها ... شنو راح يصير له لو ماتت نوره ...( ماتت امه بس تموت اخته لا ) شحالها صدمته بتكون؟
• النايفه روح نوره ... لو ماتت شنو بتسوي
• اليده لو ماتت نوره شنو راح يكون اثر الصدمه عليها؟
• العايله كلها كيف بتكون صدمتهم لو ماتت نوره
جربت النيرس من الاجهزه ... وطلعت من الغرفه تركض ... بعد ثواني يا طاقم طبي بأكمله ...
في بيت اليده
كانت اليده يالسه بالصاله وكانت مغشيه ويها بشيلتها ... وعناد يالس عندها ويتلفت في البيت وواضح على ويهه ملامحه الحزن...طالع الدري وتذكر نوره كيف كانت تنزل منه بهدوئها الملائكي ... لف على يدته وهو يهمس بحزن / البيت من غير نوره ولاشي
اليده اهنيه زادت دموعها وزاد لهيبهن ... وزاد حزنها ...كانت تصيح بس بدون صوت...
**********
في المستشفى قدروا الاطباء انهم يسيطرون على حالة نوره الحمدالله ...
***************
بعد اسبوع حاول فهد انه يدخل يشوف نوره لكن محد سمح له انه يدخل عليها ... لكن بالويل اسمحوا لفهد انه يدخل ولا يدخل وياه شخص ثاني
دخل فهد وهو يطالع نوره ... كانت نوره صامته ... ساكته... والاجهزه ماليه الغرفه
جرب من عندها فهد وهمس في اذنها / نوره
ولا ردت عليه /.................
انهملت دمعه مأسوره من عين فهد لتكون حرة على جبين نوره ... وهم ماحست ...
فهد حس بالتحطيم ولف بيطلع من الغرفه لانه لو يلس اكثر بيموت قهر على حال نوره ... لكنه قبل لا يطلع القى على نوره نظره ... وبالوقت اللي القى على نوره النظره شاف المفاجأة
شاف شفايف نوره تتحرك/...............
جرب من عندها وهمس في اذنها / نوره
نوره اهنيه بطلت عيونها وشافت فهد ...
فهد وبلهفه / نوره وعيتي؟
نوره واللي كانت تبي تتكلم لكن ماقدرت لانها تحس ان حيلها كله منهــــــد/..........
فهد واللي لاحظ على نوره انها تبي تتكلم / مايحتاج حبيبتي تتكلمين... خليج مرتاحه ... اهم شي فتحتي عيونج
نوره واللي طالعت فهد بعيونها المرهقه وابتسمت له ابتسامه باهته/.........
************************************************** ******88
بعد عشرة ايام قامت نوره الحمدالله بالسلامه وطلعت من المستشفى واصرت انها ترد لبيت امها موبيت يدتها
قالت لفهد كل شي عن جاسم ... لامها فهد ليش انها ماقالت له من البدايه ولام ابوه اكثر واكثر... وطلبت الطلاق من جاسم اللي رفض يطلقها لحد ماترد له مهره وكان مهره40 الف ونوره اصلا مااخت من مهرها الا10 الاف والباجي اخذه ابوها
بعد شهرين ونص طلعت بنتها من الحضانه وسمتها ( الكادي)
وعاشت في بيت امها وياها اخوها فهد رغم ان يدتها قالت لها تيي عندها لكن نوره رفضت
اما كايد للحين في اميركا ولا يدري عن اللي صاير لنوره
*****************
وفي ليله من الليالي وكانت السماء قمراء وشوق كانت في غرفتها تبجي حالها اللي يوم حبت واحد خذلها
بخيانته ورعد للحين ماطلقها ولا اتصل عليها ... ومحد كان يدري عنهم وعن زعلهم وجفاهم لبعض الا
شمس...
فجأة سمعت نغمة تليفونها ... طالعت الشاشه ... شافت رقم غريب ... وقالت في نفسها / برد وبسكت ان كان ريال ببند الخط بويهه
وردت شوق من غير ماتتكلم /............
المتصل / هلا وغلا
شوق حست يدها ثجيله وماقدرت تبند الخط لانها عرفت منو ...هذا رعد ... انصدمت شوق من سمعت
صوت رعد ... ماقدرت تتكلم من الصدمه /...........
رعد / اشفيج ساكته
شوق واللي فتحت فمها مندهشه وبصوت مصدوم / شنو ذكرك فيني ؟
رعد وهو يرسم على ويهه ابتسامه / بجاوبج على سؤالج هذا بس بجاوبج برا
شوق وهي مصدومه والاستفهام يطغى على صدمتها / وين برا
رعد / انا انطرج برا في الحوش ... تعالي ابيج بكلام
شوق وببرود الصدمه / ليش؟
رعد / اطلعي برا وبتعرفين ... يله بندي الخط انطرج انا برا
شوق والحيرة والاستفهام يطغيان على ملامح ويها/ انزين
طلعت له شوق وماينوصف حالها... متسائله... مصدومه.... متعجبه ... مستفهمه... فرحانه لانه سأل عليها ... وبنفس الوقت خايفه من المجهول ... واخيرا وصلت لحد رعد
رعد وهو يرسم على ويهه ابتسامه / هلا والله بالغاليه
شوق واللي مستغربه من هالتغير... ماعمر رعد قالها يالغاليه او أي كلمه حلوه / هلا فيك
رعد وجنه يتلكع / غريبه ماسألتيني ليش انا متصل من رقم غريب ؟
شوق وهي تتنصنع الكبرياء / مايهمني
رعد وهو مازال مبتسم/ هاج
شوق وعيونها تتساءل/ شنو هذي
رعد وهو يطالع شوق / هذي شريحتي الجديمه اخذيها وكسريها ...احرقيها ... سوي فيها اللي يخطر على
بالج... والرقم اللي اتصلت تو فيه عليج هذا رقمي اليديد ومايعرفه احد غيرج وللحين حتى اهلى ماعرفوه
شوق وجنها تنغز في كلامها / مايعرفه احد غيري ابدأ
رعد وجنه فهم نغزة شوق / أي مايعرفه احد غيرج ... خلاص شوق انا مو رعد الاولي ... والله تغيرت ...
وحسيت بقيمتج وحسيت ان حياتي من غيرج مالها معنى ... يمكن كنت ساذج يوم اكلم غيرج من البنات بس
والله انا نادم وسامحيني ...( وطالع شوق بكل حب وقال بصوت اشبه بالهمس/ انا احبج
شوق كانت اطالع بالارض ولا قدرت تتكلم او ترفع نظرها /..........
مسك رعد دقن شوق ورفع ويها وخلاها اطالع فيه وبنفس الهمس / والله انا احبج
شوق /..............
رعد / بلاج حبيبي ساكته
شوق طالعت في رعد وهم سكتت/..........
رعد وبنفس الهمس / احبج
شوق طالعته وقالت بنفس همسه / ماجنا طولنا وبالليل بعد
رعد وبصوت حنون مسك يدين شوق وهو يهمس / الليل للعاشقين
******************
مرت سنتين ونص على عمر ( الكادي) ماشاءالله ...كانت تشبه امها واااااايد كانت تملك عيون فاتنه رغم
صغر سنها ...كانت نظرتها سحريه كانت عيونها تتلالاء جمال ...وكان شعرها كثيف واسود وفيه لمعه ... كانت بيضاء كانت مثل القمر ... اخذت حلاها من امها ا ... كان لسانها طويل رغم بعض الكلمات اللي تتعثر فيها ... وكانت اكثر واحد متولعه فيه هو عناد ( اخذت الشطانه منه) وهم كانت متولعه في يدتها...
اليوم كل العايله متيمعين في بيت العايله ( بيت اليده)
في الحوش كانت ( الكادي ) تلعب
شافت ذاج الريال اللي ياي يمشي اول مره تشوفه في حياته ... راحت تركض له وهي تسحب ريلها اللي
كانت مكسوره اول ما انولدت من ضرب ابوها لامها وللحين الكسر مأثر على ريلها... حست ان فيه شي
يجذبها لريال هذا
وقفت عنده وبصوتها البريء/ منو انت؟
طالعها هالريال وحسها تاخذ ملامح وحده يعرفها انحنى لها بيشيلها / انتي اللي منو ياشاطره
ردت عليه بصوتها الطفولي / انا الكادي
طالعها وجنه يتفحص ملامحها وقال بااستفهام / شنو يابج اهنيه
كادي ومدت يدها الصغير الطفوليه واقرصته بخفه على خده بكل براءه / هذا بيت يدتي
طالعها وعيونه تتسع مصدوم وجنه عرف منو بنته / وين ابوج ؟
كادي وهي اطالع بالسماء وتأشر بااصبعها على السماء / ماما تقول بابا راح فوق
كايد وبتعجب / راح فوق
كادي وببراءه الطفوله طالعت الجرح اللي بيدها وهي تقوله / طالع درحي
طالع جرحها وقرب يدها لفمه وباسه بحناااااان / من شنو؟
كادي واللي حست بحنان هالريال رغم صغر سنها / طحت على يدي يوم كنت العب انا وعناد
طالعها من يديد بحنان ورد باس ويدها اللي موجود فيها الجرح
كادي وببراءة الطفوله / ماما ماحبت درحي
اكتفى باابتسامه لها
كادي وبنفس براءتها / ماما تدولي انها هي مره اندرحت بس تقول انا درحي غيرج ... ودلت لها كيف ؟ دالت انا...... درحي كايد
اتسعت عيون كايد وملامحه تغيرت وجنه حس بكلام هالطفله البريئه وقال بهمس حزين / جرحهاكايد
في داخل البيت
اليده واللي فقدت كادي / نوره ياامج قومي شوفي بنتج وين؟
نوره واللي لاهيه مع السوالف مع بنات خوالها / اكيد يدتي تلقينها تلعب مع اليهال
اليده / كلهم يلعبون داخل وبنتج مو معهم ...قومي شوفي بنتج وين؟
انصاعت نوره لكلام يدتها ودورت كادي في البيت بس مالقتها ... طلعت بالحوش راحت تمشي فيه
وتصوت على بنتها بصوتها الناعم اللي لا يمكن يتغير / كادي ماما وينج؟
لفت نوره على صوب مابنتها ردت عليها ... وشافتها ... شافته ... شافت جرحها ... وشافت حبها ... شافته وهو
يشيل بنتها ... طالعته بصدمه وقفت متجمده مكانها ... أي هذا كايد هذا شكله ماتغير... معقوله رد من بعثته ...
عيونها اتسعت متفاجئه ... شافت كايد خطواته تتجه صوبها وهو يشيل بنتها ... جرب من عندها وهي للحين مو
مصدقه اللي تشوف ... تلاقت عيون الحبيبين وطال الوقت وهم يطالعون عيون بعض ... عم الصمت وعم
السكون ولايوجد حديث سوى حديث العيون
همس بصوته الحنون الدافيء/ اخبارج نوره ( ومد يده يصافح نوره)
اما نوره فهي مو مستوعبه ولا مصدقه ... معقوله هذا كايد هذا حبيبها اللي تعذبت لجله وجرحها بتخليه عنها ...معقوله رد بعد غياب سنتين ونص ...
بعد لحظه تفكير مدت نوره يدها وكانت يدها ترتعش وصافحت ( نفس دفء يده ... نفس حنانه ... نفس دفء
صوته ... هذا كايد ماتغير فيه شي)
حس كايد برعشة يد نوره يوم صافحته وقال وهو يبتسم / اخبارج نوره؟
طالعته نوره وعيونها للحين معلقه عليه وهي منصدمه ارتجفت شفايفها بصوت واطي / يسرك الحال
كايد واللي تم يطالع نوره بكل حب وبكل شوق وبكل وله وعشق/ هذي بنتج ؟ ( وحول نظره على كادي)
نوره مو قادره تتكلم للحين تحس انها متفاجأة ... معقوله الدنيا تدور ويرد كايد ... معقوله رد كايد وهو لللحين
يحمل بقلبه حبي والا نسى انا في يوم حبينا بعض ...( هزت نوره راسها وبصوت مخنوق / أي هذي كادي بنتي
اما كايد فكانت افكار توديه وترده ...( صج كلام كادي ان ابوها راح قوق على قولتها ..صج؟ ... والا قدر جاسم
ينسي نوره حبي والا للحين تحمل بقلبها حبي ... همس بصوت واطي وهو خايف من نفي الاجابه ( وكانت
شفايفه ترتجف / صج جاسم راح فوق على قولة كادي ؟
نوره واللي للحين عيونها معلقه على عيون كايد وهزت راسها بالايجاب / الله يرحمه
كايد وعيونه تستفهم / متى ؟
نوره واللي ردت على استفهام كايد / قبل سنه ...توفى بحادث سياره
وقفوا وساد الصمت والتقت العيون من يديد ...
داخل بيت اليده
دخل عليهم كايد وهو يرسم على ويهه ابتسامه وعلى جتفه بنت نوره يشلها ويرفع يده وهو يقول / مساء الخير جميعاً...
الكل وقف متفاجئ من ردة كايد المفاجئه... اللي نط من مكانه واللي صرخ واللي قام ييبب والي ضم كايد لحضنه... اما اليده اللي وقفت مكانها وماقدرت تتحرك صوب كايد... يا صوبها كايد طبع على راسها بوسه طالعها بنظرته المعتاده ( نظرة الحنان)/ كيفج يدتي؟
طالعته يدته و ضمته لصدرها الدافي وانهمل من عيونها دمعات الفرحه بردة كايد ... على هذي اللحظه انهملت من عين النايفه دمعه ويات تركض لاخوها وضمها لحضنه
الكل طالعهم وهم فرحانين بردته
امانوره كانت موقفه وياهم وهي اطالع كايد بنظرات الشوق والوله لـ هالانسان اللي حبته من كل قلبها ولكن هيهات الزمن لعب دوره وفرقهم وماكان في يدها الا انها اطالعه من بعيد وتتحسر
الكل استانس ...الكل فرح من قلبه ... الكل ارتسمت الابتسامه على ويهه ...
بعد ماسلموا عليه واخذوا اعلومه ...
قرروا ان بكرة عند اليده الغداء والكل راح يتيمع
وكايد مرتفعه معنوياته واااااااايد انه رد للبلاد وان اول من قابلها اهي نوره واللي ريح نفسيته اكثر ان جاسم مات
بالباجر
في الغداء
الكل اتيمع والكل يا ...يلسوا الرياييل في صوب ... والحريم في صوب...
يات كادي عند الرياييل ... ناداها عناد صوبه / تعالي كادي
كادي وتبعد عن عناد / ماابيك انت
عناد وهو يضحك / افا
كادي واللي مشت بخطواتها ومن غير مقدمات ويلست في حضن كايد /........
يلسوا يضحون على حركتها
عناد وهو يضحك / الا يا جاحدة المعروف انا اللي كنت على طول وياج وهذا( ويأشر بااصبعه على كايد) توه ياي على طول حولتي عليه
كادي وهي اطالع بعناد / مايخضك انت ( وطلعت لسانها له )
عناد واللي بخاطره يتناقر مع كادي وقال بنبرة يتصنع فيها العصبيه / انتي جلب اطلعين لسانج
كادي وهي للحين يالسه في حضن كايد / انت الجلب
عناد / انا ماطلعت لساني زي الجلب
كادي وهي ترفع راسها واطالع كادي وجنها تتوسل يدافع عنها/...........
طالعها كايد وفهم نظرتها/............
عناد / ليش ماتردين يالجلبه
كايد وهو يحاول يسكت عناد / بس عناد انت ياهل
فهد وهو يطالع كادي / كادي قوليله اذا كنت انا جلبه انت ياهل
عناد وهو يضحك / والله كلكم انقلبتوا علي
كادي وهي تاخذ بكلام خالها / انت ياهل
عناد وجنه يتلذذ بمناقر هالبنوته البريئه / انتي الياهل مو انا
طالعته كادي وجنها بتصيح وقامت من حضن كايد وراحت تركض لوين ماامها موجوده وهي تقول بنبرتها الباكيه / انزين بعلم عليك يدتي
فهد وجنه عصب/ انت ياهل تحط نقرك من نقر ياهل
عناد وهو يضحك / عادي هي دايم جذيه اصلا
اما كايد قام وطلع من عندهم يلحق كادي
ابو متعب وهو يكلم عناد / ياابوك انت شنو تبي بمناقر اليهال
كايد وهو يلحقها / تعالي كادي ماعليج منه
في ذيج اللحظه طلعت نوره من عند الحريم يوم سمعت صياح بنتها القووووي ... طالعت في بنتها اللي يايه صوبها ووراها يمشي كايد وانحنت عليها وشلتها وهي تمسح دموعها / اشفيج ماما؟
في هذي اللحظه ابتسم لها كايد / تهاوشت هي وعناد
نوره وهي تبتسم لبنتها / خلاص ماما ماعليج منه عنادوه الحين اعلم عليه يدته ( ولفت نوره بتدخل عند الحريم وهي تحاول انها مااطالع كايد لان للحين تحس جرحه ينزف)
كايد / نــــــــــــــــوره
لفت نوره عليه وببرود ( على عكس ما بداخلها من الحرقه والحسرة ) / هلا
كايد واللي طالعها وجنه تردد ونزل راسه /لا خلاص
طالعته نوره وهي ترفع حياتها متعجبه ولفت عنه بتدخل
ناداها مرة ثانيه / نــــــــــــــــوره
لفت عليه وهي تبتسم ابتسامه باهته / هلا
كايد وهو يحس ان بحلجه كلام عالق موب قادر يطلعه /................. ( وهم سكت)
طالعته نوره وهي متعجبه منه / شعندك؟
كايد وهو متوتر/ لا لا خلاص بس ........
نوره / بس شنو؟
كايد وهو في قمة التوتر ومد يدينه وجنهن يرتجفن / لا بس عطيني كادي
كادي واللي صرخت بويهه/ لا انت مادلت لعناد ثي
كايد وهو يبتسم بارتجاف / لا تعالي وياي وباخذلج حقج منه
كادي واللي اقتنعت بكلام كايد ومدت يدينها له عشان ياخذها /.......
* اخذها كايد ونوره بقلبها حرقه وحسرة على كايد وهي تحس بنزف جرحه اللي مستحيل يندمل وتحس ان بينها وبين كايد مليون ومليون ومليون حاجز خلاص تحس ان انكسر كل شي
بعد الغداء:
اتفقوا العيال انهم بكرة يطلعون للمزرعه ...
بالباجر
وعوا العيال من الفير عشان بيطلعون للمزرعه ...
على الساعه 5 الفجر وعت كادي ووعت امها وياها ...
نوره وهي توها واعيه واطالع في كادي اللي وعتها / ها يمه شنو موعيج بدري
طالعتها كادي وهي تير يد امها / يوعانه
انصاعت نوره لكلام بنتها وقامت هي وبنتها متجهات للمطبخ ...في هذي اللحظه رن جرس البيت ... راحت تركض له كادي بتفتح الباب
نوره وبصوتها النايم وهي تنادي لبنتها / تعالي وين رايحه؟ انا الحين ايي افتحه
اما كادي فسوت لامها طاف وهي مسترسله في الركض وقفت عند الباب وفتحته
وهو يشلها / شنو موعيج من الفير
كادي / يوعانه
/ انزين خالج فهد وينه
على هذي اللحظه يات نوره وهي تلف الشال الابيض على راسها / كادي منو عند الباب
كايد / هذا انا كايد
جربت من عند الباب نوره وهي تتسأل خوف / شعندك ياي الفير يدتي فيها شي
كايد وهو يبتسم/ لا تحاتين احنا مافينا شي بس انا ياي ابيج توعين فهد
نوره وبااستغراب / ليش فهد ماراح يصلي الفير
كايد / لاماشفته بالمسيد
نوره / انزين اروح اوعيه لك الحين ( ولفت بتدخل البيت بتروح توعي فهد)
وماامداها تلف الا سمعت كايد يناديها بكل همس/ نـــــــوره
طالعته نوره وبكل رسميه/ هلا
طالعها كايد بنظرة الحب اللي كان يطالعها فيها قبل 3سنين ... طالعها بنظرة الحب والشوق والوله... بنظره
مالها تعبير ... ولمعت عدساته العسليه يتسألن /.........
فهمت نوره تساؤله من عيونه وقالت بنبره هادئه الملام / طولت الغيبه ياكايد
كايد ارتسمت على ويهه ابتسامه عذبه وردت عيونه تلمع بتساؤل ثاني لكن هالمرة هو تفوه فيه بصوته الدافي
وعيونه بعيون نوره / للحين حبي بقلبج يانوره والا الزمن قدر يلعب دوره مثل مافرقنا
طالعته نوره بنفس نظرته : نظرة الحب ...نظرة الشوق ... نظرة العشق... ردت عليه وهي تبلع ريجها/ هذي
بنتي ( واشرت على بنتها) سميتها الكادي بس عشان اكون دايم في اللحظه وفي الثانيه اردد حروف اسمك
...صج الزمن قدر يفرقنا لكن ماقدر ينزع حبك من قلبي ( وتراقصت الدموع في عينها وهي تصر على اسنانها
وتقول بنبرة مخنوقه لوعه وجنها تفجر كل اللي في قلبها / ليش ياكايد تخليت عني ...ليش خليتني اتعذب
بفراقك...كايد انت ماتدري ان انا من غيرك ولاشي ...دنيتي من غيرك ماتسوى ... حياتي من دونك ماهي حياه
...انا من غيرك اتعذب ... انا بفرقاك عشت لوعة الحب والفراق ... كايد تكفى لا عاد تتركني وتروح ؟
( وانفجرت تصيح وماقدرت تشيل نفسها ويلست على الارض وهي تبجي...
انحنى لها كايد ونزل بنتها من جتفه... جربت من عندها بنتها وجنها بتصيح مع امها / ماما ؟ ( وتبعد يدين نوره اللي حطتهن على ويها)
اما كايد فحس ان هذا الوقت اللي الحين لازم يرد المياه لمجاريها طالعها وهي تبجي وابتسم لها ابتسامه عريضه
وبانت من خلا لها اسنانه اللي تلمع بياض وبعد يدينها عن ويها وهو يهمس بهمس دافيء/ توافقين لو اخطبج؟
طالعته كادي اللي كانت يمه وقالت بنبرة طفوليه وهي تقرص خده / عيب!
انفجر يضحك كايد على براءه هالبنت وذكائها وابتسمت نوره وياه وعيونها فيها بقايا دموع ( بالفعل اصدق الحزن ابتسامة في عيون تدمع)
اليوم الخميس
زواج عصافير الحب الذين لطالما عانوا من الحب وعذابه ... اليوم سوف تقف العصفورة نوره
والعصفور كايد على غصن واحد ...وهم فهد والنايفه اليوم زواجهم
(((نوره ياربي جمااااااااااااااال كانت مسويه تسريحه بشعرها وكان مكياجها شي ... كانت حاطه ظلها تركواز
وكحلها اسود بقوووووووه وكانت لابسه عدسات لونهن تركواز وكان روجها وردي كانت طرحتها خليجيه
وكان في فستانها الابيض لمعة تركوازيه ... كانت شي)))
((( اما النايفه فكانت حلوه بس نوره احلى كانت النايفه حاطة ظلها اخضر صارخ وروجها بيج ولابسه عدسات خضراء وكانت رووووووعه كانت مسكتها خضراء عشان جذيه حاطة لوكها اخضر... وطرحتها مسويه فيها
حركه ورابطتها على راسها كانت روووووعه بس مو اروع من نوره على رغم ان النايفه كانت صارخه في
لوكها بس كانت نوره اروووووووووع)))
((( يالله مااحلاها الاحلام حينما تتحقق كان حلم نوره الوحيد انها تتزوج كايد وتحقق الحمدالله بعد عذاب وبؤس
وحسره ...وهم كان حلم النايفه انها بعد تتزوج فهد وهم تحقق الحمدالله ... وكانت من احلام الطفوله ان نوره
والنايفه يتزوجن بنفس الليله وتحقق بعد عذاب الحب ولوعته ... فعلا للحلم طعم ثاني يومه يتحقق)))
********************
اتصل رعد على شوق
رعد / الو
شوق / هلا والله في ابو مهند
رعد / ها اخبارج
شوق / زينه الحمدالله
رعد وهو يضحك / قبل اشوي عند باب القاعه دخلت وحده تلت قلبي لابسه احمر ...
شوق وبعصبيه / صج ابو طبيع ماييوز عن طبعه
رعد واللي انفجر يضحك / ههههههه يالخبله اقصدج
شوق واللي حست بالخبال فعلا وماقدرت تتكلم /.........
رعد وهو يضحك / بلاج سكتي
شوق /............
رعد وهو يهمس بالسماعه / اموت انا على خبالج
*******************
بالمقابل عذاري توه يايبها للقاعه زوجها محمد وهي توها بتنزل من السياره مسك محمد ايد عذاري وهو يطالعها / قريتي اذكارج ؟
ابتسمت له عذاري / خايف علي
بادلها الابتسامه محمد وبصوت منكه بكل حب / اذا ماخفت عليج على منو اخاف
نزلت من السياره عذاري وماامداها بتنزل ديمه بنتها الا ويناديها محمد التفتت عليه وهو يحرك شفايفه وجنه يقول / احبج
ابتسمت له وراحت صوب باب القاعه عند الباب شافت غالي وشمس يتكلمون وابتسمت لهم ودخلت القاعه وهي تقول في نفسها / صج احس اني كل ماتذكرت اني كنت احب غالي احس اني اخون محمد
بالمقابل عند شمس وغالي :
شمس وعلى عادتها تنفخ بالعلك / انت الحين ليش ماتروح صوب الرياييل فشلتني الداخل والطالع يطالعون فينا
غالي وهو ينفخ علكته بويه شمس مع ضحكه صغيره / انزين بروح بس تحملي ترقصين ...ارفقي على اللي في بطنج.
وبالمقابل عند مايد ومها :
واللي واقف بسيارته ينزل مرته مها وولده خالد ... وهو ينزلهم لمح سيارة زايد تنزل منها وحده متغشيه ووياها بنتين ( طبعا الرغد يت للعرس عشانه عرس رفيجاتها)
حس ان هذي الرغد وابتسم من كل قلبه وهو يقول في نفسه / الله يوفقها
لف على مرته اللي رافض ولدها ينزل وياها بيروح مع ابوه وهي تحاول تقنع فيه لكن مايد قال خلا ص يابوك ابشر بعزك تعال معي ويضحك
مها / بكيفك انت وولدك ههههههه
مايد / خليه باخذه وياي للرياييل ( وابتسم ابتسامه عذبه لمها)
**************
عند الرياييل
كايد واللي صاجهم يبي يزفونه
مايد وهو يضحك / بلاك انت مستعيل
كايد وبعصبيه / يااخي خلاص بدخل عند حرمتي ...
مايد وهو يضحك / لا والله
فهد وهو يتكلم / هي انتم مطولين ماتزفونا يله زفوني
ابو متعب واللي يضحك على فهد وكايد/ يابوكم تونا الساعه 10 صبروا لين الساعه 10:30 على الاقل
فهد وكايد واللي تأففوا
مايد وهو يضحك عليهم / الحمدالله والشكر
اما عبدالعزيز اللي كان يكلم بالتليفون وموطي صوته / تحملي ترقصين
اميره وهي تضحك / انزين ... أي طلبات ثانيه
عبدالعزيز / لا بس انتبهي على طلال
اميره / ههههههه سميته بعد
********************
في سيارة مالك واللي توه يايب غيوض
غيوض / يالله منك يامالك يعني لازم الليله بالذات اطلعني للبحر ...اكيد الحين زفوهم وانا ابي احضر الزفه
مالك / لا لا مااعتقد زفوهم تونا الساعه 10
غيوض وهي تنزل من السياره
مالك وهو يضحك / حطي في بالج انج بتطلعين بعد الزفه على طول لاني عازمج على العشاء
ابتسمت له غيوض وبندت الباب
على الساعه عشر ونص زفوا المعاريس
دخل مايد وابو متعب وابو رعد يزفون العرسان ... باللحظه هذي ارسل متعب لريميه مسج يقول فيه / تذكرين ليله عرسنا
************************************
عند فهد والنايفه والمصوره عندهم... قالت لهم المصوره ان فهد يحط ايدينه على خصر النايفه
والنايفه تلف يدينها حول رقبة فهد ... وفهد والنايفه منصاعين لااوامر المصوره ... في اللحظه هذي كانت عيون
فهد بعيون النايفه / تدرين ان الكل عانى بحبه ... شوق ورعد عانوا كثير وشمس وغالي صج انهم ماعانوا لكن
اللي حولهم خلوهم يعانون لان عذاري كانت تحب غالي ... ومالك وغيوض هم عانوا ... وخالي مايد عانى
بقوووه ... ونوره وكايد هذول كل المعاناه ابطال القصه ... كلهم عانوا بحبهم الا انا وانتي ماعانينا كثرهم
النايفه وبتعجب / وانت شدراك
فهد وهو يبتسم/ ؟إلا ذبحتنيني عذبتنيني شرشحتيني موتيني الف موته اعد الذقايق متي اكون وياك
ابتسمت له النايفه ابتسامه عذبه
همس بااذنها فهد بكل رومنسيه / احبج
برا عند الرياييل
عناد يكلم عاصي/ تدري اني فرحان لكايد ...صج اني كنت مراهق
ابتسم له عاصي / وانت الحين شنو ؟ راشد والا عاقل ( يضحك)
عناد وجنه تذكر شي / اقولك اليوم شفت غزل وهي كاشخه شي والله
عاصي وهو يضحك / حلوه
عناد وهو يقلب عيونه / تخبلت عليها
عاصي وهو يبتسم / تري هنادي بنت خالتي يايه للعرس
كذا ويجر اصبعه علي عينه تخبلت عليهم بس ماطيقهم هههههههههههههههههههههههههههههههه
****************************
نرد حق المعاريس (كايد ونوره)
كايد وهو حاط راسه على نوره وعيونه بعيون نوره وخشمه على خشمها ( كان شكلهم وااااايد رومنسي وحلو)
تكلم وعيونه بعيون نوره ويقول بكل رومنسيه وحنيه / انتي الحب يانوره ...قد ماتقدرين ابيج تحبيني... الحياة
احلى ترى معاج... ان طفى شوقي ابيج تشبيني ( يتكلم بهمس) خذيني لقلبج ... ابيج تضميني ( واهنيه ضمها كايد
بكل قووووووووه وحنان ) لكن نوره انتبهت على وجود المصوره وانحرجت وانتبه كايد على احراج نوره وانتبه
بعد على وجود المصوره اللي اخذتها فرصه وقاعده تصور ... طلب كايد منها انها تطلع وطلعت بعد ماالتقطت كذا صوره
كايد وهو يطالع نوره بكل حب/ احبج
.
((( احبك يارجلا نبض قلبي بااسمه )))
((( فسلاما عليك يا حبيباً نبض قلبي بحبه )))
تمت بحمد الله