____________________
الصراحة هالموضوع شفته بمنتدى ثاني وعجبني
و تشجعت و قلت لازم احطه هنا
انا شخصيا كانت لي صداقات قديمة .. مع بنات في طفولتي .. بالروضة و الابتدائي و الى الجامعة
فرقتنا الدنيا و كل وحده راحت بطريقها
الصراحة بعضهم أشتاق لهم حيل و ودي ألاقيهم .. بس مادري اشلون!!
قلت احتمال كبير ان صديقاتي اللي أبيهم قاعدين يشاركون بالمنتدى معاي و كل وحده مو داريه عن الثانية
فاشرايكم .. اللي تبي تدور على وحده من صديقاتها وولهانه عليها تحط لها نداء عبر برنامجنا .. قصدي هالموضوع
عل و عسى ينلم الشمل و نرجع الأحباب 
بس هااااااااااا
الشرط الوحيد .. انه لا تكون في أسامي صريحة للبنات .. هم هذولي بنات ناس و عيب ينفضحون على النت .. يا حلاوه عاد تصير الفضيحه بجلاجل
(و يا ريت المشرفات يتعاونون في هالنقطة و يشيلون الأسامي إن وجدت واتمنى انه يثبت )
اذا تبين توجهين النداء اكتبي أول حرف من اسم البنت و اسم أبوها مثل الجرايد ههههههه
أو كتبي اسمها الدلع أو أي شي تدرين انها تعرفه .. مثلا اسم المدرسة و اسم الدفعه أو تذكرينها بموقف بينكم و كذا
اشرايكم؟؟؟؟؟؟
كل وحده تدور على صديقة من صديقات الطفوله ..
منتظره تجاوبكم مع الموضوع .. إذا عجبكم نكمل و إذا ما عجبكم نطلب من المشرفات يشيلونه
بالانتظار