استغفرالله الذي لااله الاهوالحي القيوم وأتوب اليه

ايه والله صادقه اغلب الحريم صار همهم هالرجال كن مافيه شغله فلدنيا الاهووو طبعا ماتكلم عنك ياصاحبة الموضوع بس فيه نوعيات كذا عموما ماننكر ان الحرمه تحتاج وجود زوجها فالبيت تسولف معاها وتمبسط لكن ماراح اجبر نفسي عليه اذا هو مايبي انا عن نفسي زوجي دوامه طويل واذا جا يحب يجلس معنا يعني يلاعب عياله وكذا وسبحان الله ساعات يكون عالصامت تجرررين الحكي منه بالغصب وساعات يجلس يسولف لحد ماينفجر راسي:icon33: يعني احيانا اكون منفسه ومو فالمود وهوو يسولف علي واذا حس اني ماعطيته وجه زعل ههههههه يعني الرجاجيل نفس الشي احيانا يكون ماله خلق حكي والحرمه ماشاء الله تقرقر على راسه لين يدوخ بالعربي اهم شي قومي بواجباتك ولاتشغلين نفسك فيه اذا بغى يسولف بيسولف وبيفجر راسك بدون ماتطلبين

وضعك طبيعي جدا طبيعي لاتحاتين اهم شي محد يكره الثاني والله لما تجي ايام اتمشكل فيها مع بو الشباباهرف اني كنت مرتاحه معاه بصمته وان مشاكلنا من لشيطان اولا ثم فضاوتي

سجلت تحفيظ وصارلي علاقات صداقه مع زميلات كثر وعندي هواياتي انشغل فيها ومواعيني ياحبي لها لما اجي اخطط لاي شي انشغل فيها وبمطبخي

ولما يجي بو الشباب من استراحته يااكون فاضيتله يامشغوله بعمري وخلطاتي مع ركن العنايه بالبشره حتى ودي ينام بالمقلط مرات من بعد ماكنت ازعل اووول لما كانت اكثر ايامه بالمقلط

لكن هكذا الرجال اذا دنا منك فاقربي منه وإن بعد عنك فابعديعنه والحمدلله عندنا هالنت
صحيح الواحد يمل اولو واحده قالت سالفه عنها وزوجها تحسسك انها عايشه برومانسيه مع زوجها ويشتغل الشيطان وسوسه زوجك ماااش دمه ثقيل لكن تعلمنا اننا نركز عالايجابيات ونترك السلبيات

ودايما قولي لنفسك انا احب زوجي كرريها لحد ماتحسينها حقيقه وهو بعد راح يحس فيها وبتلقين الدنيا حلوه

لكن اهم شي استعيني بالله وادعي ربك اللهم جملني بعين زوجي وجمله بعيني واستر عني عيوبه استر عنه عيوبي

وبيت هادي بلا رومانسيه ارحم من حب يصبح بتهزيء ويمسي بصياح

عادي نسولف عن مستقبلنا .. عن بيتنا .. عن ولدنا .. وهو دايما يقولي سوالفه قبل وهو صغير وهو بالثانويه واذا رجع من الدوام طول الغدا وهو يسولف وش صار حفظت اسماء زملاءه وكل سوالفهم .. احيانا نلعب بس هو الحين مكسر مافيه حيل وانا حامل .. وترا على حسب شخصية الرجال في رجال ثرثار مثل زوجي وفي رجال مايحبون يتكلمون انا زوجي اذا ابيه يسولف يا احط عنده تسالي يا نطلع مكان تجيه السوالف بهالوضعين ما يسكت
وبالوقت الحالي كل جلستنا نقاش على اسماء اولاد انا اعرض له وهو يعرض لي

نفس وضعك اذا جلسنا مع بعض جلس على التلفزيون واحيان كثيره يكون على جواله ولا لاب توبه كنت اول انقهر قبل لا اولد لكن الحين بعد ماو لدت
خلاص انشغلت مع بنوتاتي
اذا كان في البيت جالس حطيت معه البنت ورحت نظفت بيتي وسويت الغداء ولا العشاء
واحيان هو يجيني يسولف معي
يعني ياقلبي لا تعصري مخك وتطلعي السوالف اشغلي نفسك عنه
طنشيه وهو راح يجيك