ونسيت اقولكم انه ما يرجع الا 12 ونص او وحدا ومرات يرجع 2 في الليل
يعني كأني انا وبنتي عايشين لحالنا
مرا قلتله الى متى زي كدا وقلتله اذا ماتبغى تجلس معايا انا وبنتك قوللي عشان افهم وقاللي ايوا ما ابغى اجلس معاكي انتي وبنتك وكان معصب لمن قالها وقلتله خلاص حعتبر نفسي عايشة لحالنا انا وبنتي وانت مجرد ضيف
حتى الفطور والغدا اغلب الاحيان ياكل فيالفندق مع اصحابه مع اني اسويله فطور ويقول لا ما اشتهي بس لمن يروح هناك على طول يفطر
مع العلم ترى زوجي يحبني واحبه وطيب وحنون ومايقصر معايا في طلباتي وطلبات البيت
بس مقصر معايا في الجلوس مع بعض وفي الاحضان وزي كدا حتى الجماع ما يهمه
الصفحة الأخيرة
زوجي ما يحب ابدا جلسة البيت متعود على حياة العزوبية هو يتيم الابوين عشان كدا قبل لا يتزوج اغلب وقته برا اذا ما كان كله
حاولت اعوده على الحياة الاسرية بس مافي فايدة
هو مدير فنادق يعني دوامه على كيفه
ودوامه الاساسي من المغرب الين 10 الليل
بس هو يروح الصباح الساعة 8 ومايرجع الا 3 العصر يجي ياكل كم لقمة بعدين يا يسوي قيلولة ساعة ويصحى يروح لشغله او على طول بعد ما ياكل يروح للشغل
مع العلم كذا مرا قاللي ايام الملكة ان شغله الاساسي زي ما قلتلكم
حتى في الاربعين لمن كنت عند اهلي قاللي خلاص راح الموسم وشغلي بس من المغرب الين 10
بس هوا في الحقيقة لمن يظل كل هذا الوقت في الشغل مو لانه في الشغل لا
لانه في الفندق متوفر كل شي عنده مثلا كمبيوتر ونت وتلفزيون ومعسل
اغلب الاحيان ينادي اصحابه او اخوه ويجلسو مع بعض في مجلس الفندق ويتفرجو عالتلفزيون ويعسلو مع بعض
يعني معتبر الفندق هو بيته وبيته هوا الفندق ولا يجلسو يحطو قنوات الرقص ويتفرجو عالحريم اللي جالسين يرقصو ومكيف عالاخر
حاولت اجذبه للبيت كذا مرا مافي فايده وعاتبته برضو مافي فايده
مرا سويت حلا وقهوة واتصلت فيه وقلتله تعال اتقهوى معايا قال لا عندي شغل ومدري ايش مع اني سامعة صوت التلفزيون من الجوال
اااخ بس ايش اسوي
ايش الحل
قلت يمكن لمن اولد يتغير بس مافي فايدة زي ما هو ويمكن صار اخص من اول
لمن اعاتبه يزيد اكتر
وكأنه الموضوع عناد