اول مره اسمع بها..الله يساعدك ويسخر لك زوجك

الألتزاام حلووو بس مو بالشكل إللي يمارسه زوجك , أنا بنت ملتزم و زوجة ملتزم , ناس فاهمين الدين صح

حنونيين على أهلهم , و ما يحرمون حلال و لا يحللون حرام , نساافر برى السعودية للتمشية من يوم كنت بزر

لأ أبوي ولا زوجي يعارضون هالشيء و تمشيات و آخر ونااسه ( هذا هو الدين الصح لأن السفر مو محرم شرعاً طالما ما أرتكبنا الفوااحش و تجنبنا المنكراات ) , أنتبهي لزوجك و أنصحيه

الملتزمييين الصح هم إللي يعاملون زوجاتهم و أهلهم برفق و حنيّة و يقدمون مصلحة أهلهم على كل شيء أقتداءاً

بالرسول صلى الله عليه و سلم يقول ( خيركم خيركم لأهله ... ) و ( رفقاً بالقوارير ) , محافظيين على الصلاة و الأذكاار و يعينون أهل بيتهم على الطاااعة لو فيه منكر قدامهم نهّوا عنه بلطف و ليين



أنتبهي لزوووجك , أنا ما أعرف الجمااعة إللي تقصدينها بس لو يبي الخييير كاان لقااه هنا من غير لا يسافر أبوي يحرص على أسلام سواق جيراننا و عامل البقاالة من غير ما يسسافر ولا شيء , و مكاتب التوعية ترّحب بالمتطوعيين

مسكويه وش تحسين فيه منهجكم غلط بغلط ارجعوا لله وسنة رسوله وانا اللي راجعه لك باللي يثنبت لك بانكم على خطاء الله يهديكم جميع

استغفر الله واتوب إليه في ردود منطقية وفي ردود ارعبتني ياالله رحمتك بنات والله العطيم اني مشتتهومحتارة انا أعرف الجماعة هذي وحضرة لهم كثير من الجلسات كان كل يوم سبت مخصص للنساء وللامانه كلامهم عادي ومااشوف انهم خارجين عن السنه بالكس اخرج من عندهم وانا مرتاحة ومنشرحة الصدر بس اللي انا اختلف معاهم فيه انهم يرغبو الرجال بطريقة اتركو نساكم واطفالكم في سبيل الله سلامات وين احنا انا زوجي يبغى يسافر وانا نفاس وكمان قيصري وعيالي صغار يتعبو الواحد وطغوط اقسم باالله رجال مايتحمل اللي تحملته ماعندي احد يخرجني ولا اقدر اخرج بهم عند اهلي لان بيتهم صغير واخوي وحرمته يالله يطيقو نفسهم عاد يتحملوني انا وعيال انا اتكلم ومعانات 13سنه واكثر واكثر اللي ازواجهم يسافر رجالهم ماشاء الله موفريلهم المتعة هم يكلموني بنفسهم اللي تروح عند اهلها صديقاتها مولاة يعني محسو بفراغ كبير ياجماعة الخير انا اتحمل مدارس ومصاريف البيت اجلس اكلم اخويه جبلنا وهو مو ملزوم والله اخويه يدخل عليا الغرفة يلقاني منهارة ويجي ابو الشباب مبسوط طيب هذا كله مافكر يحقق اللي انا اتمناه ماتكلمت الا لمن طفح الكيل انا بشر حتى لمن امرض يكون عنده خرجة عندهم يعصب ويبين اني طيعت منه فرصة كبير ويحس باحراج منهم يعني فهمني هذي الايام خط احمر لا تفتحي فمك انا ماانكر هيا تجلب الخير بعدها بس والله كرهني فيهم لدرجة ماعاد اروح عند النساء الواحد يكون وسط موبطريقة هذي حسسني ان احنا في زمن السيف والخيل
البنات اللي فاهمين اهل الدعوة تمام اتمنى تتفهمو مشكلتي انا موانسانه جاحدة احب الخير واحب الدين واحب عايلتي تكون من افضل العايئلات استقامة واسعدني تواصلكم وياريت اختي مسكوية تفهمي وضعي ولك مني كل الدقدير على جهودك واشكر البنات على ردودهم

مادري حرام والا لا
الله اعلم
طبعا لاتحسبون لهم مذهب غير لا طبعا
حاشاهم
لكن سالفة خروج ثلاث ايام واربعين يوم مادري
لا وفيه اربع شهور بعد
طيب الموظفين مالهم الا شهر بالسنة متى يخرج زوجته واطفاله
الله اعلم ماراح اخوضً في شيء ماعرفه

الاخوات اللي يقولون ماهم على سنة الرسول واللي تقول اجتماعات سرية
ليتكم ماتردون دون معرفة

اولا الجماعه هذي معروفه في السعودية وفي جميع بلدان العالم حتى وصل نشاطهم للدول الكافرة
يعني ما فيه اجتماعات سرية والحكومة تعرفهم وتعرف منهجهم
يعني لا تخافون الحكومة احرص منكم على مصلحتهم
لكن الشي المختلف عندنا عن الدول الثانية ان اجتماعاتهم في البيوت بدل المساجد
لان المساجد في بلاد التوحيد مغلقه ولا تفتح الا لاداء الفروض
وفي جميع الدول حتى الكافرة المساجد مفتوحه للعبادة اربع وعشرين ساعه!!

هذا شي
الشي الثاني
هذه الجماعه لمن لا يعرف اول من اقامها رجل هندي في الهند والهند كما نعلم دولة غير مسلمه فالمسلمين هناك عندهم جهل كثير لجهلهم باللغه ولبعدهم عن منبع الرساله ولتقصيرنا اولا في نشر العلم بينهم
فأكيد لابد من وجود الاخطاء عندهم (ولا يخطئ الا من يعمل)اما من يجلس في بيته ويتفرج على الناس فليس عنده الا النقد لانه ساكن والساكن لا يسقط!!
لكن هذه الاخطاء مقصورة على البلدان التي لا تتكلم العربية
يعني نشاط هذه الجماعه ليس فيه منكرات ولا شركيات في البلاد العربية لان من يقوم عليها من خيرة الناس علما وتقوى وفقه

وسواء تكلم عليها الشيخ الفلاني او العلاني فأقول كل يؤخذ من كلامه ويرد الا رسول الله
ومادام نشاطهم يخلو من المنكر والممنوع فلماذا نحذر ونمنع
وهم والحق يقال قد اهتدى على ايديهم كثير من المسلمين المنحرفين سواء هنا او في بلدان اخرى

وانتي يا اختي احساس مالك الا الصبر وتعودي نفسك على هالشي
لانه اذا ما صبرتي بتزيد مشاكلك وتنكدي عيشتك وعيشة زوجك
انتي الان لك 13 سنه وكلها كم سنه وعيالك يكبروا ويخدموك

انا زوجي كان معهم وتركهم ومع ذلك ما تغير من نظامه شي
يعني تتوقعي صرنا نسافر برا والا نطلع مولات ونزهات والا مدري ايش

الرجل على طبيعته فيه رجال يحبون يطلعون ويتمشون ويطلع حرمته معه وفيه رجال يحب يطلع مع اصدقاه فقط ولا يمكن يطلع حرمته

لكن انتي قرنتيها بهالجماعه وعشان كذا كرهتيها
لكن السبب مو هم
السبب طبيعة زوجك من البداية عشان كذا لازم تتأقلمين

ممكن وضعك مع اهلك صعب لكن مالك الا الصبر ونهاية الصبر الفرج باذن الله

ربما بحسن التبعل وتذكيره بحق الزوجه (ولكن لا تقارنين نفسك بما يفعله مع الجماعه لانه بيعصب ويفهمك غلط ولا تستفيدين )
اقول ربما يلين معك ويحقق لك بعض ما تريدين
لكن هذا ما يجي الا بالمودة واللين

ونصيحة لك افهمي بوصلة الشخصية ونوع شخصية زوجك حتى تستطيعين ان تفهميه وتاخذي منه ما تريدين دون مشاكل ووجع راس