🌹جمالك بعد سن 35 " فضفضة وتجارب "🌹

معقول كل المنتدى تحت 35 ههههههههههههههههههههههههه

مثل ماتوقعت محد بيرد ع اساس محد يعرف عمرها ههههههههههه

عادي عادي خلو روحكم رياضية

ترا 35 شباااااااب


بس مجتمعنا متخلف للاسف

برا عندهم 35 توها تتزوج وتخلف وجسمها قمة في الرشاقة وجماااال

صباح النشاط والحب و السلام
حبيت الموضوع..... بما ان عمري 38
اكيد كلما كبرنا تبدا تظهر علامات تقدم العمر...الاشياء الي اسويها علشان احافظ على نفسي ...شرب ماء بكثرة...عصير البرتقال الفرش على الريق...احاول وزني مايزيد..
ماعندي مشاكل ببشرتي عندي بشعري ..شعري اسود جدا وغزاه الشيب من سن مبكر
بس حاليا بشكل فضيع وانا ما احب ادمر شعري بصبغات 😳

والله ياأختي أنا من زمان وأنا صغيره كنت أدعي ربي "اللهم كل مازدتني عمراً زدني مالاً وجمالاً وصحة وعافية وراحة بال "
والحمدلله استجاب دعائي


تكون نفسيتك مؤمنة مرتاحه متفائله برب العالمين ، بعيده عن تعقيد الأمور والحسد وغيره ...
الوزن مهم جداً تهتمين فيه لأنه هو اللي يكبر الوحدة حتى لوكانت صغيرة
ماء كثير كل ما يأذن اشربي كوب ونص عشان ماتنسين ، عصاير فرش نوعي منها أنا احب الأفوكادو وله دور كبير لتحسين البشرة ،، وكل يوم شي خلي يوم تفاح وشمندر يوم جزر وبرتقال يوم كيوي وأناناس وشوفي النت وخلطات العصاير كل يوم سوي شي و أقل شي كوب عصير برتقال فاليوم
وكريمات ليل أنا ماحب كريمات النهار وأحب كلارنس عندهم أشياء حلوه حسب العمر خذي شي واحد عالأقل واستمري عليه لاتكثرين كريمات
وواقي الشمس أهم شي لما تطلعين من البيت، بعد من كلارنس عندهم أنواع خفيفة مائية حلوه
وعالريق ماي وعسل أو سبع تمرات
سوي مساج خفيف باليدين للبشرة كاملة عشان تنتعش والله يزيدك جمال وسعادة يارب

موضوع جميل

السلام عليكم ورحمة الله وبركاته انا عمري تقريبا مثلك 35 وما عندي ما عند جدتي من اساليب العنايه مدري ليه ما احب موضوع العنايه ذا بس اكتشفت ان هذا من اكبر الاغلاط والاخطاء الي ممكن الوحده تسويها في نفسها لان احنا النساء مخلوقات جماليه لما نهمل جمالنا نفسيتنا تتعب ولما نهتم ونحافظ على جمالنا نرضى عن نفسنا ونسعد حتى لو كبرنا في السن