حلو الموضوع بنات اي وحده سمعت تجارب احد تكتبانا قريت قبل بالنت ان اللي يشرب زيت زيتون على الريق ماتطلع له تجاعيد وهذي تجربة شائب ومره وبناااات عليكم باكل العنب مع بذوره وزيت زيتون لان العنب كولاجين وقريت من الدكتوره ريم ان الشيب سببه نقص النحاس يعني كثروا جزر وكاكاو مر وقسط هندي وابتعدوا عن الجبن والدجاج واللبنه يعني طبعا قريت بالنت ماجربت وأنا بشرتي حيل تعبانه وما أنام مبكر

صباح الانوار ..


ابدلوا بدلوي مع انو مو عمري 35 لا اصغر بكثير بس ابنقل لكم تجارب اخواتي الكبيرات .. اكبر وحده عمرها بالاربعين وانا الصغيره طبعا ..
<اخر العنقود ههههه
لكن مايمنع انقل لكم عنايتهم واسرارهم وترا هم يبدون يهتمون بانفسهم من البلوووغ لاحظوا من تبلغ البنت تبدا تهتم بنفسها

المهم يابنات والله خواتي ماشاءالله لاقوة الا بالله تشوفونهن تقولن هذلّي اعمارهم في العشرينات طبعا اول شي عامل الوراثه عندنا امي وجدتي وخالاتي سبحان الله اشكالهم صغيره وبيبي فيس ماشاءالله لاقوة الا بالله
بس طبعا العنايه الداخليه والخارجيه لها دور كبير في المحافظه ع اشكالهم وطبعا الروقان وبرود الاعصاب والنفسيه الحلوه لهاا دور كبير في المحافظه ع الشكل الخارجي والداخلي السليم ( اقصد بعض الامراض الله يعافيكم منها)
اول شيء التغذيه السليمه الصحيه ..
تشمل الفواكه والخضروات الطازجه
والحبوب الكامله والمكسرات الخام وشاهي الاعشاب ..
هذي الداخليه
اما الخارجيه بالواقي الشمسي
وبعض المستحضرات وان كانت غاليه فما شيء يغلى ع البشره
وبحاول احط لكم بدائل سعرها معقول
اول شيء جدتي وامي مايستخدمون الا الطبيعي مايعترفون الا بهالاشياء
مثل السدر وهو ع القائمه
والكركم
العكر الفاسي
النشا
اللبان الذكر


الورد المحمدي المجفف
الخزامى
البابونج


القهوه التركيه المطحونه

صابون الغار
زيت الزيتون المعصور ع البارد ونجيبه من اقاربنا بالاردن
زيت السمسم المعصور ع البارد
زيت الورد ولاحظوا يكون لونه وردي فااتح وهو الاصلي وناخذه من عطاره باسواق الديره بالرياض الله يجزاه خير اصلي ميه الميه وريحته تفتح النفس
زيت الجلسرين
وبعدين انا علمتهم ع زيت فيتامين هـ وزيت الجوجوبا والبرتقال والليمون وزيت بذور العنب وزيت بذور الهيب
وصاروا يستخدمونها معي وتعطي نتاايج افضل واسرع بكثيرر



ترا هالاشياء من اسرارنا بس بعلمكم فيها لانها روووعه جد ولانكم تستاهلون بس مابي الا دعواتكم بظهر الغيب


الاشياء اللي يستخدمونها خواتي هي
فيتامين سي سيروم
هالورنيك اسيد سيروم وان ماحصلتوا فيه كريمات تحتوي ع هالماده
وماركتها يوسيرن
فيه منها كريم ليلي ونهاري وكريم محيط العين ..
خواتي طريقتهم يغسلون بصابونة الغار السوريه الاصليه
ثم يجففونها ويرشن ماء ورد مخلوط معه نقط قليله من زيت الجلسرين يعني بالرشاش ينقطون بالنقاط حول 3 او 4 نقطات وبس ويرجونه ويستخدمونه بعد مايجف يجيبون سيروم فيتامين سي
ويحطونه ع الوجه نقط منه مو كثير
وحول العين وع الرقبه
يتركونه حول 4 د لين ماتتشربه البشره ويجيبون كريم يوسيرن اللي يحتوي ع هالورنيك اسيد
ويدهنون بشرتهم به الوجه والرقبه لها كريم والمحيط للعينين له كريم
وينامون به والصباح يستخدمون نفس الشيء باستثناء السيروم وكريم الليل يستبدل بكريم النهار
وطبعا مع الحرض ع اكل العسل الطبيعي مع ماء فاتر ع الريق
وعصاير فررش زي برتقال مع جزر وطماطم واناناس وخوخ
والخضروات الورقيه خس وجرجير وبقدونس
وطبعا بتجنبون قدر الامكان الحراره والشمس
ويحطون واقي بايوديرما او افين ..
والماسكات زبادي مع حليب وشوفان وشوي عسل ابيض
سدر مع نشا وحليب سايل


والمكسرات مع شاي الزهورات هذا العصر او عقب العشا ع طول
المكسرات تكون خام مو محمصه
مثل عين الجمل - لوز-فستق
بس ومن كل نوع من 5 الى 7 حبات مانكثر لانها تسمممن
وع فكره ترا اللي يستمر عليها تبي تحسسه بشبع ولاياكل وينحف بالتالي
طبعا غير فوائده للبشره والشعر والجسم بشكل عام لانها تحتوي ع اوميغا 3 وفوائد ثانيه تلقونها بالنت ابحثوا راح تنبهرون فيها صدق والتجربه خير برهان
شاي الزهورات هذا حنا مانشرب الا هوو مانعرف الشاهي ابد
يانشرب زهورات او نعناع او حبق فقط
طبعا الزهورات مو الجاهزه لا نشتريها مفصله ونخلطهن جميع وهي مكونه تقريبا من 8 او 9 اعشاب

والقهوه العربيه مانكثر عن فنجالين حجم صغير ان خرربناها 3 فناجيل خلال اليوم
والقهوه التركيه والنسكافيه مانشربها لانها تجفف الجسم
ايه وذكرت الماء نضيف له ماء ورد وقليل من الزعفران الاصلي ..
ونشرب لترين مايقل عنهاا


وفيه لي موضوع راح اذكر فيه هالاسرار اللي قلتها هنا وطريقة استخدامهاا وهو اسرار عنايتي شيكوا عليه والله بينفعكم