جميع الاستفسارات عن الشغاله >>دمجت في هذا الموضوع

انا ماعندي شغاله
بس القانون هنا بأمريكا انها تشتغل ساعات معينه باليوم ولها اجازه بالاسبوع وتطلع على كيفها والجواز يكون معاها .

والراتب طبعا اكثر .


الله يشفيك ويعافيك ويفرج كربتك.

نسيت اقولك تقدرين اذا جيتي هنا تجيبين وحده تشتغل باليوم وتروح احسن لك.

وترى هنا مافيه شغل كثير بيوتهم صغيره مرره واغلبها فيها غسالة مواعين .

مثل ماقالت شذوو ترا من جد وهقه هينا كلش عندهم نظام في نظام ماتسوى عليك تسويلك مشكله او شي لوتجيبين وحده بالساعات افضل
وربي يشااافيك ياقلبي ويرجعك سالمه

:)

هلا اختي مثل ما قالوا الحلوتين شذو وغنوجه الشغاله صعبه هنا .. فيه لو تدورين بالدليل عندكم على شركات متخصصة بتنظيف البيوت .. تتفقين معهم مثلا يجونك كم مره بالاسبوع ينظفون البيت والأرضيات والمطبخ ودورات المياه الله يعزك وأسعارهم معقوله

هلا اختي
صديقتي فكرت تجيب شغالتها طبعاً هي هينا وشغالتها بالسعوديه

وكلمت السفاره بالسعوديه على اساس تشوف الأجرات إذا هي سهله طبعاً هي حامل وتدرس ..

المهم قالو لها ok لكن راتبها لازم
من 1400 الى 1600 يتحدد بعد ما تجي امريكا
لها 8 ساعات باليوم تشتغل بالبيت بس ولازم تحددين لها
البيت او عنايه بطفلك << او اطفالك
يعني ماتشتغل كلهم
غير كذا لها يوم بالأسبوع هي تختاره اجازه وتطلع فيه اي مكان تبغاه
ماتلزميه بالحجاب هي على كيفها

تصدقي قالو لها كل هذا قالت ماادرس ابرك لي من اللعوزه تخيلي راتبها بالشهر<< الشغاله كثر راتبك اللي يدفعونه لك الملحقه حشى لو بتعيشن على كفوف من ذهب وماتدرين بكرا تخترع لك تهمه او بلاء انتي غنى عنه مالك ياخيتي بهذا كله تعالي والله يسهل يارب


كلنا متعودين على الشغالات عني انا جيت لأمريكا ومعي بنت عمرها سنتين وكان عندي شغاله بالسعوديه ويوم جيت هينا توقعت اني ماراح احك راسي من الشغل وطلع العكس
البيوت صغيره ووذفه المطبخ فيه ديش ووشر والملابس غسالاتهم تجيب العافيه بس قطي الملابس فيها وانسيهم نصف ساعه تجين بس خوذيهم وحطيهم بالكوايه << أله تشبه النشافه بس انتي تحددي نوع الحراره حسب نوع الملابس وكم المده يطلعو لك جاهزين بس صفطيهم او علقيهم عموماً ترى هينا العيشه غيرررررررررر عن السعوديه مع اني ما جربت الشغل بحكم كان عندي شغالتي لكن والله من جد هينا الحياة بسيطه ولاتحتاج تكاليف ..


طولت عليك ياقلبي بس حبيت اوضح لك تجربة صديقة اللي بس فكرت تجيبها وهذا الكلام صار لها شهر بس

واذا مرررررررره مضطره جيبي لك يوم وحده بالساعه تنظف لك المطلوب وريحي مخك << أشتري راحتك بفلوسك :)

الله يسهل عليك واذا تبي تتأكدي من كلام صديقتي كلمي السفاره اللي بالسعوديه وأسأليها عن المطلوب أضمن لكـ << بس ما أنصحك:09:....