لسلاااااااااام عليكم يابنات

شخباركم هاه بشروا

ابي العلوم السنعه

بصراحه يابنات انا جهازي خرب وماقدرت اسوي عليه وانشغلت بزواج صديقتي<<اجل لو هو زواجك وش تبي تسوين خخخخخخخخ

الموهيم سويت عليه كم يوم ونقصت نص كيلو مش بطال وانا اكل ماهب ودب صوح يابنات :)

اتصلت على يومارك وقلت هاه متى الوعد قال اي وعد << قال وش تبي ذي هههههههههه

قلت وعد التصليح قال اسفين احنا مانطلع نصلح ممنوع (افا ياذا العلم خرطوا علي اجل قبل ما اشتريه)

قلت وانا بنت ابوي الا قايلين لي قال من قالك طبعا انا كبيت عشاي عنده

قال اوكي اتصلي بعد الظهر !!!!

امحق والله انه رايق وانا مواصله لي يوم

واسحب عليهم وانام (قولوا نوم العوافي :) )

ويوم صحيت صار التالي ذكره :

مشالله انا وابوي قعدنا عليه اليوم وهات تصليح في الجهاز والله بغى يصير فانتاستك بس هون الجهاز

شكله زعل خخخخخخخ

وانا ارجعه لغرفتي وقلت طيب انا اوريك العين الحمرا <<< تراه موب سهله كانه المثل اللي يقول اتقي شر الحليم اذا غضب (مالها دخل)

وسويت عليه اليوم ولا ادري وش يصير باتسر=بكرا يعني

وين انا ووين يومارك هم بالملز وانا بقصى الدنيا ولافيه سواق آآخ يالقهر بس...

دعواتي لكم ولي بالنحف العاجل الغير آجل واللي يصير على سنع موب صفار وتساقط شعرات هون وهونيك

اللهم امين

واقول لاختي الحنونة صعب ننتظم كلنا بريجيم واحد لان كل واحد فينا له احتياجات ماهي للثاني

واشوف الافضل واللي انا اتبعه لي سنه ومره ممتاز ووزنك بعد مايرجع

انك تخففين الاكل ومافيه اشكاليه اذا لخبطتي حاولي تعوضين باليوم الثاني

ولاتحرمين نفسك من شي تحبه لكن خففي صدقيني كذا ماراح تحسين بالحرمان بس تصغر معدتك وانتي تاكلين كل شي + المجهود الرياضي وان شاء الله يكتب لك ربي النحف

من واقع تجربتي

قبل سويت ريجيم قاسي + صيام الاثنين والخميس + رياضه= نقصت 32 كيلو في ثلاث اشهر طبعا بتقولون حلو

لكن تعالوا شوفوا شكلي تقولون طالعه ذي من العنايه المركزه بسم الله علي

تساقط شعري وبشرتي الله لا يوريكم صارت شاحبه وصفرا يعني يازيني منول انا وشحمي اهبل

وفوق هالشي كله رجعه بأقل من شهر وخاصه كنا في رمضان وانتم خابرين ما معنى رمضان :)

لكن هالحين تمام نقصت من وزني 30 كيلو بسنه

صرت امشي ساعه باليوم واخفف اكلي واحاول ان قدرت اتجنب المقليات واعوضها بالمشاوي والسلطات وكثير مقدر

لكن كان شعاري التخفيف

وصرت اسوي على الاجهزه بالنادي لما شريت اوربت تراك واستقريت بالبيت <<< وصلت الحاله الاستقرار خخخخخ

بس ماتصدقون جلست حوالي اسبوعين ما اسوي رياضه وانواع الخمول لكن مارجع وزني ولا كيلو مثل الريجيم الاول

والحمد لله الكل يثني على شكلي

مافيه شحوب بالوجه بالعكس لكن خدودي راحت وهذا نحاول بالبطاطس علها تنفع ههههههههه

وجسمي فيه شد وشعري تساقطه طبيعي

الله يتممها من نعمه

حبيت افيدكم بتجرتي والذكي اللي يستفيد من تجارب غيره

امنتكم الله للاسبوع الثاني باذنه تعالى

\\\\\\\\\\\

><><><

شريته من اسبوع وكل يوم ثلث ساعة والان توقفت عشان الدورة وان شالله برجع بتابع
اشتريته 285دررررهم

:10_8_9: :7_5_127: