جيتلكم اليوم بدايت لمدي الحياه ان شاء الله ~~~ تعالو انضموا معي بسررعه

السلام عليكم يا احلا عالم حواء....

جاهزات معي لتخوضوا تجربه الدايت السحري ...دايت صحي جداا لمدى الحياه.. دايت بعتمد علي أخذ الطاقه من دهون الجسم مش من الكارب او السكر اللي كنتي تاكليهم وبالتالي بصير ينزل وزنك
نزل وزني بعد ثبات لمدة 4 شهور من 70 وحاليا صار 66 خلال 3 اسابيع فقطبالمختصر هوه دايت البروتين وهوه عباره عن 80 بالميه من طعامك لازم يكون بروتين و20 بالميه فات او دهون عكس الكيتو
الفرق بينه وبين الكيتو انه الكيتو بنزل الوزن لكن بمده اطول وبطيئ جدا لكن هذا الريجيم بنزل اللوزن اسرع بكثير
بالبدايه خليني اقلكم تجربتي بعالم الدايت ورحلتي بنزول الوزن
انا بدأت متل اي حدا فيكم متخبطه صراحه اي دايت اجرب عملت انواع كثيره منها الريجيمات القاسيه الغير صحيه نهاءي ومنها ريجيم الوجبه الوحده باليوم
ومنها الصيام المتقطع ومنها ايضا ريجيم اللبن الزبادي او التفاح او الشوربه الحارقه
جربتهم كلهم وفيه منهم نزل وزني وفيه لا
لكن يا صبايا كل هذه الريجيمات غلط ليش؟ لانه بنرجع ننعكس يعني الحرمان يؤدي الي التخبيص اكثر
وانا كنت افهم مفاهيم خاطئه انه الحرمان ينحف او بعض الريجيمات الغير صحيه تنحف
واكتشفت انه تفكيري اكبر غلط لانه لو نزلت فعلا برجع بزيد وزني وبفقد السيطره لانه الحرمان اكبر غلط او مش نظام حياه
وبالفعل نزل وزني كان 80 ووصلته ل 70 بهذه الريجيمات الخاطئه لكن بعدها وقف وزني عن النزول تمااااما وثبت
علي الرغم من اني بتعب رياضه وحرمان وغيره لكن ثبت وزني لاكثر من 4 شهور بطريقه مزعجه
قررت اروح علي خبيره تغذيه عشان افهم شو اللي بيحصل وشو نصيحتها
ودخلت عالم البروتين وما ادراك ما البروتين
ريجيم صحي ميه بالميه اول شي صحتي تحسنت جدا ولله الحمد كنت اعاني من الكحه الشديده من غير اسباب وتوقفت الحمد لله لاني قطعت السكر
وانا عايشه باميركا خبيره التغذيه فهمتني اسباب ثبات وزني انه عدم ممارسة فقدان الوزن بالطريقه الصحيحه
هلا يا صبايا جاهزات تتعرفوا عليى هالدايت وهوه دايت للعمر يعني اسلوب حياه مش شهر وخلص لا بس بالبدايه خلينا نفهم شو محتاجين وشو متوقعين::
اولا: تخلصي من عاداتك الصحيه الخاطئه ومن فكره انه شرب الماء ممكن يزيد الوزن نهاااائي المي بتنزل الوزن فيوميا اول ما تصحي من النوم جهزي قنينه ماء كبيره 64 اونصيز
يعني حوالي 8 قناين من الماء يوميا اقل حد وبامكانك تضيفي زنجبيل معها... وفوائد المي عظيمه اولها التخلص من الامساك وبالتالي التخلص من السموم بالجسم تانيا بتزيد او بتسرع معدلاات حرق الدهون لانه قلة الماء
رح بخلي الجسم يفهم انه مافي مي كافيه فبالتالي بحتفظ بكميه كبيره من الماء وبالتالي زياده الوزن بسبب احتباس الماء وهون الغلط فالماء ضروري جدا
تانيا: الابتعاد تماما عن الحليب البقري والتعويض عنه بحليب جوز الهند خالي الدسم وسعراته قليله والكارب والسكر قليل فيه طبعا اختاري حليب دوز الهند غير المحلى
طبعا ليش الابتعاد عن الحليب اولا الحليب لو قرأتوا محتوياته بتكتشفوا انه فيه كميه من السكر والكربوهيرات وبالتالي هاد معارض للدايت وهوه التقليل من الكارب والبعد عن السكر تماما
ثالثا: روحي اشتري متطلبات الدايت وهيه بسيطه للغايه جيبي سكر استيفيا تعويض عن السكر المصنع لانه سكر طبيعي واكتبي ليسته بالخضار اللي محتاجيتها يوميا
رابعا: الابتعاد تمااما عن الفواكه
خامسا: لازم تشتري الفيتامينات المهمه لانه هاد الدايت قليل السعرات فلازم الفيتامينات تكون موجوده وهيهomega-3..multi vita..potassium..cal-mag
وبالعربي اوميجا 3 وبوتاسيوم وفيتامينات متكامله وكالسيوم ومغنيسيوم
مهم جدا هالفيتامينات بتعوض النقص وبتعلي من معدلات الحرق للجسم
سادسا:تكوني جايبه ارادتك والهمه العاليه والصبر والافضل الميزان تشوفو بعد سبع ايام عشان تحسوا بالنتيجه
سابعا: بهذا الدايت لا يفضل ممارسه الرياضه لانه مافي كارب وبالتالي الطاقه حتكون شوي قليله لكن يمكن ممارستها مره بالاسبوع او مرتين لا اكثر
الأن بعد ما قلتلهم بعض النقاط المهمه نيجي للدايت او مثل عن الدايت اللي حيكون بيومك
انتي حره بنوعيه الاكل اللي بتختاريه لكن الأهم هوه تحاولي تركزي علي الاسماك واللحوم اكثر من الالبان ومشتقاته لانه بكون اسرع بالنزول وزنك
مثال بسيط علي وجبه بروتين ليوم واحد ما تنسوا تقروا او تعدوا السعرات ومعدل الكارب بكل شي ما يتجاوز عن 30 غرام باليوم وتتاكدوا انه مافي سكر طبعا
الفطور:بيضتين مع شريحه توست قمح او رغيف صغير خبز اسمر ممكن تضيفي نص حبه بندوره معه او خيار مع حبة مالتي فيتامين وبوتاسيوم
بين الفطور والغداء ضيفي فنجان قهوه او نسكافيه بس بحليب جوز الهند ابتعدي تماما عن حليب البقري مش صحي نهائي
الغدائ قطعة صدر دجاج مع معلقتين زيت زيتون والبهارات متل ما بتحبوا لا تتجاوز ال 4 اونصيز مع صحنين خضار مسلوق او مشوي مش مشكله مثلا يكون محتوي علي كوسا مقطعه مع بروكلي مع فيتامين ال اوميجا 3 ومالتي فيتامين كمان حبه وحده
بين الوجبات معلش تاكلي خس طول اليوم لانه مفيد كتير وبسرع الحرق
وما تنسوا الماء مع الوجبات يا صبايا مي كتيررر اشربوا حتى لو مش عطشانه
العشاء: قطعة سمك مشوي مع ملعقتين زيت زيتون وصحنين خضاار كمان متل مشروم وهيليون وبروكلي وفيتامين اومجيا 3 مع الكالسيوم والمغنيسيوم
ما تنسوا يا صبايا المي ضروريه جداااا بالحرق
طبعا ليش هاد الدايت ناجح لانه مافي حرمان حتى لو كميه قليله
حاولوا السعرات اليوميه ما تتجاوز عن 700 كالوري افضل
النتائج المتوقع باول اسبوع
طبعا يا صبايا هاد الدايت لانه فيه انقطاع تااام عن السكر والفواكه والكربوهيرات فأول اسبوع حيكون اصعب اسبوع
لانه فيه تنضيف للجسم يعني عمليه ديتوكس فالاعراض المتوقعه صداع شديد وتقلب بالمزاج لكن معلش اصبرو هاد دليل علي انه الجسم بتخلص من السموم وبتنضف
بعد اليوم الخامس رح تحسي بنشاط فظيع والنفسيه بتصير احسن وبيروح الصداع
طبعا المثال اللي قلتلكم اياه فوق عن الدايت مثال بس بامكانكم تختاروا اي نوع بروتين بتحبوه لحمه او جاج او تونا لكن بنفس الكميه اللي هيه 6 اونصيز مش اكثر
والتركيز علي المي بهالدايت لانه الجسم لما ياخد بروتين كتير محتاج لمي اكتر
وبخصوص السناك يا صبايا او شو مقترحات بين الوجبات بامكانك تعملي سموثي هيلثي مثلا او تختاري شيبس للدايت يكون فيه نسبة كارب قليله مثل 7 غرام وسكر قليل 1 غرام
ما تنسوا تجيبوا استيفيا السكر الطبيعي للتعويض عن السكر العادي
وما تنسوا انه الدهون اليوميه لازم ما تكون اكثر من اربع معالق زيت زيتون او خمسه
والكارب اليومي ما يكون اكثر من 30 غرام باليوم
اللي حابه تنضم معي بهالدايت الفظيع بالانتظااار وبنصير نكتب يومياتنا وانا متواصله مع خبيرة التغذيه عشان افيدكم يا صبايا انن شائ الله