شخباركم ...
اليوم تجمعوا صديقاتي عندي وجهزت لهم ترتيبات حلوووه وناعمه وسوينا مسابقات لهم .. بارويكم اياهم ونبدأ باول الصور ...
نرويكم مكان القعده قعدنا بالحوش بالطبيله عشان البرد ....
وهذه الضيافه كل وحده تحط بنفسها علبه فيها الشاي والكركديه والنعناع والكاسات فيها الملاعق والكوفي ميت والنسكافيه ...
وجهزنا الشال حق اللي يبي ...
وهالمكان القعده حق الخبز رقاق ..
وسويت المسابقات وقسمنا البنات الى فريقين ..
وكانت لعبه التخمين ...
في هاللعلبه حطيت قران صغير وفوقه علبه بندول .. وابتدينا باول فريق وعقب شليت العلبه وكلملنا مع الفريق الثاني
حطيت القران تحت عشان محد يلاحظه لان هاللعلبه خاشتها عن بنتي لان لو شافت بتعلم ..
((لحد يرد خل اكمل الموضوغ ))
والمسابقه الثانيه .. كانت لعبه اي ولا...
وكنا نختار متسابقة من الفريق ونعطيها هديتها ويسألونها الفريق الثاني ..واذا خسرت ترجع الهديه ..
وعقب كرسي الاعتراف نختار وحده من الفريق واسألها أسئله وتجاوب عليها ..
وعملت حق كل وحده
شوكه وسكين وملعقه وفريشي وعلكه ومنديل داخل كيس صغير .. العلكه حطيتها اخر شي لين وصلت ...
والعشاء كان
سندويش مسخن احنا مسوينه ودجاج بالوبينغ بطريقة ام نواري الغاليه ، وعلبه صغيره فيها لبنه وتوست محمص وسلطه المعكرونه وروتي مع جبن على شكل ورده ..
والسويت اخر شي كان تيراميسووو...
نسيت اصورها قبل الاكل بس لعيووونكم سويت استوب سريع وصورت ههه