السلام عليكم ورحمة الله وبركاته
اشوف كثير بنات تجي وتجلس فهل منتدى تدور حل لمشكلات فبشرتها
أو انها شافت بنات تغيروا وهي حبت تتغير بعد
فقلت اختصر الموضوع وافيدكم بالاشياء اللي نفعتني
بسم الله نبدأ :
ما بجيب شي جديد من عندي كل تغيير وراه عزيمة وقرار للتغيير
اي وحدة كسولة وملولة لا تسويه
العناية الداخلية :
1-الماي مهم مهم مهم يعني لازم تشربين قدر كافي يوميا بدون ملل
خلي جنبك غرشة والبنات اللي عندهم اي فون ترا في برنامج اسمه aqua plan يذكرك بدفعات الماي اللي
تشربيها يوميا وشكثر شربتي
2- اشربي كاس عصير برتقال يوميا على الريق
3- اختاري فيتامين تجميل اللي يناسبك بس افضلهم للنظارة زهرة الربيع المسائية او ايميدن الاصفر
4- حطي صحن سلطة خضار مع الغداء واذا ما تحبينه حطي بس الخضار اللي تحبيها
و ضيفي ليمون او فلفل اسود و ملح و التتبيلة الايطالية وجبنة وطعمها يصير واو وتشبع
العناية الخارجية :
الوجه
بتكلم حسب المشكلة :
1-عندك حبوب و بقع و آثار حبوب :
كريم الترطيب : سيروم فيتامين سي من بودي شوب لبعد الظهر و الواقي للصباح
ليش؟ لانه في بنات جربوا خلطة الليل اللي بذكرها تحت وقالت انه بشرتها صارت رقيقة السبب ؟
انها قشرتها لكن ما غذتها ولا رطبتها من الداخل و معروف كريم فيتامين سي يرمم البشرة بشكل خراافي
الصابونة: صابونة بيزلين للتفتيح البيضا
كريم الليل : رتن ايه و دكوين فورت ممكن تستخدمي افالون كبديل
استمري عليهم شهرين فقط ووقفي خلطة الرتن ايه
2- تبين تفتيح و نظارة فقط وبشرتك ما فيها عيوب :
كريم الترطيب : سيروم بيزلين للتفتيح
صابونة الوجه : خلطة صابونية : صابونة كركم و صابونة بابايا بالقطع ذوبيها بماي ورد و نص كوب ماي
و ملعقة ونص حليب بودر و ملعقتين جلسرين و ملعقة نشا وربع ملعقة كركم جسم
خلطة الليل : كريم بابايا يوكو و كريم اولاي الاخضر و دكوين فورت وربع افالون
ماسك يوم وترك : روب و ظرف شاي اخضر
استخدميها شهرين ووقفي
3- للمحافظة على نتيجة الخلطتين :
اختاري اي كريم مرطب ترتاحيله او سيروم تحبيه
صابونية الكركم والبابايا
وكريم الليل اميرة ماجيك او اولاي
ماسك الشاي الاخضر يوم وترك
الجسم :
عناية مكثفة لمدة شهرين او ثلاث :
حمام مغربي كل 4 ايام : صابون مغربي + حنا + ليمون +حنا بيضا + شووي حل تفاح وماي
سنفرة : بعد الحمام المغربي بيوم : سنفرة العروسة+سنفرة المشمش+ملح الحليب +لسان البحر +سفيد اب
الصابونية يوميا : كركم والبابايا اللي ذكرتها فوق بس ضيفي عليها صابونة اغادير
واذا عندك حبوب اسخدمي صابونة الكبريت على اماكن الحبوب
خلطة التفتيح :جلوسوليد وجلسرين و فير اند لافلي الازرق و الوردي و البرتقالي و 2 شيرلي و 2 فيد آوت البني و2 اغادير و 7 حبات اسبرين اطحنيها و اخلطيهم وحطيهم فالثلاجة
تحممي مرتين فاليوم الصباح بالمسا وحطي هل خلطة مرتين بعد كل شاور
بعد هل عناية المكثفة :
اختاري خلطة شالسالفة او كات ومن اللي فيها ريفيدور كخلطة ليل
الحمام المغربي مرة كل اسبوع
والسنفرة 3 مرات بالاسبوع
الصابونية يوميا
لوشن الترطيب اختاري ديرموفيفا للتفتيح او بيزلين او فازلين لتوحيد اللون او جرنجز للفتيح
واذا للحين عندك مشاكل البقع حطي بايو اويل عليها بعد المرطب
وبسسس اتمنى اني افتدكم وحاظرة لاي استفسار :)